پاناما لیکس سکینڈل کی تحقیقات کیلئے حکومت چیف جسٹس کی سربراہی میں کمیشن تشکیل دے ،خورشید احمد شاہ
مسلم لیگ (ن)کی روایت رہی ہے جب بھی کوئی جج کمیشن کا سربراہ بنتا ہے تو اسے بعدمیں صدر مملکت بنادیا جاتاہے پاناما لیکس سکینڈل میں جو لوگ ملوث ہیں ان کو گھر جانا چاہئے،ہم نظام کو بچائینگے ،اپوزیشن لیڈر کاکراچی پریس کلب میں تقریب سے خطاب
ہفتہ 16 اپریل 2016 20:10
کراچی (اُردو پوائنٹ اخبارتازہ ترین - این این آئی۔16 اپریل۔2016ء) پاکستان پیپلزپارٹی کے مرکزی رہنما اورقومی اسمبلی میں اپوزیشن لیڈر سید خورشید احمد شاہ نے کہا ہے کہ پاناما لیکس اسکینڈل کی تحقیقات کے لیے حکومت چیف جسٹس کی سربراہی میں کمیشن تشکیل دے ۔اگر عدالتی کمیشن قائم نہیں ہوتا ہے تو پارلیمنٹ کی تحقیقاتی کمیٹی قائم کی جائے اور اس کمیٹی کا سربراہ چیئرمین سینیٹ میاں رضا ربانی کو مقرر کیا جائے ۔
آصف علی زرداری اور نواز شریف کی لندن میں کوئی ملاقات نہیں ہوگی ۔مسلم لیگ (ن) ملک کے سیاسی ماحول کو خراب کررہی ہے ۔مسلم لیگ (ن)کی روایت رہی ہے کہ جب بھی کوئی جج کمیشن کا سربراہ بنتا ہے تو اسے بعدمیں صدر مملکت بنادیا جاتاہے ۔ہم نظام کو بچائیں گے ۔پاناما لیکس اسکینڈل میں جو لوگ ملوث ہیں ان کو گھر جانا چاہیے ۔(جاری ہے)
ان خیالات کا اظہار انہوں نے ہفتہ کو کراچی پریس کلب میں ایک تقریب میں میڈیا سے بات چیت کرتے ہوئے کیا ۔
سید خورشید احمد شاہ نے کہا کہ پاناما لیکس ایک حقیقت ہے ۔اس معاملے پر دو ممالک کے وزرائے اعظم مستعفی ہوچکے ہیں ۔اس ملک میں بھی بڑی بڑی لیکس موجود ہیں ۔ان لیکس کے بارے میں بھی تحقیقات ہونی چاہئیں ۔انہوں نے کہا کہ پیپلزپارٹی نے ہر دور میں جمہوریت کے لیے جدوجہد کی ہے ۔جمہوری دور میں ہی تمام مسائل حل ہوتے ہیں ۔جسٹس سرمد جلال عثمانی کی ذاتی طور پر عزت کرتا ہوں ۔تاہم انہیں پاناما لیکس اسکینڈل کی تحقیقات کے لیے کمیشن کا سربراہ بننے کی پیشکش کوقبول نہیں کرنا چاہیے تھا۔2007میں جسٹس سرمد جلال عثمانی کی اہلیہ نے مسلم لیگ ن میں شمولیت اختیار کی تھی اور کہا جارہا تھا کہ ان کے شوہر مدت ملازمت پوری کرلیں گے تو وہ بھی مسلم لیگ (ن )میں شامل ہوجائیں گے ۔جسٹس سرمد جلال عثمانی قابل احترام شخصیت ہیں لیکن ن کا کسی سیاسی جماعتی کی طرف جھکاؤ ان کی غیر جانبداری پر سوالیہ نشان ہے۔انہوں نے کہا کہ مسلم لیگ (ن) جب بھی مشکل میں آتی ہے تو ماضی کی طرح ان کو جج کی ضرورت پڑتی ہے ۔مسلم لیگ (ن) کی یہ روایت رہی ہے کہ جب بھی کوئی جج کمیشن کا سربراہ ان کے دور حکومت میں بنایا جاتا ہے تو بعد میں وہ اس کو صدر مملکت بنادیتے ہیں ۔انہوں نے کہا کہ پیپلزپارٹی سمیت تمام اپوزیشن کا موقف یہ ہے کہ پانامالیکس اسکینڈل کی تحقیقات کے لیے عدالتی کمیشن بننا چاہیے اور اس کمیشن کی سربراہ چیف جسٹس آف پاکستان کو کرنی چاہیے ۔انہوں نے کہا کہ اگر عدالتی کمیشن قائم نہیں کیا جاتا تو میری تجویز ہے کہ پارلیمانی کمیٹی قائم کردی جائے جس کی سربراہی چیئرمین سینیٹ میاں رضا ربانی کریں اور وہ اس معاملے کی تحقیقات کریں ۔اگر حکومت اس معاملے کی تحقیقات کیلئے سنجیدہ ہے تو عدالتی کمیشن یا پارلیمانی کمیٹی جلد قائم کرے اس طرح یہ مسئلہ جلد حل ہوجائے گا ۔انہوں نے کہا کہ پیپلزپارٹی نے کبھی جمہوریت کے خلاف سازش نہیں کی ہے ۔ہم نے ہمیشہ جمہوریت کے لیے قربانیاں دی ہیں ۔ہم جمہوری نظام کی مضبوطی چاہتے ہیں ۔پیپلزپاٹی کو عوام میں جمہوری جدوجہد اجاگر کرنے پر فخر ہے ۔انہوں نے کہا کہ مسلم لیگ (ن) کے افراد ہی ملک کا سیاسی ماحول خراب کررہے ہیں ۔سمجھ میں نہیں آتا کہ وزیر اعظم کا سیاسی مشیر کون ہے ۔پہلے ان سے تقریر کروائی گئی اور پھر باتوں میں پھنسوادیا گیا ۔وہ باتوں میں پھنستے چلے گئے ۔یہ معاملہ سنجیدہ ہوتا جارہا ہے ۔پاناما لیکس کے معاملے پر پیپلزپارٹی تحقیقات کے حوالے سے اپنے موقف سے پیچھے نہیں ہٹے گی ۔اپوزیشن ایک پیج پر ہے اور سب کا موقف یہی ہے کہ اس معاملے پر عدالتی کمیشن جلد سے جلد قائم کیا جائے ۔ایک سوال کے جواب میں انہوں نے کہا کہ نواز شریف اور آصف علی زرداری کے درمیان لندن میں کوئی ملاقات نہیں ہوگی ۔انہوں نے کہا کہ اس ملک میں بڑی بڑی لیکس ہورہی ہے ہیں ۔جمہوریت نے کام کیا تو تمام لیکس ختم ہوجائیں گی ۔متعلقہ عنوان :
مزید اہم خبریں
-
وزیر اعلیٰ پنجاب مریم نواز شریف کی ہدایت پر ستھرا پنجاب مہم کا آخری مرحلہ بھرپور انداز میں جاری
-
قومی ائیر لائن پی آئی اے کی نجکاری میں بڑی رکاوٹ دور ہوگئی
-
صدرمملکت سے برطانوی ہائی کمشنر کی ملاقات ، دوطرفہ تعلقات پر گفتگو
-
وفاقی حکومت کا ججزکے خط پر انکوائری کمیشن بنانے کااعلان
-
ملک کے جیمز اینڈ جیولری سیکٹر کی ترقی پر توجہ دینے کی ضرورت ہے، ویلیو ایڈڈ مصنوعات کی برآمد سے قیمتی زرمبادلہ کمانے میں مدد مل سکتی ہے، صدر مملکت آصف علی زرداری
-
وزیر اعظم کا نیول ہیڈ کوارٹرز کا دورہ، امیر بحر سے ملاقات ،پاک بحریہ کی آپریشنل تیاریوں سے متعلق امور پر تبادلہ خیال
-
ججزکا خط ، وزیرِاعظم شہبازشریف کی چیف جسٹس پاکستان قاضی فائز عیسیٰ سے ملاقات
-
پاکستان اوربرطانیہ کے مابین تجارتی اوراقتصادی تعلقات مزید مضبوط بنانے کی ضرورت ہے، صدرمملکت
-
چیلنجز سے نمٹنے کیلئے مضبوط معیشت کلیدی حیثیت رکھتی ہے، وزیراعظم
-
اسلام آباد سمیت مختلف علاقوں میں زلزلے کے شدید جھٹکے
-
ایچی سن کالج کے پرنسپل مائیکل تھامسن کو استعفیٰ واپس لینے پر قائل کر لیاگیا
-
سعودی عرب میں تعینات پاکستانی سفیر نے سعودی ولی عہد کو سفارتی اسناد پیش کردیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.