وزیر معدنیات چوہدری شیر علی کا تحصیل ہیڈ کوارٹر ہسپتال اورلینڈ ریکارڈمینجمنٹ انفارمیشن سسٹم سنٹر کوٹ رادھا کشن کا اچانک دورہ
جمعہ 15 اپریل 2016 16:57
لاہور ( اُردو پوائنٹ اخبارتازہ ترین - این این آئی۔15 اپریل۔2016ء) صوبائی وزیر معدنیات چوہدری شیر علی خان نے کہا ہے کہ پنجاب حکومت عوام الناس کو صحت کی بہترین سہولیات کی فراہمی کیلئے بھرپور اقدامات کر رہی ہے ‘عوام کو معیاری طبی سہولتیں انکی دہلیز پر فراہم کرنے کیلئے تمام وسائل بروئے کار لائے جا رہے ہیں۔ ان خیالات کا اظہار انہوں نے وزیر اعلی پنجاب کی خصوصی ہدایات کی روشنی میں قصور کے اچانک دورہ کے موقع پرتحصیل ہیڈ کوارٹر ہسپتال اورلینڈ ریکارڈمینجمنٹ انفارمیشن سسٹم سنٹر کوٹ رادھا کشن کے معائنہ کے موقع پر متعلقہ افسران اور میڈیا کے نمائندوں سے گفتگو کرتے ہوئے کیا ۔
اسسٹنٹ کمشنر کوٹ رادھا کشن سرمد تیمور ،ڈسٹرکٹ ہیلتھ آفیسر ڈاکٹر نذیر،سینئر میڈیکل آفیسر و انچارج ٹی ایچ کیو ہسپتال ڈاکٹر محمد خضر حیات اور ضلعی انتظامیہ کے دیگر افسران ان کے ہمراہ تھے۔(جاری ہے)
صوبائی وزیر معدنیات چوہدری شیر علی خاں نے لینڈ ریکارڈ مینجمنٹ انفارمیشن سنٹر کوٹ رادھا کشن کے دورے کے موقع پر سائلین کو دی جانے والی سہولیات کا بھی جائزہ لیا اور پٹوار کلچر کے خاتمے کے لئے حکومت پنجاب کے اس احسن اقدام کو بے حد سراہا - اس کے بعد صوبائی وزیر نے ٹی ایچ کیو ہسپتال کوٹ رادھا کشن کا دورہ کیا اورتمام وارڈز ، میڈیسن سٹور ، لیبارٹری ، باتھ رومز، صفائی ستھرائی ، ایمرجنسی وارڈ ، ہسپتال میں زیر تعمیر کاموں اور عوام کو دی جانیوالی صحت سے وابستہ ہر قسم کی سہولیات کی فراہمی کا جائزہ لیا ۔
اس موقع پر انہوں نے کہا کہ دیہی علاقوں سمیت تمام ہسپتالوں میں طبی سہولیات کی فراہمی پنجاب حکومت کی اولین ترجیحات میں شامل ہے اس لئے ہسپتالوں میں مفت ادویات اور بہترین طبی سہولیات کی فراہمی کو ہر صورت یقینی بنایا جائے اس سلسلے میں کسی قسم کی غفلت یا کوتاہی ہر گز برداشت نہیں کی جائیگی ۔ عوام کو معیاری طبی سہولتیں انکی دہلیز پر فراہم کرنے کیلئے تمام وسائل بروئے کار لائے جا رہے ہیں دور دراز علاقوں میں تعینات ہونے والے ڈاکٹروں کوپر کشش مراعات دی جارہی ہیں تا کہ وہ زیادہ محنت اور جذبے سے کام کریں ۔متعلقہ عنوان :
مزید اہم خبریں
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
8 فروری کو ن لیگ پنجاب میں زیادہ سے زیادہ صرف 40 نشستیں جیتی
-
ٰآئی ایم ایف کے نئے پروگرام کیلئے اسٹاف لیول معاہدہ جولائی میں ہونے کا امکان ہے، محمد اورنگزیب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.