پاک سرزمین پارٹی نے سندھی قوم پرست جماعتوں سے رابطے شروع کردئیے،انیس قائم خانی کا اشرف نوناری کوٹیلیفون،سیاسی صورتحال سمیت دیگر اہم امور پر تبادلہ خیال، سندھی بھائیوں کے احسانات فراموش نہیں کر سکتے،انیس قائمخانی،سازش کے تحت سندھ میں لسانی فسادات کرائے گئے،سندھ کی تقسیم کی سازش کامیاب نہیں ہونے دینگے،اشرف نوناری
اتوار 3 اپریل 2016 19:38
حیدرآباد(اُردو پوائنٹ اخبارتازہ ترین - آئی این پی۔ 3اپریل۔2016ء) پاک سرزمین پارٹی کے مرکزی رہنماء انیس قائمخانی کا قوم پرست جماعت سندھ نیشنل تحریک کے چےئرمین اشرف نوناری سے رابطہ،اردوبولنے والے محب وطن سندھی ہیں،سندھ ہماری دھرتی ماں ہے جس کی تقسیم کا مہاجرسوچ بھی نہیں سکتے،سندھ کی ترقی وتعمیر کے لئے مہاجر سندھی بولنے والے بھائیوں سے مل کر کام کرناچاہتے ہیں ان خیالات کا اظہار پاک سرزمین پارٹی کے مرکزی رہنماء انیس قائمخانی نے اشرف نوناری سے ٹیلی فونک گفتگوکرتے ہوئے کیا،انیس قائمخانی نے کہا کہ جس طرح قیام پاکستان کے بعد ہندوستان سے ہجرت کرنے والے مہاجرین کو سندھیوں نے عزت اوردلوں میں جگہ دی وہ کوئی بھی غیرت مند اردوبولنے والا بھول نہیں سکتا،سندھ نے ہمیں پہچان دی آج ہماری پہچان محب وطن سندھی وپاکستانی کے طور پر ہے،مگرافسوس کہ لندن میں بیٹھے ہوئے خودساختہ جلاوطن لیڈر نے جس طرح سندھ میں نفرتوں کے بیچ بوئے ہیں،آج ہم ان نفرتوں اور لسانی تفریق کوختم کرنے اور محبتیں باٹنیں آئے ہیں ہم نے جس طرح 3مارچ سے ظلم بربریت وخوف ودہشت کے خلاف آواز بلند کی اس کی تاریخ میں مثال نہیں ملتی،ظلم اور ظالم کے خلاف ہمارا جہادتاریخ کا حصہ ہے،جس کا پھل آنے والی نسلوں کو محبت بھائی چارے اور سچے محب وطن کی صورت میں ملے گا ہم اردوبولنے والے اورسندھیوں کے درمیان نفرتوں کو ختم کرنا اور بھائی چارے کو فروغ دینا چاہتے ہیں،جس میں سندھی قوم ہمارا ساتھ دے،تاکہ صوفیوں کے امام حضرت شاہ عبدالطیف بھٹائی کی سرزمین سندھ پر بھائی چارے اور امن کی فضا قائم رہے،اس موقع پر قوم پرست رہنماء اشرف نوناری نے کہاکہ قیام پاکستان سے لے کر آج تک ہم نے اردوبولنے والوں کو سندھی دھرتی کا اٹوٹ حصہ اور اپنا بھائی سمجھا ہے،آج بھی ہمارے دل اردوبولنے والے بھائیوں کے لئے دھرکتے ہیں مگر ایک سازش کے تحت مخصوص مفادات کے حصول کے لئے سندھ میں لسانی فسادات کراکر سندھیوں اور اردوبولنے والے سندھیوں کے درمیان نفرتیں پیدا کی گئیں ،پاک سرزمین پارٹی نے جس طرح سندھ وہ ملک دشمنوں کے مذموم مقاصد کو پوری قوم کے سامنے بے نقاب کیا ہے اس پر سندھی قوم مصطفی کمال اور ان کی ٹیم کو مبارک باد پیش کرتی ہے اور اپنی حمایت کا یقین دلاتی ہے،دونوں رہنماؤں نے سندھ کے حقوق کے لئے مشترکہ جدوجہد پر اتفاق کیااور کہاکہ آج کے بعد سندھ میں لسانی قوتوں کو جرات نہیں ہوگی کہ وہ سندھ میں لسانی بنیادوں پر فساد کرائیں یاسندھ کی تقسیم کی باتیں کریں۔
متعلقہ عنوان :
مزید اہم خبریں
-
سعودی عرب کے نائب وزیر دفاع جنرل طلال بن عبداللہ آل سعود کی پاک فوج کے سربراہ جنرل سید عاصم منیر سے ملاقات، دفاعی تعاون کو مزید فروغ دینے کے اقدامات پر تبادلہ خیال
-
وفاقی وزیر داخلہ محسن نقوی کی کراچی کے علاقے لانڈھی میں خودکش حملے کی مذمت
-
عدالتوں میں زیر سماعت مقدمات کو زیر بحث نہیں لایا جا سکتا،سپیکر قومی اسمبلی
-
لاہور ہائیکورٹ کا ڈپٹی ڈائریکٹر ماحولیات لاہور اور ڈپٹی ڈائریکٹر شیخوپورہ کو فوری تبدیل کرنے کا حکم
-
وفاقی وزیر داخلہ محسن نقوی کا کچے کے علاقے میں مشترکہ آپریشن کرنے کا فیصلہ
-
ورلڈ پریس فوٹو ایوارڈ: مردہ بچی کو تھامے فلسطینی خاتون کی تصویر کو
-
ٹوبہ ٹیک سنگھ ،باپ ،بھائی کے ہاتھوں قتل ہونے والی ماریہ کی ڈی این رپورٹ میں زیادتی کے شواہدنہیں ملے
-
پاکستان میں سال 2023 کے دوران موبائل فون صارفین کی تعداد میں 37 لاکھ کی ریکارڈ کمی
-
اینٹ کا جواب پتھر سے دیا جائیگا،دہشتگردوں سے مذاکرات نہیں ہونگے،اعظم نذیر تارڑ
-
رمضان شوگر مل ریفرنس کیس وزیراعظم شہبازشریف اور حمزہ شہبازکی حاضری سے معافی کی درخواست منظور
-
سپیکر پرلازم ہے کہ وہ آئین اور قانون کی پاسداری کریں،عمر ایوب
-
اقوام متحدہ میں فلسطین کی مکمل رکنیت کی قرارداد کو امریکہ نے ویٹو کر دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.