پراونشل کوالٹی کنٹرول بورڈ کا اجلاس ،جعلی،زائد المعیادا ور غیر معیاری ادویات سے متعلق 100سے زائدکیسز ڈرگ کورٹ کو بھیج دئیے
جعلی ادویات کی خرید و فروخت میں ملوث عناصر کوبے نقاب کیا جائیگا،عوام کی زندگیوں سے کھیلنے والوں کے ساتھ آہنی ہاتھوں سے نمٹا جائیگا،سیکرٹری صحت کے پی کے
جمعہ 15 اپریل 2016 20:55
پشاور(اُردو پوائنٹ اخبارتازہ ترین - این این آئی۔15 اپریل۔2016ء)پراونشل کوالٹی کنٹرول بورڈ خیبر پختونخوا کا اجلاس بورڈکے چیئرمین اور سیکرٹری صحت کی زیر صدارت جمعہ کے روز پشاور میں منعقد ہوا جس میں جعلی،زائد المعیاد اور غیر معیاری ادویات کی خرید و فروخت اور بغیر لائسنس اور رجسٹریشن کے ادویات کی فروخت سے متعلق ڈرگ انسپکٹر ز کی طرف سے رجسٹر کیے گئے سو سے زائدکیسز کا تفصیلی جائزہ لیا گیا۔
اجلاس میں ملزمان کو اپنی صفائی کا پورا پورا موقع دینے کے بعد 100سے زائدکیسزکوجوڈیشنل ٹرائل کیلئے ڈرگ کورٹ کو بھیج دیا گیا۔ایک کے خلاف ایف آئی آر درج کرنے کا فیصلہ کیا گیا جبکہ تیرہ کو وارننگ جاری کر دی گئی۔ اسی طرح بغیرلائسنس کے چلنے والے پندرہ میڈیکل اسٹور کے کیسزڈرگ کورٹ بھیجنے کے علاوہ انہیں سیل کرنے کابھی فیصلہ کیا گیا۔(جاری ہے)
جن ٹیسٹ رپورٹس کو مینو فیکچررزکی طرف سے چیلنج کیا گیا تھا وہ نمونے دوبارہ ٹیسٹ کیلئے نیشل ہیلتھ انسٹی ٹیوٹ اسلام آباد بھیج دئیے گئے۔
اجلاس سے خطاب کرتے ہوئے بورڈکے چیئرمین اور سیکرٹری صحت نے کہاکہ جعلی ادویات کی خریدو و فروخت کی لعنت کا خاتمہ صوبائی حکومت کی اولین ترجیحات میں سے ایک ہے جس پر کسی صورت کوئی سمجھوتہ نہیں کیا جائے گا۔اس گھناؤنے کام میں ملوث سماج دشمن عناصر کو ہر صورت بے نقاب کر کے ان کے ساتھ آہنی ہاتھوں سے نمٹا جائے گا۔انہوں نے کہا کہ صوبے میں جعلی ادویات کی خریدو و فروخت اور بغیر لائسنس اور رجسٹریشن کے کلینکس یا میڈیکل اسٹورز کے خلاف موثر کارروائی کیلئے ڈرگ انسپکٹرزکوفعال بنایا جائے گااور اس سلسلے میں انہیں ہر قسم کی سہولیات فراہم کی جائیں گی۔ واضح رہے کہ یہ بھی پہلی مرتبہ ہوا ہے کہ پراونشل کوالٹی کنٹرول بورڈنے بیک وقت اتنی زیادہ تعداد میں کیسزنمٹا دیے ہیں۔دوسرے متعلقہ حکام کے علاوہ ڈائریکٹر ہیلتھ فاٹا،چیئرمین فارمیسی ڈیپارٹمنٹ یونیورسٹی آف پشاور،چیف ڈرگ انسپکٹرخیبر پختونخوا اور فارماکولوجی ڈیپارٹمنٹ خیبر میڈیکل یونیورسٹی کے سربراہ نے اجلاس میں شرکت کی۔مزید قومی خبریں
-
چیئرمین سینیٹ سے مرکزی رہنما پاکستان پیپلز پارٹی و سابق اپوزیشن لیڈر سید خورشید احمد شاہ کی ملاقات
-
پیٹرول ڈلوا کرفرارہونے والی گاڑی پرگارڈ کی فائرنگ سے دوراہگیرخواتین زخمی
-
الیکشن کمیشن نے ضابطہ اخلاق کی خلاف ورزی پر محکمہ زراعت کے ملازم کو نوٹس جاری کر دیا
-
پتوکی، تین کس ملزمان 16سالہ لڑکی اغوا کرکے فرارپولیس نے مقدمہ درج کرلیا
-
لاہور، مال روڈ کو بغیر ہیلمٹ موٹرسائیکل سواروں کے لئے نوگو ایریا قرار دے دیا گیا
-
اے این ایف کی انسداد منشیات کارروائیاں ، 60 کلوگرام منشیات برآمد، 5 ملزمان گرفتار
-
دریائوں اور آبی ذخیروں میں پانی کی صورتحال
-
فیض آباد دھرنا لاہور سے شروع ہوا ،تمام ایجنسیوں کی متفقہ رائے تھی لاہور میں روکا تو ہلاکتیں ہونگی‘ رانا ثنا اللہ
-
فیصل آباد، تا جر کو اغوا کے بعد تشدد کر کے قتل کر د یا گیا، پولیس نے نعش قبضے میں لے کر ملزما ن کی تلا ش شروع کر دی
-
پاکستان کے تیسرے بڑے صنعتی شہر فیصل آباد میں امن وامان کی صورتحال خراب ہو گئی
-
وزیر اعلی ٰبلوچستان میر سرفراز بگٹی سے سیکرٹری ویلفیئر فنڈ منسٹری آف اوورسیز پاکستانی ذوالفقار خان کی ملاقات
-
ملک بھر میں این ایچ اے روڈ انفراسٹرکچر کو بڑھانے کے لئے پرعزم ہیں ،نئی پالیسی لائیں گے، عبدالعلیم خان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.