ذوالفقار علی بھٹو نے عوام کو سیاسی طاقت کا سرچشمہ ہونے کا شعور دیا ، ،مشکل حالات میں ذوالفقار علی بھٹو کا فلسفہ اپنانے کی ضرورت ہے ، جمہوریت کی راہ میں اپنی جانوں کی قربانی ،جلاوطنی کی صعوبتیں برداشت کرنے اور پابندِ سلاسل ہونے والوں کو خراج تحسین پیش کرتے ہیں،سابق صدر اور پاکستان پیپلزپارٹی پارلیمنٹیرینز کے صدر آصف علی زرداری کا سابق وزیراعظم ذولفقار علی بھٹو کی برسی کے موقع پر بیان
اتوار 3 اپریل 2016 15:15
اسلام آباد ۔ 03 اپریل (اُردو پوائنٹ اخبارتازہ ترین - اے پی پی۔03 اپریل۔2016ء) سابق صدر اور پاکستان پیپلزپارٹی پارلیمنٹیرینز کے صدر آصف علی زرداری نے کہا ہے کہ قائدعوام ذوالفقار علی بھٹو نے عوام کو یہ شعور دیا کہ عوام ہی سیاسی طاقت کا سرچشمہ ہیں اور اسی شعور کی وجہ سے ملک میں ڈکٹیٹرشپ اپنی جڑیں نہیں پیدا کر سکی ،مشکل حالات میں ذوالفقار علی بھٹو کا فلسفہ اپنانے کی کی جتنی ضرورت اب ہے اتنی پہلے کبھی نہیں تھی۔
یہ بات انہوں نے اتوار کو پاکستان پیپلزپارٹی کے بانی ذوالفقار علی بھٹو کے 37ویں برسی ،جو آج پیر کو منائی جارہی ہے ، کے موقع پر اپنے پیغام میں کہی انہوں نے ملک کے تمام جمہوریت پسند لوگوں سے کہا کہ وہ خود کو ایک مرتبہ پھر اس مقصد کے لئے وقف کر دیں کہ طاقت بیلٹ باکس کے ذریعے آتی ہے ۔(جاری ہے)
سابق صدر نے کہا کہ ذوالفقار علی بھٹو نے عوام کو جگایا اور انہیں امید کی طاقت دی اور یہ طاقت بھی دی کہ وہ طاقت کی امید رکھیں، انہوں نے آنے والی نسلوں کے لئے راستے کو روشن کیا اور کوئی بھی ذوالفقار علی بھٹو کے کارناموں کو ختم نہیں کر سکتا۔
آصف علی زرداری نے ذوالفقار علی بھٹو کو خراج عقیدت پیش کرتے ہوئے کہا کہ یہ قائدعوام ہی تھے جنہوں نے قوم کو ایک متفقہ جمہوری آئین دیا اور ملک کے ددفاع کو مضبوط کیا۔ یہ دونوں باتیں جو شہید ذوالفقار علی بھٹو نے آنے والی نسلوں کے لئے چھوڑی ہیں ان کی حفاظت ہر صورت میں ضروری ہے۔ انہوں نے کہا کہ آج کے روز ہم اس عزم کا اعادہ کرتے ہیں کہ خود کو جمہوری اصولوں کے لئے وقف کر دیں گے اور ہم ان تمام لوگوں کو خراج عقیدت پیش کرتے ہیں جنہوں نے جمہوریت کی راہ میں اپنی جانوں کا نذرانہ پیش کیا، جلاوطنی کی صعوبتیں برداشت کیں اور پابندِ سلاسل ہوئے۔متعلقہ عنوان :
مزید اہم خبریں
-
فرانس میں تیرہ سال سے کم عمر بچوں کے رات کےاوقات میں باہر نکلنے پر کرفیو عائد
-
عدت میں نکاح کیس، بانی پی ٹی آئی و بشریٰ بی بی کی اپیلوں پر سماعت 30 اپریل تک ملتوی
-
صدرمملکت آصف علی زرداری سے انٹرنیشنل اسلامی یونیورسٹی کے صدر ڈاکٹر هذال بن حمود العتيبي اور ریکٹر ڈاکٹر ثمینہ ملک کی ملاقات
-
ہم ایک ایسا معاشرہ بنائیں گے جس کا خواب قائد نے دیکھا تھا، وزیراعظم شہباز شریف
-
جو نام بانی پی ٹی آئی دیں گے وہی چیئرمین پی اے سی ہو گا، عمرایوب
-
پارٹی کے اندرونی معاملات پر پارٹی میں ہی بحث کرنی ہے، چیئرمین پی ٹی آئی کا شیرافضل مروت کو انتباہ
-
9 مئی کو پی ٹی آئی نے پرامن احتجاج کیا، پارٹی نے کسی کو پرتشدد ہونے کا نہیں کہا
-
یرغمال تفریح گاہیں
-
رشوت خوری کا الزام، روس کے نائب وزیر دفاع گرفتار
-
وزیراعظم شہا ز شریف کی مزار قائد پر حاضری، پھول چڑھائے اور فاتحہ خوانی کی
-
تحریک انصاف کی پانچ فرنچائز ہیں ہر کسی کا اپنا مؤقف ہے
-
ایران کے صدرڈاکٹرابراہیم رئیسی دورہ پاکستان مکمل کرکے واپس روانہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.