چینی سرحد پر پھنسے 28 مزید پاکستانی سیاح وطن واپس پہنچ گئے

ہفتہ 16 اپریل 2016 11:39

اسلام آباد(اُردو پوائنٹ اخبارتازہ ترین - آئی این پی۔16 اپریل۔2016ء ) لینڈ سلائیڈنگ کے باعث چین کی سرحد پر گزشتہ 2 ہفتے سے پھنسے 28 مزید پاکستانی وطن واپس پہنچ گئے۔

(جاری ہے)

چین کی سرحد پر پھنسے مزید 28 پاکستانی سیاح چینی ایئر لائن کی پرواز 6007 کے ذریعے اسلام آباد کے بے نظیر انٹرنیشنل ایئرپورٹ پر پہنچے تو بڑی تعداد میں ان کے اہل خانہ نے ان کا شاندار استقبال کیا۔ واضح رہے کہ 2 ہفتے قبل چین سے آتے ہوئے 37 پاکستانی سیاح پاک چین سرحد پر لینڈ سلائیڈنگ کے باعث پھنس کر رہ گئے تھے لیکن میڈیا پر خبر نشر ہونے کے بعد پاکستانی حکام نے سیاحوں کی بحفاظت واپسی کے لئے چین کے حکام سے رابطہ کیا جس کے بعد پہلے مرحلے میں 9 اور دوسرے مرحلے میں مزید 28 پاکستانیوں کو وطن واپس لایا گیا۔

Facebook Twitter Google + Share on Whatsapp

چینی سرحد پر پھنسے 28 مزید پاکستانی سیاح وطن واپس پہنچ گئے

مزید اہم خبریں