حکومت کا عمران خان کی مبینہ آف شور کمپنیوں، مالی بے ضابطگیوں پر قانونی کارروائی کا فیصلہ

محمد علی منگل 19 اپریل 2016 19:48

اسلام آباد(اُردو پوائنٹ تازہ ترین اخبار۔ 19 اپریل 2016ء) حکومت نے عمران خان کی مبینہ آف شور کمپنیوں، مالی بے ضابطگیوں پر قانونی کارروائی کا فیصلہ کیا ہے۔ تفصیلات کے مطابق پانامہ لیکس میں وزیراعظم نواز شریف کے خاندان کا نام سامنے آنے کے بعد سے تحریک انصاف کے سربراہ عمران خان کی جانب سے حکومت کو مسلسل شدید تنقید کا نشانہ بنایا جا رہا ہے۔

(جاری ہے)

عمران خان نے اس معاملے کی شفاف تحقیقات نہ ہونے کی صورت میں حکومت کیخلاف بڑے احتجاج کی دھمکی دی ہے۔

اس تمام صورتحال میں حکومت شدید دباو کا شکار ہو چکی ہے۔ حکومت نے اس تمام صورتحال میں عمران خان کیخلاف جوابی کاروائی کرنے کا فیصلہ کیا ہے۔ حکومت نے عمران خان کی مبینہ آف شور کمپنیوں، مالی بے ضابطگیوں پر قانونی کارروائی کا فیصلہ کیا ہے۔ عمران خان کے خلاف فارن فنڈنگ کیس پر بھی قانونی کارروائی کا فیصلہ بھی کیا ہے۔