پیپلز پارٹی تنظیمی طور پر زوال پذیری کا شکار ہو گئی ،سینئر و نظریاتی کارکن مایوس ہوکر پارٹی چھوڑ رہے ہیں،مخدوم شاہ محمود قریشی
پاکستان وقت تبدیلی کے مرحلے سے گزر رہا ہے بنیاد پاکستان تحریک انصاف نے رکھی ہے، اجتماع سے خطاب
ہفتہ 9 اپریل 2016 20:05
پنگریو ( اُردو پوائنٹ اخبارتازہ ترین - این این آئی۔09 اپریل۔2016ء) غوثیہ جماعت کے روحانی پیشوا اورپاکستان تحریک انصاف کے مرکزی رہنما مخدوم شاہ محمود قریشی نے کہا ہے کہ پاکستان پیپلز پارٹی تنظیمی طور پر زوال پذیری کا شکار ہو گئی ہے اور اس کے سینئر و نظریاتی کارکن مایوس ہوکر پارٹی چھوڑ رہے ہیں ہالا کے مخدوم خاندان کی سروری جماعت نے عمر کوٹ میں ہونے والے اپوزیشن جماعتوں کے جلسے میں بھر پور شرکت کی تھی جبکہ آصف علی زرداری کے سابق قریبی دوست ڈاکٹر ذوالفقار علی مرزا نے ضلع بدین میں پیپلز پارٹی کی مخالفت میں اپنا بلدیاتی گروپ تشکیل دیا جس نے بھر پور کامیابی حاصل کی مخدوم شاہ محمود قریشی نے ان خیالات کا اظہار پنگریو کے نواحی قصبے خلیفو قاسم میں غوثیہ جماعت کے کارکنوں کے اجتماع سے خطاب کرتے ہوئے کیا انہوں نے مزید کہا کہ پاکستان اس وقت تبدیلی کے مرحلے سے گزر رہا ہے جس کی بنیاد پاکستان تحریک انصاف نے رکھی ہے موجودہ وقت کی سب سے بڑی ضرورت ہے کہ ہم اس تبدیلی کا حصہ بنیں اور نئے پاکستان کی تعمیر وترقی کے لئے اپنا کر دار ادا کریں انہوں نے اپنے خطاب میں کہا کہ ہمیں ماضی سے سبق سیکھنا چاہیئے اب ہم کسی بھی غلطی کے متحمل نہیں ہو سکتے پاکستان تحریک انصاف نے پاکستان میں سیاست کے نئے رجحانات متعارف کرائے ہیں میں غوثیہ جماعت سے کہتا ہوں کہ وہ تبدیلی اور نئے پاکستان کی بنیاد میں بڑھ چڑھ کر حصہ لے اور تبدیلی کے عمل میں شامل ہو انہوں نے مزید کہا کہ سندھ میں بھی پاکستان تحریک انصاف بدن مقبول ہورہی ہے اور وہ وقت دور نہیں جب سندھ میں بھی تبدیلی کا نعرہ گلی گلی گونجے گا انہوں نے کہا کہ وہ تبدیلی کے منشور اور پیغام کو عام کر نے کے لئے سندھ کا دورہ کر رہے ہیں اس سلسلے میں اسی ماہ ضلع بدین میں بھی جلسہ منعقد کروں گا جس میں غوثیہ جماعت کے کارکن بھرپور شرکت کریں اور نئے پاکستان کے عزم کو عام کریں انہوں نے کہا کہ ملک کے عوام نے پاکستان پیپلز پارٹی اور مسلم لیگ ن کو بار بار آزمایا ہے یہ دونوں جماعتیں عوام کی توقعات پر پورا نہیں اتریں اس لئے ملک کے عوام کی نظریں اب پاکستان تحریک انصاف کی طرف ہیں ہم ملک کے عوام کی امیدوں پر پورا اتریں گے اور پاکستان کو ایک جدید اور مثالی ملک بنائیں گے انہوں نے غوثیہ جماعت کے کارکنوں کو ہدائت کی ہے کہ وہ اپنی روحانی غوثیہ جماعت کو منظم کریں اور سیاسی طور پرپاکستان تحریک انصاف میں شامل ہو جائیں انہوں نے غوثیہ جماعت کے مقامی رہنماؤں اور کارکنوں کو سندھ میں ہونے والے پی ٹی آئی کے جلسوں میں بھر پور شرکت کی بھی ہدائت کی اس موقع پر غوثیہ جماعت کے ضلعی اور مقامی رہنماؤں کے علاوہ خلیفوقاسم او ر گر دونواح کے علاقوں سے تعلق رکھنے والے کارکنوں کی بڑی تعداد موجود تھی ۔
متعلقہ عنوان :
مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.