او آئی سی نے جنوبی ایشیا میں پائیدار امن کیلئے مسئلہ کشمیر کے حل کو لازمی قرار دیدیا
او آئی سی اجلاس میں صدرممنون حسین اور مشیر خارجہ سرتاج عزیز نے پاکستان کے مسئلہ کشمیر پراصولی موقف کی ترجمانی کی،مسئلے کو حل کئے بغیر جنوبی ایشیا میں پائیدار امن کا قیام ممکن نہیں،ترجمان دفتر خارجہ
اتوار 17 اپریل 2016 14:09
اسلام آباد(اُردو پوائنٹ اخبار تازہ ترین۔17اپریل۔2016ء) ترکی میں ہونے والے اسلامی سربراہ کانفرنس نے عالمی برادری سے مسئلہ کشمیر کو پاکستان اور بھارت کے درمیان اہم مسئلہ قرار دیتے ہوئے کہا کہ مسئلے کے حل تک جنوبی ایشیا میں پائیدار امن کا قیام ممکن نہیں۔ترجمان دفتر خارجہ کی جانب سے جاری بیان میں کہا گیا ہے کہ او آئی سی سربراہ اجلاس 10 سے 15 اپریل تک ترکی کے شہر استنبول میں جاری رہا جس میں صدرممنون حسین اور مشیر خارجہ سرتاج عزیز نے پاکستان کے مسئلہ کشمیر پراصولی موقف کی ترجمانی کی۔
ترجمان دفتر خارجہ کے مطابق اوآئی سی کے مشترکہ اعلامیے میں مقبوضہ کشمیر میں انسانی حقوق کی خلاف ورزیوں پر تشویش کا اظہار کیا گیا اور بھارت پر زور دیا گیا کہ وہ مسئلہ کشمیر کے حوالے سے اقوام متحدہ کی قراردادوں پر عمل درآمد کو یقینی بنائے۔(جاری ہے)
دفتر خارجہ کے مطابق او آئی سی اعلامیے میں جموں کشمیر پاکستان اور بھارت کے درمیان سب سے اہم ایشو قرار دیا گیا اور کیا گیا کہ اس مسئلے کو حل کئے بغیر جنوبی ایشیا میں پائیدار امن کا قیام ممکن نہیں ہے۔
او آئی سی اعلامیے میں کہا گیا کہ کشمیریوں کی تحریک آزادی دہشت گردی نہیں اور مسلم ممالک اپنے کشمیری بھائیوں کی حمایت جاری رکھیں گے۔ اقوام متحدہ کشمیریوں کو استصواب رائے کا حق دلوانے میں کردار ادا کرے اور عالمی برادری 68 سال قبل کشمیریوں سے کئے وعدے پورے کرے۔او آئی سی اجلاس میں ہیومن رائٹس کمیشن کی جانب سے مقبوضہ کشمیر میں انسانی حقوق کی مانیٹرنگ کا خیر مقدم کیا گیا جب کہ بھارت سے او آئی سی فیکٹ فائندنگ کمیشن اور انسانی حقوق کی عالمی تنظیموں کو مقبوضہ کشمیر جانے کی اجازت دینے کا مطالبہ بھی کیا گیا۔ اس کے علاوہ او آئی سی رکن ممالک سے کشمیری طلباء کو سکالر شپس دینے کی درخواست بھی کی گئی۔متعلقہ عنوان :
مزید اہم خبریں
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
-
متحدہ عرب امارات میں طوفانی بارشوں کا سلسہ تھم گیا‘زندگی معمول پر آنے لگی
-
ضروریات زندگی کی بڑھتی قیمتوں سے خاندانوں پر دباﺅبڑھ رہا ہے‘شہریوں کے حقوق اورگڈ گورننس کیلئے اصلاحات ناگزیرہیں.صدر آصف زرداری
-
آسٹریلیا میں تعینات پاکستانی ہائی کمشنر زاہد حفیظ چوہدری کی سڈنی چاقو حملہ میں زخمی ہونے والے پاکستانی نوجوان کی ہسپتال میں عیادت
-
پی ٹی آئی رہنماء نے الزام لگایا کہ سعودی امداد چوروں کو مضبوط کرنے کی کڑی ہے
-
وفاقی وزیرداخلہ محسن نقوی کی ڈیرہ اسماعیل خان کے علاقے میں کسٹم اہلکاروں پر فائرنگ کے واقعہ کی مذمت
-
وزیر خارجہ محمد اسحاق ڈار سے امریکی سفیر ڈونلڈ بلوم کی ملاقات
-
کوئی پسند نہ پسند نہیں ، صحافیوں کوجلد برابری کی بنیاد پرپلاٹ مہیا کئے جائیں گے‘عظمیٰ بخاری
-
نواز شریف نے کہاہمسائیوں سے لڑائی نہیں کرنی،دوستی کے دروازے کھولیں،دلوں کے دروازے کھولیں،راستے کھولیں‘مریم نوازشریف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.