صوبے کے واحد ثقافتی مرکز نشترہال میں کسی قسم کی سیاسی سرگرمیوں کی اجازت نہیں دی جائیگی ، احکامات پر باقاعدہ طور پر عمل درآمد کیا جارہا ہے،عبدالباسط
ہفتہ 9 اپریل 2016 22:47
پشاور (اُردو پوائنٹ اخبارتازہ ترین - آن لائن۔09 اپریل۔2016ء) حکومت کی طرف سے جاری کردہ احکامات کے مطابق صوبے کے واحد ثقافتی مرکز نشترہال میں کسی قسم کی سیاسی سرگرمیوں کی اجازت نہیں دی جائیگی اور ان احکامات پر باقاعدہ طور پر عمل درآمد کیا جارہا ہے نشترہال صرف اور صرف ثقافتی و ادبی سرگرمیوں کیلئے مختص ہوگا نشترہال کو حقیقی معنوں میں ثقافتی وادبی سرگرمیوں کا مرکز بنایا جائیگا صوبے کی تمام ثقافتی رنگوں کو محفوظ اور فروغ کیلئے ہر ممکنہ اقدامات اٹھائے جارہے ہیں 45ملین روپے کی لاگت سے نشترہال کی تزئین وآرائش کا کام تیزی سے جاری ہے نشترہال کو تزئین و آرائش کے بعد مئی کے پہلے ہفتے میں ثقافتی سرگرمیوں کیلئے کھول دیا جائیگا کلچر پالیسی کو ترتیب دینے اور سنسر بورڈ کو تشکیل دینے کیلئے تمام سٹیک ہولڈر زکو اعتماد میں لیا جائیگا اور اس پر تیزی سے کام جاری ہے ن خیالات کا اظہار ڈائریکٹر کلچر خیبر پختونخوا عبدالباسط نے کلچر جرنلسٹس فورم کے صدر احتشام طورو کی قیادت میں فورم کے وفد سے بات چیت کرتے ہوئے کیا وفد میں فورم کے جنرل سیکرٹری روخان یوسفزئی نائب صدر امجد علی خادمفنانس سیکرٹری امجد ہادی یوسفزئی پریس سیکرٹری سجاد خلیل شیر عالم شینواری اعجاز آفریدی ہدایت خان فہد شہزادہ سراج عارف فدا سرحدی اورسہیل یوسفزئی شامل تھے ڈائریکٹر کلچر عبدالباسط نے کہا کہ ڈائریکٹوریٹ آف کلچر کے استعداد کار کو بڑھانے کیلئے 67ملین کاپراجیکٹ جلد کام شروع کردیگا جن کے لئے مختلف شعبوں کے ماہرین کی خدمات کو حاصل کرلیاگیا ہے جو کہ ثقافت وزبان کے مختلف پہلوؤں پر تحقیق اور ڈاکو منٹیشن کے منصوبوں پر مستقل بنیادوں پر کام کریں گے یہ پراجیکٹ جون 2018ء تک ہوگا انہوں نے بتایاکہ ہنر گاہ کو جلد حتمی شکل دیا جائیگا جس میں ثقافت کے تمام اہم شعبوں سے متعلق باقاعدہ تعلیم وتربیت کا انتظام کیا جائیگا جس میں مختلف آرٹ وفن کے مختلف شعبوں کے ماہرین کی خدمات حاصل کی جائیگی جبکہ پچاس کروڑ روپے کے قائم شدہ انڈومنٹ فنڈ کے قواعد وضوابط تیار کئے جارہے ہیں اور اگلے اے ڈی پی سے اسکا اجراء کر دیا جائیگا اس فنڈ سے فنکاروں ہنرمندوں شعراء ادباء اور مصوروں کے بچوں کی تعلیم صحت اور انکے فن کے فروغ کیلئے بھرپور مدد کی جائیگی ثقافتی احیاء کا پروگرام رچ پراجیکٹ کے تحت صوبے کی 75تحصیلوں میں پانچ فروری سے ابھی تک 850 مختلف نوعیت کی ثقافتی و ادبی سرگرمیاں منعقد کی گئیں اپریل کے دوسرے ہفتے میں رچ پراجیکٹ کا پہلا مرحلہ کامیابی کے ساتھ پایہ تکمیل تک پہنچے گا جس پر 59ملین روپے خرچ ہوں گے ثقافتی احیاء کا پروگرام رچ پراجیکٹ آئندہ سالانہ ترقیاتی پروگرام میں بھی شامل ہوگا اور ا ن سرگرمیوں میں ثقافتی میلوں ،ثقافتی کھیلوں ، موسیقی پروگرام، فن پاروں ، ثقافتی اور دستکاری نمائشیں ، لوک موسیقی ،مشاعرے شامل ہیں جس سے دہشت گردی سے متاثر اور تعطل کا شکار ثقافتی سرگرمیاں ایک بار پھر فروغ پا رہی ہے۔
(جاری ہے)
متعلقہ عنوان :
مزید قومی خبریں
-
وزیراعلیٰ مریم نوازکا عزیز بھٹی شہید ہسپتال کی چھت گرنے کے معاملہ پرسخت ایکشن،ایم ایس برطرف، تین افسرمعطل
-
نیپرا نے کے الیکٹرک کے 7 سالہ سرمایہ کاری کے روڈ میپ پر فیصلہ دے دیا
-
چیئرمین سینیٹ نے ایوان بالا کے 337 ویں اجلاس کے لئے پینل آف پریذائیڈنگ آفیسرز کے ناموں کا اعلان کر دیا
-
چیف جسٹس کوکراچی کے لذیذ کھانوں اورکچوریوں کی یاد آ گئی
-
سپریم کورٹ کا نسلہ ٹاور کی زمین فروخت کرکے الاٹیز کو معاوضہ ادا کرنے کا حکم
-
قومی شاہراہ پر منی ٹرک اور مسافر وین میں تصادم ،دوخواتین سمیت چھ افراد زخمی
-
نئے تعینات ایم ایس حضرات کو ہسپتالوں میں پیشنٹ کیئر مینجمنٹ کو بہتر بنانے کا ٹاسک سونپ دیا گیا
-
فتنہ پارٹی حسب روایت بشریٰ بی بی کی صحت سے متعلق پروپیگنڈہ کر رہی ہے ‘ عظمیٰ بخاری
-
بزنس ایڈوائزری کمیٹی اہم فورم ہے سب کو ساتھ لے کر چلیں گے، چیئرمین سینیٹ
-
افغانستان سے پاکستان میں دراندازی کرنیوالے افغان دہشتگرد کے ہوشروبا انکشافات
-
موسم بہار کی شجر کاری مہم،سپیکر قومی اسمبلی نے پارلیمنٹ ہائوس کے سبزہ زار میں میگنولیا گرینڈی فلورا کا پودا لگایا
-
فتنہ پارٹی بشری بی بی کی صحت سے متعلق پراپیگنڈہ کر رہی ہے ، عظمی بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.