خیبر پختونخوا حکومت نے فنی ،پیشہ ورانہ علوم کی اسناد کے حصول کیلئے اپنی نوعیت کے پہلی’آن لائن تصدیقی نظام کا اجراء کردیا
فنی تعلیم کے شعبے میں عملے کی کمی کو دورکرنے کیلئے جلد از جلدمیرٹ کی بنیاد پر سکریننگ ٹیسٹ کے ذریعے بھرتی کی جائیگی،ارشدعمرزئی
منگل 12 اپریل 2016 22:51
پشاور(اُردو پوائنٹ اخبارتازہ ترین - این این آئی۔12 اپریل۔2016ء) خیبر پختونخوا حکومت نے دیگر شعبوں کی طرح فنی تعلیم کے میدان میں بھی مثبت تبدیلی لانے کے لئے فنی اورپیشہ ورانہ علوم کی اسناد کے حصول میں بھی شفافیت لانے اور فارغ التحصیل طلباء کی سہولت کے لئے ٹریڈ ٹیسٹنگ بورڈ میں اپنی نوعیت کے پہلی’آن لائن تصدیقی نظام کا اجراء کیا ہے ،جس کا باقاعدہ افتتاح منگل کے روزوزیر اعلیٰ کے معاونِ خصوصی برائے فنی تعلیم و چیئرمین ٹیوٹا ارشد علی عمرزئی نے بٹن دبا کر کیا۔
اس موقع پر وزیر اعلیٰ کے معاونِ خصوصی برائے صنعت عبدالکریم خان،سیکرٹری انڈسٹری وکامرس ڈاکٹر آفتاب اکبر درانی،چیئرمین ٹریڈ ٹیسٹنگ بورڈ طاہر اورکزئی،چیئرمین بورڈ آف ٹیکنیکل ایجوکیشن قاسم علی کے علاوہ نیوٹیک اور جی آئی زیڈ کے نمائندے بھی موجود تھے۔(جاری ہے)
افتتاحی تقریب سے خطاب کرتے ہوئے معاون خصوصی برائے فنی تعلیم نے کہا کہ محکمہ فنی تعلیم وزیر اعلیٰ خیبر پختونخوا پرویز خٹک کی خصوصی ہدایات کی روشنی میں فنی تعلیم اورپیشہ ورانہ تربیت کو فروغ دینے کے لئے بھرپور اقدامات کر رہی ہے اور اس سلسلے میں پرائیویٹ سیکٹر کے ساتھ ساتھ پاکستان ائیرفورس سے بھی معاونت حاصل کی جا رہی ہے۔
انہوں نے کہا کہ فنی تعلیم کے شعبے میں عملے کی کمی کو دورکرنے کیلئے جلد از جلدمیرٹ کی بنیاد پر سکریننگ ٹیسٹ کے ذریعے بھرتی کی جائے گی۔ارشد عمر زئی نے کہاکہ بورڈ آف ٹیکنیکل ایجوکیشن اور ٹریڈ ٹیسٹنگ بورڈ سے ملحق ٹریننگ اداروں کی جانچ پڑتال کے لئے ایک طریقہ کار وضع کیا گیا ہے جس کے ذریعے 290غیر فعال تربیتی اداروں کا الحاق منسوخ کر دیا گیا ہے جبکہ فعال تربیتی اداروں کی دوبارہ جائزے کے لئے ایک ٹاسک فورس بھی تشکیل دی گئی ہے۔انہوں نے ٹریڈ ٹیسٹنگ بورڈ کے تحت آن لائن ویریفیکیشن سسٹم کے اجراء کو خوش آئند اقدام قراردیتے ہوئے کہاکہ اس سسٹم کے ذریعے جدید ٹیکنالوجی کو استعمال میں لا کردنیا کے کسی بھی حصے سے طلباء کی اسنادکی تصدیق کی جا سکے گی اورویریفیکیشن سسٹم سے مارکیٹ میں سرٹیفیکیٹ کے زمرے میں غیر قانونی سرگرمیوں کا خاتمہ بھی ہو جائے گا اور مارکیٹ میں مقابلے کی فضاء پیدا ہو گی جس سے صوبے میں بے روز گاری کم کرنے میں مدد بھی ملے گی۔معاون خصوصی نے کہا کہ موجودہ حکومت صوبے میں نوجوانوں کی صلاحیتو ں سے فائدہ اٹھانے کے لئے انہیں روزگار کے مواقع فراہم کرے گی تاکہ وہ ہمیں ایک طاقت ور اور خوشحال پاکستان دے سکیں جس کے لئے ہمیں فنی تعلیم اورووکیشنل اداروں کومضبوط کر کے جدیدخطوط پر استوار کرنا ہوگا۔تقریب سے معاون خصوصی برائے صنعت عبدالکریم خان اور دیگر نے بھی خطاب کیا اورفنی تعلیم کے شعبے سے متعلق اپنی آراء اور خیالات کا اظہارکیا۔متعلقہ عنوان :
مزید قومی خبریں
-
وزیر اعلیٰ مریم نواز کی زیر صدارت پلاننگ اینڈ ڈویلپمنٹ بورڈ آفس میں پانچ گھنٹے طویل اجلاس، 33 سپیشل پراجیکٹس پر پیشرفت کا جائزہ
-
وزیراعلیٰ مریم نوازکی زیر صدارت اجلاس، 33 سپیشل پراجیکٹس پر پیشرفت کا جائزہ
-
سابق گورنرعمرسرفرازچیمہ کے جسمانی ریمانڈ میں توسیع نہ کرنے کے خلاف کیس میں سماعت ملتوی
-
وزیراعلیٰ سندھ کی زیر صدارت پاکستان پیپلز پارٹی لاڑکانہ ڈویژن کا اجلاس
-
وزیر اعلی پنجاب کی زیر صدارت سی بی ڈی اتھارٹی کے پراجیکٹس سے متعلق اجلاس، آئی ٹی سٹی میں سلیکون کلسٹر پر پیشرفت کا جائزہ لیا گیا
-
پاکستان مسلم لیگ (ن) کی جنرل کونسل کا اجلاس 28 مئی کو ہو گا، مریم اورنگزیب
-
او آئی سی میں غزہ میں جاری مظالم ، مسئلہ کشمیراوراسلامو فوبیا پر آواز اٹھانا ہمارا ایجنڈا تھا،نائب وزیراعظم و وزیرخارجہ کی پریس کانفرنس
-
سوشل میڈیا پر حکومت مخالف مہم چلانے پر یو کے پلٹ شخص گرفتار
-
پاسپورٹ کی فاسٹ ٹریک فیس میں اضافہ کردیا گیا
-
وزیر اعلیٰ مریم نواز شریف نے وعدہ پورا کردیا
-
اپریل میں بارشوں کا 41 سال پرانا ریکارڈ ٹوٹ گیا
-
پاسپورٹ کی فاسٹ ٹریک کیٹیگری کی فیسوں میں اضافہ کردیا گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.