کے فور منصوبے کی فوری تکمیل کے لیے اقدامات کیے جائیں ‘زاہد سعید
بدھ 6 اپریل 2016 14:03
کراچی( اُردو پوائنٹ اخبارتازہ ترین - این این آئی۔06 اپریل۔2016ء) کورنگی ایسوسی ایشن آف ٹریڈ اینڈ انڈسٹری(کاٹی) کے صدر زاہد سعید نے کہا ہے کہ کے فور منصوبے کی تکمیل کے لیے فوری اقدامات کیے جائے، پانی قلت کی وجہ سے صنعتیں براہ راست اور برآمدات بالواسطہ طور پر متاثر ہورہی ہیں۔ انھوں نے اپنے بیان میں کہا کہ کراچی میں چمڑے، گارمنٹس ، تعمیرات سمیت دیگر صنعتوں کو پانی کی قلت کی وجہ سے شدید مسائل کا سامنا ہے۔
ان کا کہنا تھا کہ صنعت کار مہنگے داموں پانی خریدنے پر مجبور ہیں جس کی وجہ سے پیداواری لاگت میں بھی کئی گنا اضافہ ہوجاتا ہے۔ زاہد سعید کا کہنا تھا کہ وفاق اور سندھ کی صوبائی حکومت کو کراچی کے لیے فراہمی آب کے منصوبے کے فور کی جلد از جلد تکمیل کے لیے اقدامات کرنے ہوں گے۔(جاری ہے)
ان کا کہنا تھا کہ پانی کے مجوزہ منصوبوں پر عمل درآمد میں تاخیر سے معاشی مسائل کے ساتھ ساتھ سماجی مسائل بھی جنم لیں گے۔
انھوں نے کہا کہ اس وقت کراچی کی صنعتوں کو جہاں دیگر مسائل کا سامنا ہے وہیں پانی جیسی بنیادی ضرورت کی فراہمی میں پیدا ہونے والے مسائل نے صنعتوں کے لیے مزید مشکلات کھڑی کردی ہیں۔ انھوں نے مزید کہا کہ اس وقت ملک کو ایک جامع اور موٴثر واٹر پالیسی کی ضرورت ہے۔ انھوں نے مطالبہ کیا کہ وزیراعظم میاں نواز شریف نے جس طرح توانائی کا بحران ختم کرنے کے لیے ہمہ جہت کوششوں کا آغاز کیا ہے اسی طرح پانی کا بحران سنگین ہونے سے پیش تر اس مسئلے پر توجہ دی جائے اور قومی سطح پر اس مسئلے کو اجاگر کرنے کے ساتھ ساتھ اس کے حل کے لیے ایک جامع اور ہمہ گیر لائحہ عمل تیار کیا جائے۔مزید تجارتی خبریں
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
-
زیرگردش کرنسی کے حجم میں ہفتہ واربنیاد پر2.1 فیصداضافہ ہوا،سٹیٹ بینک
-
ملک میں سیمنٹ کی ریٹیل قیمتوں میں گزشتہ ہفتہ کے دوران کمی
-
برائلرگوشت کی قیمت میں مزید 25 روپے کلو کمی
-
چینی کی مصنوعی قلت،فی بوری قیمت میں 100روپے کااضافہ کر دیا گیا
-
ملک میں منگل کو سونے کی فی تولہ قیمت میں 7800 روپے کی کمی ہوئی
-
ایف ڈی آئی میں مارچ کے دوران سالانہ بنیاد پر 52 فیصد اضافہ ہوا ،سٹیٹ بینک
-
پاکستان سٹاک ایکسچینج میں تیزی،71 ہزار751پوائنٹ کی نفسیاتی حد عبور کرگیا
-
برائلر گوشت کی قیمت میں36روپے کلو کمی
-
سکریپ کے گودام میں آگ لگنے سے لاکھوں کا سامان جل گیا
-
کراچی گولڈ بلین ایکس چینج کا سونے کے نرخ جاری کرنے کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.