ملک میں ٹیکس کلچر کو فروغ دیئے بغیر ترقی کے اہداف حاصل نہیں کیے جا سکتے،رکن قومی اسمبلی بیگم طاہرہ اورنگزیب
پیر 4 اپریل 2016 22:55
راولپنڈی ۔ 4 اپریل (اُردو پوائنٹ اخبارتازہ ترین - اے پی پی۔04 اپریل۔2016ء) رکن قومی اسمبلی بیگم طاہرہ اورنگزیب نے کہا ہے کہ ملک میں ٹیکس کلچر کو فروغ دیئے بغیر ترقی کے اہداف حاصل نہیں کیے جا سکتے ․ انہوں نے کہا کہ حکومت ٹیکس کلچر کو فروغ دینے کی پالیسی پر عمل پیرا ہے ․ انہو ں نے کہا کہ گڈ گورننس اور بہتر منیجمنٹ کے ذریعے ٹیکس دہندگان کو اس امر کا اطمینان دلایا جا رہا ہے کہ ان کی طرف سے ادا کردہ ٹیکس صحیح طور پر استعمال ہو گا ․انہوں نے ان خیالات کا اظہار گورنمنٹ گرلز ڈگری کالج جھنڈا چیچی راولپنڈی میں پنجاب حکومت کی طرف سے ٹیکس ڈے منائے جانے کے حوالے سے مختلف تعلیمی اداروں کی طالبات کے درمیان منعقدہ اردو اور انگریزی تقریری مقابلوں کے موقع پر خطاب کرتے ہوئے کیا ․وزیر اعظم میڈیا سیل کے کوآرڈینیٹر اور ڈائریکٹر کمیونیکیشن سٹریٹجی بیرسٹر دانیال چوہدری اور کالج کے پرنسپل عذرا پروین نے بھی اس موقع پر خطاب کیا ․ کالج کی اساتذہ , والدین اور طالبات کی کثیر تعداد اس موقع پر موجود تھی ․بیگم طاہرہ اورنگزیب ایم این اے نے کہا کہ پنجاب حکومت کی طرف سے ٹیکس ڈے منانے کا مقصد کاروباری لوگوں سمیت ٹیکس دینے کے اہل تمام حلقوں کو ٹیکس کی بروقت ادائیگی کی طرف راغب کرنا ہے ․ انہوں نے کہا کہ دنیا میں ریاستوں کی ترقی اور معاشی استحکام کا ٹیکس کلیکشن کے ساتھ براہ راست تعلق ہے ․ وزیراعظم میڈیا سیل کے کوآرڈینیٹر اور ڈائریکٹر کمیونیکشن سٹریجٹی بیرسٹردنیال چوہدری نے کہا کہ وفاقی حکومت نے صوبوں کی آمدنی بڑھانے کے لیئے سروسز ٹیکس کی کولیکشن صوبائی حکومتوں کے سپرد کی ہے انہو ں نے کہا کہ ہوٹلوں , بیوٹی پارلرز اور سروسز فراہم کرنے والے کاروباری ادارو ں کے مالکان کو ٹیکس کی ادائیگی میں پروایکٹو اپروچ اپنانی چاہیے․ انہوں نے کہا کہ دنیا میں ریاستوں کا نظام شہریوں کی طرف سے ادا کردہ ٹیکس کی بنیاد پر چلتا ہے ․ انہو ں نے مزید کہا کہ حکومت معاشی سرگرمیوں اور تمام شعبوں کے کاروباروں کو فروغ دینے کیلیئے کوشاں ہے ․ انہوں نے کہا کہ جتنا زیادہ ٹیکس جمع ہو گا عوام کو اتنی ہے زیادہ سہولیات کی فراہمی ہو گی اور ملکی معیشت مستحکم اور عوام خوشحال ہو گی ․ انہوں نے کہا کہ پاکستان مسلم لیگ (ن) کی حکومت عوام کے ٹیکسوں اور پیسے کو دیانتداری سے ملکی ضروریات اور عوام کی فلاح و بہبود پر خرچ کر نے کی پالیسی پر عمل پیرا ہے ․ اور موجودہ حکومت نے ٹیکس کلیکشن کے اہداف کا میابی سے حاصل کیے ہیں․ بیرسٹر دانیال چوہدری , بیگم طاہرہ اورنگزیب ایم این اے نے ٹیکس ڈے کے حوالے سے طالبات کی اردو اور انگریزی میں تقریری مقابلوں کے معیار کو سراہا اور پوزیشن حاصل کرنے والی طالبات میں سرٹیفکیٹس اور انعامات تقسیم کئے۔
متعلقہ عنوان :
مزید قومی خبریں
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
مشرق وسطی میں حالات مزید خراب ہوئے تو تیل مہنگا ہوسکتا ہے،ورلڈ بینک نے خبردار کر دیا
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
مہنگی مرغی، حکومت کا چوزے کی برآمد پرپابندی عائد کرنے کا فیصلہ
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.