افغانستان ، طالبان کے ساتھ جھڑپ میں ضلعی پولیس چیف سمیت 6اہلکار ہلاک
ہفتہ 16 اپریل 2016 16:40
کابل(اُردو پوائنٹ اخبارتازہ ترین - آئی این پی۔16 اپریل۔2016ء) افغانستان میں طالبان کے ساتھ جھڑپ میں ضلعی پولیس چیف سمیت 6اہلکار ہلاک ہوگئے جبکہ افغان سیکورٹی فورسز کی کاروائی میں 3 خواتین اور3 کمانڈروں سمیت10 چیچن جنگجو ہلاک ہوگئے ،افغان انٹیلی جنس نے طالبان کے فرضی گورنر کو گرفتار کرنے کا دعویٰ کیا ہے ۔ہفتہ کو افغان میڈیاکے مطابق شمالی صوبہ فریاب میں طا لبان کے ساتھ جھڑپ میں ضلعی پولیس چیف سمیت 6اہلکار ہلاک ہوگئے۔
مقامی حکام کا کہنا ہے کہ طالبان اور پولیس کے درمیان جھڑپ ضلع گرزیوان میں ہوئی جس میں ضلعی پولیس چیف جنرل نجیب اللہ اپنے 5 سیکورٹی گارڈز سمیت ہلاک ہوگئے۔ایک ہفتے میں جنرل نجیب اللہ پولیس کے دوسرے سینئر افسر ہیں جنھیں طالبان نے ہلاک کیا ہے ۔(جاری ہے)
اس سے قبل سینئر پولیس افسر کمانڈر قندوز ہائی وے کو تخار میں سات محافظوں سمیت طالبان نے ہلاک کردیا تھا۔
ادھر صوبہ لوگر میں افغان سیکورٹی فورسزکے آپریشن میں 3 چیچن خواتین سمیت 10 جنگجو ہلاک ہوگئے ۔مقامی سیکورٹی حکام کا کہنا ہے کہ خواتین عسکریت پسندوں کو ضلع خروار میں ایک مسلح جھڑپ کے دوران ہلاک کیاگیا۔صوبائی گورنر کے ترجمان سلیم صالح کا کہنا ہے کہ مارے جانے والے 7 چیچن جنگجوؤں میں 3 کمانڈر بھی شامل ہیں۔انکا کہناتھاکہ آپریشن زرغوان آپریشن کی کاروائیوں کے طور پر عسکریت پسندوں کی سرگرمیوں کو دبانے اور لوگر میں انکے زیر اثر علاقوں کو صاف کرنے کیلئے کیا گیا تھا۔ افغان انٹیلی جنس نے مشرقی صوبہ غزنی کیلئے طالبان کے فرضی گورنر کو گرفتار کرنے کا دعویٰ کیاہے۔این ڈی ایس کے بیان میں کہا گیا ہے کہ طالبان کے فرضی گورنر قاری یوسف کوصوبہ خوست کے ضلع گرباز کے گاؤں شیخ عامر میں فوجی آپریشن کے دوران گرفتار کیا گیاہے۔بیان میں مزید کہاگیا ہے کہ قاری یوسف گرفتاری سے قبل حکومتی اداروں پرمربوط حملوں کی منصوبہ بندی کررہا تھا جسے آپریشن کے دوران خواتین کے لباس میں فرار ہونے کی کوشش کے دوران گرفتار کیا گیا۔دوسری جانب افغان پولیس نے قندوز صوبے میں طالبان عسکریت پسندوں کو قابو کرنے کے جامع پلان پر عمل شروع کر دیا ہے۔ طالبان نے اپنے آپریشن عمری کے تحت شورش زدہ افغان صوبے قندوز میں اپنی مسلح سرگرمیوں میں شدت پیدا کر دی ہے۔ افغان وزارت دفاع کا کہنا ہے کہ افغان نیشنل سیکورٹی فورسز 12صوبوں میں شدت پسندوں کے خلاف آپریشن میں مصروف ہیں ۔ترجمان وزارت دفاع دولت وزیری کا کہنا ہے کہ افغان سیکورٹی فورسز نے طالبان کی جانب سے موسم بہار کی کاروائیوں کے ساتھ 15 جارحانہ آپریشن شروع کیے ہیں۔وزیری کا مزید کہنا تھاکہ طالبا ن عسکریت پسندوں نے قندوز پر ایک بڑے حملے کا آغاز کیا تھا تاہم اسے ناکام بنادیا اس دوران عسکریت پسندوں کو بھاری نقصان اٹھانا پڑا۔وزیر ی کا کہنا ہے کہ جوابی کاروائی میں 40 جنگجو ہلاک اور 50دیگر زخمی ہوئے ہیں۔مزید بین الاقوامی خبریں
-
شدید تنقید کے بعد ملالہ یوسفزئی کا فلسطین کے حق میں بیان سامنے آگیا
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
-
غزہ میں اجتماعی قبروں کی دریافت پر اقوام متحدہ کا آزاد تحقیقات کا مطالبہ
-
کیڑوں مکوڑوں والی کافی پینے سے خاتون کی جان پر بن آئی
-
برطانیہ میں ایک فلیٹ اپنے انوکھے ڈیزائن کی وجہ سے وائرل
-
میٹا کی ایپ تھریڈز کے صارفین کی تعداد 15 کروڑ سے زائد ہوگئی
-
پرتشدد واقعے کی ویڈیو ہٹانے پرآسٹریلیا اورایکس میں شدید تنائو
-
بنگلہ دیش میں ہیٹ ویو نے تباہی مچا دی،سکولز اور مدارس بند
-
متحدہ عرب امارات، حکومت کا شدید بارش اور سیلاب سے متاثرہ گھروں کی مرمت کے لیے 544 ملین ڈالردینےکا اعلان
-
بنگلہ دیش ، شدید گرمی کے باعث ہزاروں سکول بند ، تین کروڑ تیس لاکھ بچوں کی تعلیم متاثر
-
نیتن یاہو اور ان کے ساتھیوں کو شرم آنی چاہیے، اسرائیلی قیدی کی ویڈیو جاری
-
یو اے ای میں ریکارڈ بارشیں، گھروں کی مرمت کیلئے ساڑھے 54 کروڑ ڈالر کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.