قبائلی علاقوں سے دہشت گردوں کے نیٹ ورکس کو تباہ کر دیا ، آپریشن ضرب عضب دہشت گردوں کو جلد ہی ان کے انجام تک پہنچا دے گا،سیاسی اور دفاعی تجزیہ کار
پیر 4 اپریل 2016 17:24
اسلام آباد ۔ 4 اپریل (اُردو پوائنٹ اخبارتازہ ترین - اے پی پی۔04 اپریل۔2016ء) سیاسی رہنماؤں اور دفاعی تجزیہ کاروں کا کہنا ہے کہ پاک فوج نے قبائلی علاقوں سے دہشت گردوں کا خاتمہ اور انکے خفیہ ٹھکانوں اور نیٹ ورکس کو تباہ کر دیا ہے، آپریشن ضرب عضب آخری مراحل میں ہے اور دہشت گردوں کو جلد ہی ان کے انجام تک پہنچا دیا جائے گا۔ ان خیالات کا اظہار انہوں نے ریڈیو پاکستان کے نیوز اینڈ کرنٹ آفیئرز چینل کے پروگرام ہفتہ رفتہ میں کیا۔
مسلم لیگ ن کے سینیٹر لیفٹینٹ جنرل (ر) عبدالقیوم نے کہا کہ پاکستانی افواج نے شمالی وزیرستان کے علاقے سے دہشت گردوں کا کامیابی سے خاتمہ کر دیا ہے۔ افغانستان کے ساتھ ہمارے تاریخی تعلقات ہیں لیکن وہاں کچھ عناصر پاکستان کے خلاف کام کر رہے ہیں۔(جاری ہے)
وہاں کے مقامی لوگ پاکستان کے ساتھ ہیں لیکن ایک مضبوط بھارتی لابی پاکستان اور افغانستان کے درمیان مسائل پیدا کر رہی ہے۔
پاکستانی افواج نے قبائلی علاقوں سے آپریشن ضرب عضب کے ذریعے دہشت گردوں کا صفایا کر دیا ہے۔ دفاعی تجزیہ کار بریگیڈیر (ر) محمود شاہ نے کہا کہ پاکستانی افواج نے آپریشن ضرب عضب کے ذریعے بہت سے علاقوں سے دہشت گردی کی لعنت کو جڑ سے اکھاڑ پھینکا ہے۔ دہشت گردوں کے مواصلاتی نظام اور خفیہ ٹھکانوں کو تباہ کر دیا گیا ہے۔ پاکستانی افواج نے سرحد پار سے ہونے والی دہشت گردوں کی نقل وحرکت کے عمل کو روکنے کیلئے اپنے انتظامات مزید سخت کر دیے ہے جبکہ افغانستان کی طرف سے اس سلسلے میں کوئی اقدام نہیں کیا گیا ۔ حکومت کو اس کیلئے مزید ٹھوس اقدامات کر نے کی ضرورت ہے تاکہ دہشت گردوں کے نیٹ ورکس کو ختم کیا جاسکے۔ دفاعی تجزیہ کار ڈاکٹر محمد خان نے کہا کہ آپریشن ضرب عضب ملک سے دہشت گردی اور دہشت پسندی کے خاتمے کے لیے ناگزیر تھا۔ دہشت گردی ایک عالمی مسئلہ ہے اور ہم اس کے خاتمے کیلئے اہم کردار ادا کر رہے ہیں ۔آپریشن ضرب عضب صرف پاکستان کیلئے نہیں بلکہ پورے خطے کی سلا متی کیلئے ہے۔متعلقہ عنوان :
مزید قومی خبریں
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
-
خواجہ سلمان رفیق کا عزیز بھٹی شہید ہسپتال گجرات میں چھت گرنے کے واقعہ کا نوٹس،رپورٹ طلب
-
وزیراعلی ٰ پنجاب کا گجرات میں عزیز بھٹی شہید ٹیچنگ ہسپتال میں چھت گرنے کے واقعہ کا نوٹس
-
میں نے خود بانی پی ٹی آئی کو کہتے سنا ہے کہ اپوزیشن کو پھانسی لگا دیتے ہیں، ندیم افضل چن
-
وزیراعلیٰ مریم نوازشریف کا گجرات میں عزیزبھٹی شہید ٹیچنگ ہسپتال میں چھت گرنے کے واقعہ کا نوٹس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.