دبئی میں لائی فائی انٹرنیٹ سروس متعارف کروا دی گئی

میاں محمد ندیم جمعہ 15 اپریل 2016 14:57

دوبئی(ا ردو پوائنٹ اخبارتازہ ترین-انٹرنیشنل پریس ایجنسی۔15اپریل۔2016ء) دبئی میں لائی فائی انٹرنیٹ سروس متعارف کروا دی گئی ، رواں سال کے اختتام تک دبئی لائی فائی ٹیکنالوجی کے ذریعے مواصلاتی رابطے کی سہولت فراہم کرنے والا دنیا کا پہلا شہر بن جائے گا۔دبئی کی سڑکوں پر نصب سٹریٹ لائیٹس سے روشنی کے علاوہ اب لاءفائی ٹیکنالوجی بھی فراہم کی جائے گی۔

(جاری ہے)

لائی فائی ایک ایسی جدید ٹیکنالوجی ہے جس میں آپٹیکل کی فریکیونسی کو وائی فائی جیسی ریڈیو لہروں کی منتقلی کے لئے استعمال کیا جا تا ہے۔ اس فنی عمل میں کمپیوٹر چپ کو لائٹ میں نصب کر دیا جاتا ہے جس کی مدد سے ڈیٹا کو آپیٹکل فریکیونسی کے ذریعے منتقل کرنا ممکن ہو جاتا ہے۔ اسے سے استفادے کا خواہش مند فرد لائیٹ آپٹیکل سینسر ڈیوائس کے نیچے کھڑا ہو جاتا ہے جہاں سے اس کے لیپ ٹاپ یا دیگر ڈیوائس میں انٹرنیٹ سروس فراہم ہونا شروع ہو جاتی ہے۔ جبکہ لائی فائی کی سپیڈ وائی فائی کے مقابلے میں زیادہ محفوظ ہے-اس کی مدد سے انٹرنیٹ سے کوئی بھی فلم نہایت سرعت سے ڈاو¿ن لوڈ کی جا سکتی ہے جبکہ اس کی سپیڈ 224 گیگا بائیٹ فی سیکنڈ ہوتی ہے۔

Facebook Twitter Google + Share on Whatsapp

دبئی میں لائی فائی انٹرنیٹ سروس متعارف کروا دی گئی

متعلقہ عنوان :

مزید اہم خبریں