سردار بہادر خان وومن یونیورسٹی خواتین کوا علیٰ تعلیم سے صوبے میں ایک خاموش سماجی انقلاب کی نوید ثابت ہوگی،گورنر بلوچستان محمد خان اچکزئی ودیگرکا وومن یونیورسٹی کے ساتویں کانووکیشن سے خطاب
بدھ 6 اپریل 2016 11:05
کوئٹہ۔05اپریل(اُردو پوائنٹ اخبارتازہ ترین - اے پی پی۔06 اپریل۔2016ء) گورنر بلوچستان محمد خان اچکزئی نے کہا ہے کہ سردار بہادر خان وومن یونیورسٹی خواتین کوا علیٰ تعلیم فراہم کر کے صوبے میں ایک خاموش سماجی انقلاب کی نوید ثابت ہوگی۔ ہر سال یونیورسٹی سے فارغ التحصیل ہونے والی خواتین کے لئے روزگار کا حصول یقینا ایک اہم مسئلہ ہے تاہم خوش قسمتی سے بلوچستان میں رونما ہونے والی غیر معمولی اقتصادی ترقی اعلیٰ تعلیم یافتہ افراد کے لئے روزگار کے نئے اور بہتر مواقع پیدا کرے گی جو عمومی سماجی و معاشی ترقی کے علاوہ مستقبل کی تعمیر میں خواتین کے کردار کو یقینی بنائے گا۔
ان خیالات کا اظہار انہوں نے منگل کو وومن یونیورسٹی کے ساتویں کانووکیشن سے خطاب کرتے ہوئے کیا۔(جاری ہے)
اس موقع پروزیراعلیٰ بلوچستان کے مشیربرائے اطلاعات سردار رضا محمد بڑیچ ،اسپیکربلوچستان اسمبلی راحیلہ حمید خان درانی،خاتون رکن اسمبلی یاسمین لہڑی ،سردار بہادر خان وومن یونیورسٹی کے ساتویں اکیڈمک کانووکیشن کی تقریب میں صوبائی وزراء ، اراکین اسمبلی ،مختلف یونیورسٹیوں کے وائس چانسلرز ،سینئر اساتذہ کرام ، والدین اور اعلیٰ حکام بھی موجود تھے۔
گورنر بلوچستان محمدخان اچکزئی نے گریجویٹس ، گولڈ مڈلسٹ اور پن آف آنرز میں اسناد و اعزازات تقسیم کئے ۔ساتویں کانووکیشن کے شرکاء سے خطاب کرتے ہوئے گورنر بلوچستان محمد خان اچکزئی نے کہا کہ کسی بھی یونیورسٹی کا کانووکیشن میز ایک رسمی یا روایتی تقریب نہیں بلکہ یہ طلباء ، والدین اور ان کے اہل خاندان کے لئے مستقبل کی تعمیر میں خشت اول کی حیثیت سے تاریخی و یادگاری اہمیت رکھتا ہے۔ انہوں نے اس امر پر اطمنان کا اظہار کیا کہ وومن یونیورسٹی تعلیم یافتہ ، روشن خیال اور اعتدال پسند خواتین پیدا کر رہی ہے جو اپنے قومی اقدار کے قدردان ہونے کے ساتھ ساتھ ملک و قوم کی خدمت کے جذبے سے سرشار ہیں۔گورنر بلوچستان نے اس یقین کا اظہار کیا کہ اس علمی درسگاہ سے علم و شعور کی روشنی حاصل کرنے والی طالبات نہ صرف حصول علم کا یہ عمل جاری رکھیں گی بلکہ اپنے حاصل کردہ علم وشعور سے معاشرے کو ہر لحاظ سے منور و روشن کرتی رہیں گی۔ انہو ں نے کہا کہ وائس چانسلر اور ان کی ٹیم طالبات کی تعلیم و تربیت میں قابل قدر کردار اد ا کررہی ہے اور اس یقین کا اظہار کیا کہ وومن یونیورسٹی کے ذمہ داران اپنے وژن اور کارکردگی کو مزید بلندی پر لے کر جائیں گے۔ انہو ں نے کہا کہ دنیا تیز رفتاری سے کروٹیں بدل رہی ہے اور خاص طور سے صنفی مساوات و شراکت کا تصور آگے بڑھ رہا ہے۔ ضروری ہے کہ آپ بھی اس نئے رحجان کے مطابق تعمیر و ترقی میں صنفی شراکت کو یقینی بنائیں۔ انہوں نے کہا وومن یونیورسٹی بلوچستان کی ترقی خاص طور سے عمومی ماحول او صوبے کے امیج کو بہتر بنانے میں اپنا کردار ادا کرتی رہے گی۔ انہو ں نے یقین دہانی کرائی کہ یونیورسٹی کی مختلف فیکلٹیوں کی پیشہ ورانہ ضروریات کو پورا کرنے کیلئے ان کا تعاون ہمیشہ حاصل رہے گا۔ آخر میں انہوں نے ایک بار پھر گریجویشن مکمل کرنے اور نمایاں کارکردگی کا مظاہرہ کرنے والی طالبات کو مبارکباد دی ۔تقریب سے وائس چانسلر سرداربہادر خان وویمن یونیورسٹی پروفیسررخسانہ جبین نے خطاب کرتے ہوئے کہاکہ آج میرے لئے فخرکادن ہے کہ اتنی بڑی تعداد میں والدین ،اساتذہ ،میڈیا اوردیگرشعبوں سے تعلق رکھنے والے افراد تقریب میں شریک ہیں امید ہے کہ وہ آئندہ بھی ہماری حوصلہ افزائی کریں گے ۔متعلقہ عنوان :
مزید اہم خبریں
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات
-
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
-
پاکستانی کمپنی کو یو اے ای کی کمپنی سے بڑا آرڈر مل گیا
-
جوڈیشل عدالت نے محمود خان اچکزئی کے ناقابل ضمانت وارنٹ گرفتاری جاری کر دئیے
-
غزہ پالیسی: امریکی محکمہ خارجہ کی ایک ترجمان مستعفٰی
-
نادرا کی جانب سے 3 کروڑ اسمارٹ کارڈز کی خریداری میں بے ضابطگیوں کا انکشاف
-
اسٹیٹ بینک کی مارکیٹ سے ریکارڈ 4.2 ارب ڈالر کی خریداری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.