اسلام پورہ میں واقع ایک دکان میں تین ملازمین کو بیدردی کیساتھ قتل جبکہ ایک کو شدید زخمی کر دیا گیا
پولیس نے لاشوں اور زخمی کو ہسپتال منتقل کر کے تحقیقات شروع کر دیں،تینوں کو چھریوں اور سیخوں کے وار کر کے قتل کیا گیا زخمی کے بیان کے مطابق کمرے میں موجود چار ساتھیوں کا ایک کے ساتھ جھگڑا ہوا تھا ، گرفتاری کیلئے ٹیمیں روانہ کردی ہیں‘ڈی آئی جی آپریشنز
بدھ 6 اپریل 2016 21:54
لاہور(اُردو پوائنٹ اخبارتازہ ترین - این این آئی۔06 اپریل۔2016ء) اسلام پورہ کے علاقے میں واقع ایک دکان میں تین ملازمین کو بیدردی کیساتھ قتل جبکہ ایک کو شدید زخمی کر دیا گیا ،پولیس نے لاشوں اور زخمی کو ہسپتال منتقل کر کے تحقیقات شروع کر دیں۔ بتایا گیا ہے کہ گزشتہ روز اسلامپورہ میں نوری بلڈنگ کے قریب واقع الرحیم تکے اور مرغ چنے پرکام کرنے والے پانچ ملازم ڈیوٹی ختم کرنے کے بعد اندر ہی سو جاتے تھے ۔
گزشتہ روز ایک ملازم معمول کے مطابق اپنی ڈیوٹی پر آیا اور شٹر پر دستک دیتا رہا لیکن کسی نے شٹر نہ اٹھایا جس پر اس نے مالک کو اطلاع دی ۔ شٹر باہر سے بھی بند ہونے کی وجہ سے اسے کاٹا گیا تو اندر تین ملازمین مردہ حالت جبکہ ایک شدید زخمی حالت میں پایا گیا ۔ تینوں افراد کو چھریوں اور سیخوں کے وار کرکے بیدردی سے قتل کیا گیا تھا ۔(جاری ہے)
اطلاع ملنے پر ریسکیو 1122اور پولیس کی ٹیمیں بھی موقع پر پہنچ گئیں جنہوں نے سب سے پہلے شدید زخمی حالت میں موجود ملازم مردان کے رہائشی زین العابدین کو میو ہسپتال منتقل کیا جبکہ فرانزک ماہرین کو طلب کر کے دکان کے اندر سے شواہد اکٹھے کرنے کے بعد لاشوں کو پوسٹمارٹم کے لئے میو ہسپتال منتقل کیاگیا۔
دوکان کے مالک رحیم کا کہنا ہے کہ کام ختم کرنے کے بعد وہ دوکان بند کرکے گھر چلا گیا تھااور اس کے ملازمین معمول کے مطابق دکان کے اندر سو رہے تھے ۔رحیم نے بتایا کہ پانچ ملازم اندر ہی سو جاتے تھے لیکن دوکان پر کام کرنے والوں میں سے ایک ملازم نوید موجود نہیں جو کہ بے رحمانہ قتل کی اس گھناؤنی واردات میں ملوث ہوسکتا ہے ۔ بیدردی سے قتل کئے جانے والے ملازمین کی شناخت 25سالہ نعیم ،35سالہ شہر یار اور 28سالہ عمر کے نام سے ہوئی ہے ۔ڈی آئی جی آپریشنز ڈاکٹر حیدر اشرف نے بتایا کہ زخمی کے ابتدائی بیانات لئے گئے ہیں جس کے مطابق پانچوں ملازمین اندر موجود تھے اور چار کا ایک سے جھگڑا ہو گیا ۔ انہوں نے بتایا کہ فرانزک ماہرین نے تمام شواہد اکٹھے کر لئے ہیں جبکہ غائب ہونے والے ملازم کی گرفتاری کے لئے ٹیمیں روانہ کر دی ہیں۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.