لبرلز اپنے بچوں کے پاس یورپ چلے جائیں یہ ملک ہمارا ہے‘ سراج الحق ، باریاں بدلنے اورپاماما لیکس والے حکمرانوں کی چھپائی ہوئی دولت ہمیں معلوم ہے اسے واپس لاکر غریبوں پر خرچ کریں گے‘ امیر جماعت اسلامی
اتوار 17 اپریل 2016 20:42
لاہور(اُردو پوائنٹ اخبار تازہ ترین۔17اپریل۔2016ء) امیرجماعت اسلامی پاکستان سراج الحق نے کہا ہے کہ یہ ملک اللہ کا ہے اس میں خان ،نواب اور سرمایہ دار کا نظام نہیں قرآن کا قانون چلے گا،حکمرانوں اور اہل اقتدار کی چرائی ہوئی دولت ہمیں معلوم ہے وہی دولت واپس لے کر غربت کا خاتمہ کریں گے،ملک کو سیکولر بنانے کی بات کرنے والوں کے بچے بیرون ملک رہتے ہیں اور ڈالروں میں پل بڑھ رہے ہیں وہاں پر اربوں ڈالر کاکاروبار کرتے ہیں، وہاں پرسیکولرازم ہے یہ لوگ بھی وہاں چلے جائیں، ہمارے عوام نے تحریک پاکستان کے دوران اسلامی پاکستان کو ووٹ دیا تھا جس روز چیف جسٹس کے ہاتھ میں قرآن آئے گا میں سمجھوں گا ہمیں حکومت ملی ہے۔
ان خیالات کا اظہار ڈگر کالج گراؤنڈ سواڑی ضلع بونیر میں جلسہ عام سے خطاب کرتے ہوئے کیا ۔(جاری ہے)
سراج الحق نے کہا کہ ممتاز قادری کو پھانسی دے کر نواز شریف نے امریکہ کو خوش کیااور توہین رسالت کے جرم میں عدالت سے پھانسی کی سزا ملنے کے باوجود مجرمہ خاتون چار سال سے جیل میں زندہ ہے۔مسجد نبوی میں لوگ سلام اور ازکار بھی احترام سے کرتے ہیں کوئی نعرہ بازی نہیں کرتے لیکن ممتازقادری کو سزا دینے کے بعد نواز شریف کو لوگوں نے مسجد نبوی میں دیکھا تو قادری زندہ بار کے نعرے لگائے ،۔
سراج الحق نے کہا کہ پانامہ چوری کیس میں شریف خاندان سمیت سینکڑوں لوگوں کے نام آئے ہیں تو پوری دنیا میں بھونچال آگیا ہے وزرائے اعظم مستعفی ہو رہے ہیں۔ لیکن ہمارے وزیر اعظم اپنی مرضی مسلط کرکے بچنا چاہتے ہیں لیکن پوری قوم کا مطالبہ ہے کہ چیف جسٹس کی سربراہی میں حقائق جاننے والا کمیشن بنا کر وزیر اعظم کی حیثیت اور کردار کا تعین ہونا چاہیئے۔سراج الحق نے کہا کہ پاکستان کے سیاستدانوں نے قانون کو مذاق بنا رکھا ہے انھوں نے کہا کہ یہ لوگ عوام کو کیا انصاف دیں گے اور کرپشن کا کیسے خاتمہ کریں گے اور خواتین کے لیے بل پاس کرکے خواتین کو کیا حقوق دیں گے پانامہ میں ان کی چوری پکڑی گئی ہے۔ پیسہ باہر لے گئے ہیں اور ان کے بچے اربوں روپے کے کاروبار کر رہے ہیں خواتین کو حقوق تو اسلام نے دیے ہیں اور ان کو ماں بہن کی عزت ہم دیتے ہیں۔ سیکولرازم کے دعویداروں کے بارے میں یہ خبریں زبان زدعام ہیں کہ آدھی راتوں کو بیویوں کو گھروں سے نکالتے ہیں اور ان کے خلاف اپنی بیوی کے علاوہ خفیہ بیویوں کے دعوے عدالتوں میں ہیں کہ انھوں نے ہم سے خفیہ شادی رچائی ہوئی ہے۔ یہ بل منظور کرنے پر ان کو سب سے پہلے امریکہ سے مبارکبادیں آئیں لیکن ہم قومی غیرت کو یوں سرعام نیلام نہیں ہونے دیں گے۔انھوں نے کہا کہ بونیر کو میں دوسرا ثمرباغ سمجھتا ہوں مجھے عام آدمی،بوڑھے جوان سب کے مسائل کا علم ہے۔انھوں نے عوام سے وعدہ کیا کہ ہمیں حکومت ملی تو تعلیم اور صحت کی سہولیات مفت ہوں گی۔پانچ خطرناک بیماریوں کا مفت علاج ہوگا۔بے گھروں کو گھر ملیں گے۔آئمہ مساجد کو اساتذہ اور فوج و پولیس کے برابر تنخوا ملے گی۔مرنے والے کے ورثا اگر قرض واپس نہیں کرسکتے تو ان کا قرض واپس کرنے کی ذمہ داری ریاست کی ہوگی۔انھوں نے کہا کہ تعلیم مکمل کرنے والے نوجوانوں کو روزگار ملنے تک بے روزگاری الاونس دیا جائے گا اور70سال سے زائد کے بوڑھے اپنے ورثا پر بوجھ نہیں ہوں گے ان کے اخراجات ریاست ادا کرے گی۔انھوں نے کہا کہ ہمارا یہ منشور قابل عمل ہے انھوں نے کہا کہ میرا تعلق عوام سے ہے چوروں اور لوٹیروں کے خلاف میدن میں نکلا ہوں۔ عام آدمی میری قوت ہے انھوں نے جلسہ کے شرکا سے کہا اس جنگ میں آپ میرا ساتھ دیں انھوں نے جلسہ میں بہت بڑی تعدادمیں شریک نوجوانوں سے کہا کہ اپنی طاقت کو جے آئی یوتھ کے پلڑے میں ڈالیں مستقبل ہمارا ہے۔ جے آئی یوتھ کے ممبر بنیے ۔ حکمرانوں نے ایمل کانسی یوسف رمزی اور حافظ قرآن ڈاکٹر عافیہ کو امریکہ کے حوالے کیا ایسے بے غیرت حکمرانوں کو آئندہ ملک کا اختیار ہر گز نہ دیا جائے۔متعلقہ عنوان :
مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.