باجوڑ چیمبر بزنس کمیونٹی کے مسائل کے حل کیلئے موثر کردار ادا کرے گا،ذوالفقارعلی
خیبر پختونخوا چیمبر جس طرح صوبے کی بزنس کمیونٹی کی نمائندگی کر رہا ہے اسی طرح باجوڑ چیمبر کی رہنمائی بھی کرتا رہے گا،صدر خیبرپختونخوا چیمبر
ہفتہ 2 اپریل 2016 18:09
پشاور(اُردو پوائنٹ اخبارتازہ ترین - این این آئی۔02 اپریل۔2016ء) خیبر پختونخوا چیمبر آف کامرس اینڈ انڈسٹری کے صدر ذوالفقار علی خان نے ڈائریکٹریٹ جنرل آف ٹریڈ آرگنائزیشن کی جانب سے باجوڑ چیمبر آف کامرس اینڈ انڈسٹری کے قیام کے لئے لائسنس کے اجراء کو بزنس مین فورم کے لیڈر سینیٹر الیاس احمد بلور کی ذاتی کاوشوں کا نتیجہ قرار دیا ہے اور باجوڑ چیمبر کے صدر لالی شاہ کو خیبر پختونخوا چیمبر آف کامرس اینڈ انڈسٹری کی جانب سے ہر ممکن تعاون کا یقین دلایا ہے اور امید ظاہر کی ہے کہ باجوڑ چیمبر آف کامرس اینڈ انڈسٹری بزنس کمیونٹی کے مسائل کے حل کے لئے اپنا موثر کردار ادا کرے گا۔
تفصیلات کے مطابق باجوڑ چیمبر آف کامرس اینڈ انڈسٹری کے صدر لالی شاہ نے کابینہ کے ہمراہ گذشتہ روز خیبر پختونخوا چیمبر آف کامرس اینڈ انڈسٹری کے صدر ذوالفقار علی خان سے چیمبر ہاؤس پشاور میں ملاقات کی ۔(جاری ہے)
اس موقع پر چیمبر کے سابق صدور غضنفر بلور ٗ ریاض ارشد ٗ زاہداﷲ شنواری ٗ ملک نیاز احمد ٗ چیمبر کی ایگزیکٹو کمیٹی کے ممبر حاجی محمد افضل اور خان گل اعوان اور صدر گل سمیت صنعت و تجارت سے وابستہ ممبران بھی موجود تھے ۔
باجوڑ چیمبر کے صدر لالی شاہ نے چیمبر کے قیام اور ڈی جی ٹی او کی جانب سے لائسنس کے اجراء کے لئے اپنا موثر کردار ادا کرنے پر بزنس مین فورم کے لیڈر سینیٹر الیاس احمد بلور اور خیبر پختونخوا چیمبر آف کامرس اینڈ انڈسٹری کے صدر ذوالفقار علی خان کا شکریہ ادا کیا اور انہیں خراج تحسین پیش کیا ۔ انہوں نے کہا کہ سینیٹر الیاس احمد بلور حقیقی معنوں میں ملک بھر کی بزنس کمیونٹی کے ہر دلعزیز لیڈر ہیں اور انہی کی کاوشوں کی وجہ سے باجوڑ جیسے پسماندہ علاقے کے لئے وزارت تجارت نے چیمبر آف کامرس اینڈ انڈسٹری کے قیام کی منظوری دی اور لائسنس جاری کیا ۔ انہوں نے خیبر پختونخوا چیمبر کے صدر اور ممبران کوڈی جی ٹی او کی جانب سے باجوڑ چیمبر آف کامرس اینڈ انڈسٹری کے قیام کے لئے جاری کردہ لائسنس کی کاپی بھی پیش کی اور یقین ظاہر کیا کہ خیبر پختونخوا چیمبر آف کامرس اینڈ انڈسٹری جس طرح پورے صوبے کی بزنس کمیونٹی کی نمائندگی کر رہا ہے اسی طرح باجوڑ چیمبر کی رہنمائی بھی کرتا رہے گا ۔ خیبر پختونخوا چیمبر کے صدر ذوالفقار علی خان نے باجوڑ چیمبر آف کامرس اینڈ انڈسٹری کے صدر لالی شاہ کو لائسنس کے اجراء پر مبارکباد پیش کی اور کہا کہ خیبر پختونخوا چیمبر آف کامرس اینڈ انڈسٹری اور بزنس مین فورم کے لیڈر سینیٹر الیاس احمد بلور چیمبر کی ترقی اور باجوڑ کی بزنس کمیونٹی کو درپیش مسائل کے حل کیلئے باجوڑ چیمبر آف کامرس اینڈ انڈسٹری سے مکمل تعاون کریں گے اور اس سلسلے میں ہر ممکن سپورٹ فراہم کی جائیگی۔متعلقہ عنوان :
مزید قومی خبریں
-
چیئرمین سینیٹ سے مرکزی رہنما پاکستان پیپلز پارٹی و سابق اپوزیشن لیڈر سید خورشید احمد شاہ کی ملاقات
-
پیٹرول ڈلوا کرفرارہونے والی گاڑی پرگارڈ کی فائرنگ سے دوراہگیرخواتین زخمی
-
الیکشن کمیشن نے ضابطہ اخلاق کی خلاف ورزی پر محکمہ زراعت کے ملازم کو نوٹس جاری کر دیا
-
پتوکی، تین کس ملزمان 16سالہ لڑکی اغوا کرکے فرارپولیس نے مقدمہ درج کرلیا
-
لاہور، مال روڈ کو بغیر ہیلمٹ موٹرسائیکل سواروں کے لئے نوگو ایریا قرار دے دیا گیا
-
اے این ایف کی انسداد منشیات کارروائیاں ، 60 کلوگرام منشیات برآمد، 5 ملزمان گرفتار
-
دریائوں اور آبی ذخیروں میں پانی کی صورتحال
-
فیض آباد دھرنا لاہور سے شروع ہوا ،تمام ایجنسیوں کی متفقہ رائے تھی لاہور میں روکا تو ہلاکتیں ہونگی‘ رانا ثنا اللہ
-
فیصل آباد، تا جر کو اغوا کے بعد تشدد کر کے قتل کر د یا گیا، پولیس نے نعش قبضے میں لے کر ملزما ن کی تلا ش شروع کر دی
-
پاکستان کے تیسرے بڑے صنعتی شہر فیصل آباد میں امن وامان کی صورتحال خراب ہو گئی
-
وزیر اعلی ٰبلوچستان میر سرفراز بگٹی سے سیکرٹری ویلفیئر فنڈ منسٹری آف اوورسیز پاکستانی ذوالفقار خان کی ملاقات
-
ملک بھر میں این ایچ اے روڈ انفراسٹرکچر کو بڑھانے کے لئے پرعزم ہیں ،نئی پالیسی لائیں گے، عبدالعلیم خان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.