فیڈرل بورڈ آف ریونیو نے ملکی درآمدات کو ریگولیٹ کرنے کیلئے الیکٹرانک آئی فارم متعارف کرادیا
نئے سافٹ ویئر کے آنے سے ملکی درآمد کنندگان کو دہلیز پر سہولیات میسر ،فارن ایکسچینج کو مانٹیر کرنے سمیت دھوکہ دہی کے واقعات ختم ہوجائیں گے،فضل محمود
بدھ 6 اپریل 2016 17:26
پشاور(اُردو پوائنٹ اخبارتازہ ترین - این این آئی۔06 اپریل۔2016ء) فیڈرل بورڈ آف ریونیو نے سٹیٹ بینک آف پاکستان کے تعاون سے ملکی درآمدات کو ریگولیٹ کرنے اور فارن ایکسچینج کو مانیٹر کرنے سمیت برآمد کنندگان کو سہولیات کی فراہمی کیلئے الیکٹرانک آئی فارم متعارف کرادیا ہے جبکہ خیبر پختونخوا چیمبر آف کامرس اینڈ انڈسٹری کے سینئر نائب صدر عماد رشید نے ایف بی آر کے وی باک (Weboc) سسٹم میں بہتری لانے اور خیبر پختونخوا کی بزنس کمیونٹی کو بہتر سہولیات فراہم کرنے کی ضرورت پر زور دیا ہے ۔
تفصیلات کے مطابق ایڈیشنل ڈائریکٹر ڈائریکٹریٹ آف ریفارمز اینڈ آٹومیشن کسٹمز کراچی عبدالحیاشیخ نے سٹیٹ بینک کراچی کے فضل محمود کے ہمراہ خیبر پختونخوا چیمبر کے سینئر نائب صدر عماد رشید اور نائب صدر شجاع محمد سے چیمبر ہاؤس میں ملاقات کی ۔(جاری ہے)
اس موقع پرماڈل کسٹمز کلکٹریٹ پشاور کے ڈپٹی کلکٹر ذاکر محمد ضیاء الحق سرحدی امتیاز احمد علی محمد آصف خان پرال سسٹم کے ٹیکنیکل آفیسر ارشد حسین امپورٹرز ایکسپورٹرز اور پاکستان کسٹمز ار سٹیٹ بینک کے اعلیٰ حکام بھی موجود تھے ۔
ایڈیشنل ڈائریکٹر ڈائریکٹریٹ آف ریفارمز اینڈ آٹومیشن کسٹمز کراچی عبدالحیاشیخ اور سٹیٹ بینک کراچی کے فضل محمود نے خیبر پختونخوا چیمبر کے ممبران کو الیکٹرانک آئی فارم سے متعلق ملٹی میڈیا پریذنٹیشن پیش کی اور بتایا کہ ایف بی آر نے سٹیٹ بینک آف پاکستان کے ساتھ مل کر ملکی درآمدات کو ریگولیٹ کرنے اور فارن ایکسچینج کو مانیٹر کرنے سمیت برآمد کنندگان کو سہولیات کی فراہمی کیلئے الیکٹرانک آئی فارم متعارف کرایا ہے جس کا مقصد بہتر مینجمنٹ سسٹم لانا ہے ۔ انہوں نے بتایا کہ اس نئے سافٹ ویئر کے آنے سے نہ صرف ملکی درآمد کنندگان کو ان کی دہلیز پر سہولیات میسر آئیں گی بلکہ فارن ایکسچینج کو مانٹیر کرنے سمیت دھوکہ دہی کے واقعات بھی ختم ہوجائیں گے۔ انہوں نے بتایا کہ نیا الیکٹرانک آئی فارم افغان ٹرانزٹ پر لاگو نہیں ہوگا ۔ انہوں نے بتایا کہ جن صارفین کے پاس Weboc کی یوزر آئی ڈی اور پاسورڈ پہلے سے موجود ہے انہیں نئی آئی ڈی اور پاسورڈ کی ضرورت نہیں پڑ ے گی۔ انہوں نے کہا کہ جو صارفین پہلے ون کسٹمز پر تھے وہ اب وی باک پر آجائیں گے۔ انہوں نے بتایا کہ یہ اقدام امپورٹ پالیسی کے پیش نظر اٹھایا گیا ہے اور اس کے ملکی معیشت پر بہتر اثرات مرتب ہوں گے۔ خیبر پختونخوا چیمبر کے سینئر نائب صدر عماد رشید نے ایف بی آر کے آن لائن سسٹم وی باک اور ون کسٹمز سمیت پرال سسٹم میں بہتری لانے اور ٹیکس نظام میں پائی جانیوالی پیچیدگیوں کو دور کرنے کی ضرورت پر زور دیا اور کہا کہ طورخم بارڈر اور غلام خان چیک پوسٹ پر بجلی کی لوڈشیڈنگ اور مواصلاتی نظام نہ ہونے کی وجہ سے بزنس کمیونٹی اس نظام سے مستفید نہیں ہوسکتی لہٰذا ایف بی آر کے آن لائن سسٹمز کو فعال بنایا جائے اور بزنس کمیونٹی کی مشکلات کا ازالہ کیا جائے ۔ اس موقع پر ضیاء الحق سرحدی اور امتیاز احمد علی نے بھی ایف بی آر کے آن لائن سسٹمز میں بہتری لانے کی ضرورت پر زور دیا اور کہا کہ ایف بی آر بزنس کمیونٹی کی مشاورت سے ٹیکس نظام میں پائی جانیوالی مشکلات کو دور کرے۔متعلقہ عنوان :
مزید تجارتی خبریں
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
بجلی کی قیمت میں 2روپے 94پیسے فی یونٹ مزید اضافے کا امکان
-
موبائل فونز کی مقامی تیاری کے بعد قیمتوں میں نمایاں کمی
-
ملک میں سیمنٹ کی ریٹیل قیمتوں میں معمولی کمی ریکارڈ
-
ایل این جی کی درآمدات میں جاری مالی سال کے پہلے نوماہ میں دو فیصد کا اضافہ
-
موبائل فونز کی درآمدات میں جاری مالی سال کے پہلے نو ماہ میں 121 فیصد کا نمایاں اضافہ
-
برائلر گوشت کی قیمت میں مزید14روپے کلو کمی
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.