چیف آف آرمی سٹاف نے کرپشن کے خلاف درست قدم اٹھایا ہے
سینیٹر لیفٹیننٹ جنرل (ر) عبدالقیوم کی میڈیا سے بات چیت
جمعرات 21 اپریل 2016 17:13
اسلام آباد ۔ 21 اپریل (اُردو پوائنٹ اخبارتازہ ترین - اے پی پی۔21 اپریل۔2016ء) پاکستان مسلم لیگ (ن) کے رہنما سینیٹر لیفٹیننٹ جنرل (ر) عبدالقیوم نے کہا ہے کہ پاناما لیکس کے حوالے سے اپوزیشن جماعتوں کے ساتھ اتفاق رائے کے بعد فیصلہ کیا جائے گا، امریکہ کسی کا دوست نہیں، گلف ممالک کے اندر اس کے ذاتی مفادات ہیں، آرمڈ فورسز حکومت پاکستان کا حصہ ہیں، چیف آف آرمی سٹاف نے کرپشن کے خلاف درست قدم اٹھایا ہے۔
جمعرات کو پارلیمنٹ ہاؤس کے باہر میڈیا سے بات چیت کرتے ہوئے انہوں نے کہا کہ حکومت چاہتی ہے کہ ریٹائرڈ جج پر مشتمل کمیشن بنایا جائے لیکن اپوزیشن جماعتیں اس پر اتفاق نہیں کر رہیں جبکہ اپوزیشن جماعتوں کے ساتھ اس حوالے سے مذاکرات جاری ہیں، اس مسئلہ کا اتفاق رائے سے حل نکالا جائے گا۔(جاری ہے)
ایک سوال کے جواب میں انہوں نے امریکہ کے صدر اوباما کے دورہ سعودی عرب کے حوالے سے کہا کہ کچھ دن پہلے سعودی عرب کی طرف سے بیان سامنے آیا تھا کہ وہ امریکہ کے بنکوں میں پڑے اپنے اربوں ڈٰالر نکالے گا جس کے بعد امریکہ کے صدر سعودی عرب کے دورہ پر ہیں، دراصل امریکہ کسی کا دوست نہیں وہ گلف ممالک کے اندر اپنے ذاتی مفادات کو ترجیح دے رہا ہے۔
اس سے قبل امریکہ کے ایران کے ساتھ اختلافات تھے لیکن اب پابندیوں کے خاتمہ کے بعد تعلقات بحال ہوئے ہیں۔ انہوں نے کہا کہ داعش بھی امریکہ کی پیداوار ہے، مسلم دنیا اب ان کی چال سمجھ گئی ہے۔ انہوں نے کہا کہ آرمی چیف نے فوج کے اندر کرپشن میں ملوث 11 افسران کے حوالے سے درست قدم اٹھایا۔ جن افسران نے جنگ کے دوران جوانوں کی قیادت کرنی ہو اور قیادت کرنے والے کرپشن میں ملوث ہوں تو اس طرح کے افسران کا کون حکم مانے گا۔ انہوں نے کہا کہ آرمڈ فورسز حکومت پاکستان کا حصہ ہین، کرپشن قومی مسئلہ ہے، اس حوالے سے آرمڈ فورسز کی طرف سے جو ابتداء کی گئی ہے، وہ درست ہے۔مزید اہم خبریں
-
گزشتہ سال اٹھائیس کروڑ سے زائد افراد شدید بھوک کا شکار ہوئے
-
پنجاب پولیس کی وردی پہننے پر وزیر اعلیٰ مریم نواز کیخلاف مقدمہ درج کرنے کی درخواست دائر
-
خیبرپختونخوا ہ حکومت کا صحت کارڈ کی مد میں ڈاکٹرز کو موصول رقم پر سیلز ٹیکس لگانے کا فیصلہ
-
عمران خان نے سعودی عرب کے حوالے سے بیان پر میری سرزنش کی، شیرافضل مروت
-
سمگلنگ کا خاتمہ کئے بغیر معیشت مضبوط نہیں ہوسکتی،شہباز شریف
-
وزیر مملکت برائے آئی ٹی و ٹیلی کمیونیکیشن شزہ فاطمہ خواجہ سے میٹا کے وفد کی ملاقات
-
معروف ایرانی ریپر توماج صالحی کو سزائے موت سنا دی گئی
-
حکومت اور اپوزیشن اراکین میں قائمہ کمیٹیوں کی تقسیم کا فارمولا تیار
-
سپریم کورٹ کا تمام عمارتوں اور سڑکوں سے رکاوٹیں و تجاوزات ہٹانے کا حکم
-
ملالہ کی اسرائیل کی مذمت، غزہ کی حمایت کا اعادہ
-
غزہ کی جنگ انٹرنیشنل ورلڈ آرڈر کے لیے ساکھ کی جنگ بن گئی ہے، شیری رحمن
-
خدشات ہیں شبِ برات پر بشری بی بی کے کھانے میں زہر ملایا گیا،مشال یوسف زئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.