وزیراعظم محمد نوازشریف بلوچستان پر بھی خصوصی توجہ دے رہے ہیں، وزیراعلیٰ بلوچستان کے مشیر محمد خان لہڑی
پیر 18 اپریل 2016 11:36
ڈیرہ مرادجمالی۔17اپریل(اُردو پوائنٹ اخبارتازہ ترین - اے پی پی۔18 اپریل۔2016ء) وزیراعلیٰ بلوچستان کے مشیر معدنیات وقدرتی وسائل ورکن صوبائی اسمبلی حاجی محمد خان لہڑی نے کہا ہے کہ پانامہ لیکس جھوٹ پر مبنی پلندہ ہے۔ پانامہ لیکس کے آنے کے بعد مخالفین کومسلم لیگ ن کے خلاف ایک ایشو مل گیا ہے مسلم لیگ ن ملک میں ترقی کا خواہاں ہے اور ملک میں بڑے پیمانے پر ترقیاتی منصوبے شروع ہونے کے باعث مخالفین کی نیندیں حرام ہوگئی جس کے باعث مسلم لیگ ن اور شریف فیملی پر الزامات کی بوچھاڑکردی گئی ہے۔
الزامات سے مخالفین کو کچھ بھی حاصل نہیں ہوسکے گا اور وزیراعظم نوازشریف کسی صورت میں استعفیٰ نہیں دیں گے۔ ان خیالات کا اظہار انہوں نے ٹکری محمد انور لہڑی کی قیادت میں ملنے والے وفد سے بات چیت کرتے ہوئے کیا۔(جاری ہے)
اس موقع پر فیض محمد لہڑی ،محمد بخش لہڑی،محمد رحیم کھوسہ،کے بی منگی بھی موجود تھے حاجی محمد خان لہڑی نے کہا کہ مسلم لیگ ن کے اقتدار سنبھالنے کے وقت ملک کئی اہم مسائل کا شکار تھا دہشت گردی نے اس وقت اپنی جڑیں مضبوط کرلی تھی مہنگائی عروج پر پہنچ چکی تھی۔
وزیراعظم میاں محمد نوازشریف اور اس کی ٹیم کی دن رات کوششوں سے آج پاکستان میں کئی میگاپروجیکٹس شروع ہوکر پایہ تکمیل ہوچکے ہیں مہنگائی کا خاتمہ ہوا اور عسکری قیادت کے تعاون سے ملک بھر میں دہشت گردی کے نیٹ ورک کو توڑ دیا گیا ہے جس کے باعث ملک بھر میں امن وامان ہوگیا ہے اور عوام نے سکھ کا سانس لیا ہے۔ انہوں نے کہا کہ وزیراعظم میاں محمد نوازشریف بلوچستان پر بھی خصوصی توجہ دے رہے ہیں ۔وزیراعلی نواب ثناء اللہ زہری کی قیادت میں صوبے میں پسماندگی کا خاتمہ ہونا شروع ہوگیا ہے اور جلد ہی صوبہ بلوچستان سے پسماندگی کاخاتمہ ہوگا صوبے کے عوام خوشحال ہوں گے حاجی محمد خان لہڑی نے کہا کہ صوبے کے عوام کی غربت کا احساس ہے اور غریب عوام کی فلاح وبہبود اور غربت دور کرنے کے لئے صوبائی حکومت نے کئی اہم منصوبے تیار کرکے وفاق کو بھیج دیئے ہیں جس سے صوبے کے عوام کی غربت سمیت کئی اہم مسائل حل ہوں گے۔متعلقہ عنوان :
مزید اہم خبریں
-
ترقی کی راہ میں رخنہ ڈالنے اور توجہ ہٹانے کی تمام کوششیں ناکام ہوں گی،آرمی چیف
-
پرانی قومی شاہراہ کی مرمت کاکام دسمبر تک مکمل ہوگا، سکھرحیدرآباموٹرویترجیحی منصوبہ ہے،علیم خان
-
پارلیمنٹ کو سنجیدہ لیں، اسپیکر قومی اسمبلی کی وزارتوں اور ڈویژنز کو ہدایت
-
قومی اسمبلی کا اجلاس مقررہ وقت پر شروع ہو گا اس میں تاخیر نہیں ہو گی، سردار ایاز صادق
-
قومی معیشت کو نقصان پہنچانے والے عناصر کا احتساب ہو گا، وزیر اعظم
-
وزیر داخلہ محسن نقوی نے 3ماہ میں اسلام آباد کے تھانوں کی صورتحال بہتر کرنے کا اعلان کر دیا
-
کانگو میں پاکستانی امن دستے 20 سال بعد واپس جا رہے ہیں، اقوام متحدہ
-
پنجاب میں سموگ کے خاتمے کیلئے انوائرنمنٹل پروٹیکشن اتھارٹی بنانے کا فیصلہ
-
اسلام آباد ہائیکورٹ کے ججز کے خط کا معاملہ،سپریم کورٹ ازخودکیس کی سماعت30اپریل مقرر
-
مذہبی سیاحت کو فروغ دے کرسکھوں سمیت مذہبی مقامات پرغیرملکیوں کو راغب کیا جاسکتا ہے ، وفاقی وزیرداخلہ محسن نقوی
-
بچوں کا اغوا مافیاز کے لیے منافع بخش تجارت
-
ملائشیا: مہاتیر محمد کو انسداد بدعنوانی تحقیقات کا سامنا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.