مسلم امہ قبلہ اول کی زمانی ومکانی تقسیم کی اسرائیلی سازشیں ناکام بنائے، الشیخ عکرمہ صبری
ہفتہ 16 اپریل 2016 14:43
مقبوضہ بیت المقدس (اُردو پوائنٹ اخبارتازہ ترین - این این آئی۔16 اپریل۔2016ء) فلسطین کی سپریم اسلامک کونسل کے چیئرمین ،ممتاز فلسطینی عالم دین الشیخ عکرمہ صبری نے خبردار کیا ہے کہ اسرائیل مسجد اقصیٰ میں آنیوالے نمازیوں کو گرفتار اور انہیں بے دخل کرکے قبلہ اول کو زمانی اور مکانی اعتبار سے تقسیم کرنے کی گھناوٴنی سازشیں کررہا ہے۔ انہوں نے عالم اسلام پر زور دیا ہے کہ وہ قبلہ اول کی تقسیم کی اسرائیلی سازشیں ناکام بنانے کیلئے اپنا کردار ادا کریں۔
میڈیا سے گفتگو کرتے ہوئے الشیخ صبری نے کہا کہ بیت المقدس کے شہریوں کے قبلہ اول میں داخلے پر پابندیاں اور نمازیوں کی گرفتاریاں دراصل قبلہ اول کو یہودیوں اور مسلمانوں میں زمانی اور مکانی اعتبار سے تقسیم کرنے سازشوں کا نقطہ آغاز ہیں۔(جاری ہے)
ایک سوال کے جواب میں انہوں نے کہا کہ اسرائیلی حکومتیں اس سے قبل بھی مسجد اقصیٰ کے بٹوارے کی سازشیں کرتی رہی ہیں مگر آج تک انہیں اپنی کسی سازش میں کامیاب نہیں مل سکی ہے۔
اسرائیلی حکومت نے اپنی مذموم سازشوں کو پایہ تکمیل تک پہنچانے کیلئے اب مسجد اقصیٰ میں آنیوالے نمازی مردو خواتین کو ہراساں کرنے اورا نہیں گرفتار کرکے جیلوں میں ڈالنے کی مذموم پالیسی شروع کی ہے۔ اس کا مقصد بھی مسجد اقصیٰ کو یہودیوں اور مسلمانوں کے درمیان زمانی اور مکانی اعتبار سے تقسیم کرنا ہے۔الشیخ عکرمہ صبری نے کہا کہ اسرائیلی فوج اور پولیس قبلہ اول میں نمازیوں کولانے میں مدد دینے والی ٹرانسپورٹ کمپنیوں اور بسوں کا بھی تعاقب کررہی ہیں تاکہ قبلہ اول میں آنیوالے فلسطینیوں کی تعداد کم کرکے یہاں بھی یہودیوں کا غلبہ یقینی بنایا جائے مگر صہیونی دشمن کی یہ سازش بھی کامیاب نہیں ہوگی۔مزید بین الاقوامی خبریں
-
شدید تنقید کے بعد ملالہ یوسفزئی کا فلسطین کے حق میں بیان سامنے آگیا
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
-
غزہ میں اجتماعی قبروں کی دریافت پر اقوام متحدہ کا آزاد تحقیقات کا مطالبہ
-
کیڑوں مکوڑوں والی کافی پینے سے خاتون کی جان پر بن آئی
-
برطانیہ میں ایک فلیٹ اپنے انوکھے ڈیزائن کی وجہ سے وائرل
-
میٹا کی ایپ تھریڈز کے صارفین کی تعداد 15 کروڑ سے زائد ہوگئی
-
پرتشدد واقعے کی ویڈیو ہٹانے پرآسٹریلیا اورایکس میں شدید تنائو
-
بنگلہ دیش میں ہیٹ ویو نے تباہی مچا دی،سکولز اور مدارس بند
-
متحدہ عرب امارات، حکومت کا شدید بارش اور سیلاب سے متاثرہ گھروں کی مرمت کے لیے 544 ملین ڈالردینےکا اعلان
-
بنگلہ دیش ، شدید گرمی کے باعث ہزاروں سکول بند ، تین کروڑ تیس لاکھ بچوں کی تعلیم متاثر
-
نیتن یاہو اور ان کے ساتھیوں کو شرم آنی چاہیے، اسرائیلی قیدی کی ویڈیو جاری
-
یو اے ای میں ریکارڈ بارشیں، گھروں کی مرمت کیلئے ساڑھے 54 کروڑ ڈالر کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.