پاکستانی بلائینڈ ٹیم نے سری لنکا بلائینڈ کو دوسرے ون ڈے میں 2 وکٹوں سے ہرا کر تین میچوں کی سیریز میں 2-0 کی فیصلہ کن برتری حاصل کر لی،جمیل اور اعجاز نے نویں وکٹ میں 154 رنز کی ناقابل شکست شراکت جوڑ کر سری لنکا کے منہ سے فتح کا نوالہ چھین لیا،جمیل ناقابل شکست سنچری بنانے پر میچ کے بہترین کھلاڑی قرار،روون کی سنچری رائیگاں گئی
جمعہ 8 اپریل 2016 18:51
اسلام آباد ۔ 8 اپریل (اُردو پوائنٹ اخبارتازہ ترین - اے پی پی۔08 اپریل۔2016ء) محمدجمیل کی ناقابل شکست سنچری کی بدولت پاکستان بلائینڈ ٹیم نے سری لنکا بلائینڈ کو دوسرے ون ڈے میں 2 وکٹوں سے ہرا کر تین میچوں کی سیریز میں 2-0 کی برتری حاصل کر لی، گرین شرٹس نے 292 رنز کا ہدف 8 وکٹوں کے نقصان پر پورا کیا، 138 رنز پر 8 وکٹیں گرنے کے بعد جمیل اور محمداعجاز نے میدان سنبھالا، دونوں بلے بازوں نے ذمہ دارانہ بیٹنگ کا مظاہرہ کرتے ہوئے نویں وکٹ میں 154 رنز ناقابل شکست شراکت قائم کر کے مہمان ٹیم کے منہ سے فتح کا نوالہ چھین لیا۔
جمیل 100 اور اعجاز 54 رنز بنا کر ناٹ آؤٹ رہے۔ روون وسنتھا کی سنچری رائیگاں گئی۔ جمیل کو عمدہ بیٹنگ کا مظاہرہ کرنے پر میچ کے بہترین کھلاڑی کا ایوارڈ دیا گیا۔(جاری ہے)
گزشتہ روز جناح سٹیڈیم، گرجوانوالہ میں کھیلے گئے سیریز کے دوسرے ایک روزہ میچ میں سری لنکن بلائینڈ ٹیم نے پہلے کھیلتے ہوئے مقررہ اوورز میں 8 وکٹوں پر 291 رنز بنائے، رووان وسنتھا 115 رنز بنا کر ٹاپ سکورر رہے، موتوگاما 94 رنز بنا کر دوسرے نمایاں بلے باز رہے، اسرار حسن پاکستان کے کامیاب ترین باؤلر رہے جنہوں نے حریف ٹیم کے 5 کھلاڑیوں کو پویلین کی راہ دکھائی، مطیع اللہ نے 2 وکٹیں حاصل کیں۔
ہدف کے تعاقب کیلئے پاکستانی بلائینڈ ٹیم جب میدان میں اتری تو اس کا آغاز مایوس کن تھا اور 138 کے سکور پر اس کے 8 کھلاڑی آؤٹ ہو کر پویلین لوٹ گئے، اس موقع پر ایسا لگ رہا تھا کہ گرین شرٹس میچ ہار جائے گی لیکن جمیل اور اعجاز نے ہمت نہ ہاری، دونوں بلے بازوں نے ڈٹ کر حریف باؤلرز کا مقابلہ کیا اور نویں وکٹ میں 154 رنز کی ناقابل شکست شراکت جوڑ کر ٹیم کو فتح سے ہمکنار کرایا۔ جمیل 100 اور اعجاز 54 رنز بنا کر ناٹ آؤٹ رہے۔مزید کھیلوں کی خبریں
-
صرف 2 گیندوں بعد ہی میچ ختم
-
راولپنڈی میں بارش رک گئی، پاک نیوزی لینڈ میچ چند اوورز تک محدود کر دیا گیا
-
کس وقت تک بارش نہ رکی تو پاک نیوزی لیند میچ منسوخ کر دیا جائے گا؟
-
راولپنڈی میں بارش، پاک نیوزی لینڈ میچ دوبارہ شروع ہو سکے گا یا نہیں؟
-
کیویز کیخلاف پہلے میچ کیلئے 2 پاکستانی کھلاڑیوں کا ڈیبیو
-
ویسٹ انڈیزویمینز ٹیم نے پاکستان ویمینز ٹیم کو پہلےایک روزہ بین الاقومی میچ میں 113 رنز سے شکست دے دی
-
سیریز کا پہلا ٹی ٹوئنٹی میچ، نیوزی لینڈ نے پاکستان کیخلاف ٹاس جیت لیا
-
راولپنڈی میں پاک نیوزی لینڈ میچ ہو سکے گا یا نہیں؟ اپ ڈیٹ جاری کر دی گئی
-
آئی سی سی ایونٹ میں شرکت، ونواٹو کی ٹیم چندہ جمع کرنے پر مجبور
-
بارسلونا اوپن ، مارشل گرانولرزاورہوراشیوزیبالوس کوارٹرفائنل میں پہنچ گئے
-
سابق آسٹریلوی کرکٹرمائیکل سلیٹرجیل منتقل
-
سیف گیمز کے انعقاد سے دنیا میں پاکستان کا سافٹ امیج اجاگر ہوگا، رانا مشہود
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.