کرپشن کے خلاف تحریک میں عوام ہمارا ساتھ دیں، سردار نصراﷲ
جمعرات 21 اپریل 2016 21:49
اسلام آباد(اُردو پوائنٹ اخبارتازہ ترین - آئی این پی۔21 اپریل۔2016ء) پاکستان مسلم لیگ کونسل کے صدر سردار محمد نصراﷲ نے کا کہنا ہے کہ ہم کرپشن کے خلاف تحریک چلائیں گے اور اس مشن میں عوام ان کا ساتھ دیں۔ کرپشن کرنے پر قومی سلامتی کے ادارے سے اگر افسران کو برطرف کیا جا سکتا ہے تو عوام اپنے منتخب نمائندوں کا احتساب کیوں نہیں کرسکتی۔ پوری قوم سڑکوں پر نکلے اور نواز شریف کے استعفے کا مطالبہ کرے تاکہ اس بات کا اعادہ ہوسکے کہ عوام متحد ہیں۔
نیشنل پریس کلب میں پریس کانفرنس کرتے ہوئے ان کا کہنا تھا کہ سب سے پہلے وزیر اعظم کے دفتر کا تقدس بحال ہونا چاہیے۔ آج ہم نے کرپشن کے خلاف آواز نہ اٹھائی تو آنے والی نسلیں ہم سے جواب مانگیں گی۔ ہر ذی شعور کو باہر آنے کی ضرورت ہے ورنہ یہ سلسلہ اسی طرح چلتا رہے گا اور سی آئی اے کا نیٹ ورک پاکستانی افواج کو گھیرے میں لے رہا ہے۔(جاری ہے)
ایک وقت آئے گا کہ ہم کچھ نہیں کر سکیں گے۔
پرانی بات نہیں انہی وجوہات کی بناء پر1971ء میں ہمارا ملک دو لخت ہوا ۔ انکا مزید کہنا تھا کہ پانامہ لیکس والا مسئلہ جب شروع ہوا تو تمام ملکوں کے سفارتکاروں سے رابطے کئے گئے۔ ملک کا خزانہ لوٹ کر لوگ اپنی جائیدادیں بیرون ملک بنا رہے ہیں اور ملک کو دیوالیہ بنا دیا ہے اس تمام معاملے پر کون جوابدہ ہے۔ یہ ایک مخصوص ٹولہ ملک کو کس طرف لیکر جارہا ہے اس بارے میں اب سوچنے کا وقت ہے۔ حکومت کو ہوش کے ناخن لینے چاہیں۔ انہوں نے کہا کہ کرپشن کے خلاف اس مشن میں ہم ہر اس آدمی کو ساتھ لیکر چلیں گے جوخود بھی کرپشن کا خاتمہ چاہتا ہو گا۔کرپشن کے خلاف ہم تحریک چلائیں گے۔ پاکستان ایک جمہوری ملک ہے کوئی لیڈر اگر یہاں پر اچھی کارکردگی نہیں دکھا سکتا تو اس کو حکومت میں رہنے کا کوئی حق نہیں ہے۔ پاکستان کے وسائل کا ناجائز استعمال کیا جا رہا ہے۔ ایسے حالات میں جنرل راحیل شریف کو مدت ملازمت میں توسیع لینی چاہیے۔کرپٹ افسروں کے خلاف کارروائی کرنے سے ان پر عوام کا اعتماد پختہ ہوا ہے۔ اس موقع پر مسلم لیگ جونیجو کے صدر اقبال ڈارکا کہنا تھا کہ پاکستان کے اندر ایسے لوگ موجود ہیں جنہوں نے اربوں ڈالر کھائے ہیں۔ پولیٹیکل ورکر کسی بھی پارٹی کا ہو وہ کرپشن کا ساتھ نہ دے اور ایک محب وطن بنے۔ خاندانی سیاست کا خاتمہ کیوں نہیں ہوتا حاکم در حاکم لوگ ایک دوسرے کو سپورٹ کر رہے ہیں اسی نظام کے خلاف ہم نے تحریک چلانی ہے اور جمہوری نظام میں احتجاج کرنا ہر شہری کا حق ہے اور اس مقصد کے لئے میڈیا ہمارا ساتھ دے۔متعلقہ عنوان :
مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.