پاناما لیکس عالمی مسئلہ ہے ٗوزیر اعظم کمیشن بنانے کا اعلان کر چکے ہیں ٗعمران خان ثبوت دیں ٗ سردار یوسف

عمران خان اب بھی دھرنے کااعلان کر کے سیاست چمکانے کی کوشش کررہے ہیں ٗ کامیاب نہیں ہونگے ٗمیڈیا سے گفتگو

ہفتہ 16 اپریل 2016 17:16

وہاڑی (اُردو پوائنٹ اخبارتازہ ترین - این این آئی۔16 اپریل۔2016ء) وفاقی وزیر مذہبی امور سر دار محمد یوسف نے کہاہے کہ پاناما لیکس عالمی مسئلہ ہے ٗوزیر اعظم کمیشن بنانے کا اعلان کر چکے ہیں ٗ عمران خان دھرنا سیاست چمکانے کے بجائے ثبوت دیں ۔

(جاری ہے)

میڈیا سے گفتگو کرتے ہوئے وفاقی وزیر مذہبی سردار یوسف نے کہاکہ پاناما لیکس عالمی مسئلہ ہے اور وزیر اعظم کا پاناما لیکس میں نام نہیں ہے تاہم وزیر اعظم نے کمیشن بنانے کااعلان کیا ہے تاہم عمران خان اب بھی دھرنے کااعلان کر کے سیاست چمکانے کی کوشش کررہے ہیں جو کامیاب نہیں ہوسکے گی عمران خان دھرنے دیتے رہتے ہیں اس سے پاکستان کو نقصان پہنچتا ہے انہوں نے کہاکہ جس کے پاس ثبوت ہیں وہ کمیشن کے سامنے لائے انہوں نے کہاکہ سیاسی پوائنٹس حاصل کرنے کیلیے شور شرابا کیا جارہا ہے امریکا کے کسی آدمی کاپاناما لیکس میں نہ ہونا شکوک وشبہات کو تقویت دیتا ہے انہوں نے کہاکہ پاناما لیکس میں بہت سے شکوک و شبہات پائے جارہے ہیں۔