متحدہ کے قائد کو ایک مسخرے سے زیادہ اہمیت نہ دی جائے۔ مصطفٰی کمال
سمیرا فقیرحسین جمعہ 1 اپریل 2016 16:27
کراچی(اُردو پوائنٹ تازہ ترین اخبار۔یکم اپریل2016ء) : پاک سر زمین پارٹی کے رہنماﺅں کے ہمراہ پریس کانفرنس کرتے ہوئے مصطفٰی کمال نے کہا کہ میں ہمارا ساتھ دینے پر میر پور خاص کے لوگوں کو سلام پیش کرتا ہوں اور ان کا شکریہ ادا کرتا ہوں ۔ انہوں نے کہا کہ ایک شخص کی بات کو پوری کمیونٹی کی بات سمجھا جاتا رہا ہے ، متحدہ قائد سے متعلق پہلے کہا جاتا تھا کہ رات دس بجے کے بعد قائد ایم کیو ایم کچھ کہیں تو اسے سنجیدہ نہ لیا جائے لیکن اب دن رات کی تمیز بھی ختم ہو گئی ہے اور ہفتوں یہی سلسلہ جاری رہتا ہے۔
مصطفٰی کمال نے کہا کہ متحدہ قائد پہلے گالیاں دیتے ہیں اور پھر معافیاں مانگتے ہیں لہٰذا متحدہ قائد کو مسخرے سے زیادہ اہمیت نہ دی جائے۔ ان کا کہنا تھا کہ اللہ ایسے شخص کو جلد ی موت نہیں دیتا ۔(جاری ہے)
لیکن ہمیں کوئی خوف ، ڈر یا پچھتاوا نہیں ہے۔ ہم وہ خوش نصیب لوگ ہیں جنہیں اللہ نے عوام کی بھلائی اور فلاح کے لیئے منتخب کیا ہے، ہم یہاں جہاد کے لیے آئے ہیں نہ کہ وزیر اعظم بننے۔
انہوں نے کہا کہ مخالفین کو آٹھ دن کی پارٹی کا اتنا خوف ہے لیکن عوام کا ساتھ اور جو ش و ولولہ اتنا ہے کہ مجھے اور کچھ نہیں چاہئیے ۔انہوں نے کہا کہ پہلے وقتوں میں محض ایک شخص اکیلا نمائندہ رہا ہے جس کی تمام باتوں کو کمیونٹی کے جذبات سے منسوب کیا جاتا رہا ہے۔ انہوں نے کہا کہ ہم کامیاب ہو گئے ہیں ، اللہ ہمارا امتحان لے رہا ہے ۔ پریس کانفرنس سے خطاب میں مصطفٰی کمال کا کہنا تھا کہ جابر اور ظالم نے دو نسلیں تباہ کیں اور ابھی بھی ایسی حرکتیں کی جا رہی ہیں کہ آج کی نسل اور آنے والی نسل کے خلاف نفرتیں بوئی جا رہی ہیں۔ ان کا کہنا تھا کہ ہم سکون میں ہیں اور جس دن ہمیں موت آ گئی اس دن مسکرا کر اس موت کو قبول کر لیں گے۔لیکن ظالم اور جابر موجودہ نسل کو مارنے پر تلا ہوا ہے۔اگر برے لوگ اتنی آسانی سے مر جاتے تو فرعون اور یزید کی داستانیں نہ ہوتیں۔ اسی لیے اللہ نے اسے زندہ رکھا ہوا ہے ۔ مصطفٰی کمال نے مزید کہا کہ پاک سر زمین پارٹی کو بہت پذیرائی حاصل ہو رہی ہے، اور عوام بھی ہمارے ساتھ ہے۔ واضح رہے کہ گذشتہ رات انیس قائمخانی اور مصطفٰی کمال پر مشتعل کارکنوں نے حملہ کیا جس میں ان کی گاڑی پر انڈوں کے ساتھ ساتھ پتھر اور جوتے بھی برسائے گئے۔متعلقہ عنوان :
مزید اہم خبریں
-
ٹیکس نیٹ بڑھانے اورحکومتی ملکیتی اداروں کی نجکاری کویقینی بنائیں گے
-
دبئی میں مقیم پاکستانیوں کے لیے پاکستان قونصل خانہ دبئی کا بڑا اعلان
-
ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، پاکستانی سفیر برائے متحدہ عرب امارات
-
کمیشن نے مجھ سے بالکل نہیں پوچھا کہ دھرنے کے پیچھے فیض حمید تھے یا نہیں؟
-
وزیر خارجہ محمد اسحاق ڈار کو جمہوریہ چیک کے وزیر خارجہ کا ٹیلی فون، باہمی دلچسپی کے علاقائی اور عالمی امور پر روابط اور بات چیت کو بڑھانے پر اتفاق
-
موسم گرما کی مناسبت سے اسکولوں کے نئے اوقات کار کا اعلان
-
نوازشریف، آصف زرداری اورعمران خان اگرمل بیٹھیں تو مسائل حل ہوسکتے ہیں
-
خلیجی ممالک میں ریکارڈ توڑ بارشوں کا باعث بننے والے سسٹم نے بلوچستان پہنچ کر تباہی مچا دی
-
شاہد خاقان عباسی اچھے آدمی ہیں،انہیں پارٹی میں بیٹھ کر اپنی بات کرنی چاہیئے
-
وفاقی وزیر نجکاری سے ترک سفیر کی ملاقات، ملکی وعالمی صورتحال پر تبادلہ خیال
-
وزیرخزانہ کی مشرق وسطی و شمالی افریقہ کے وزراء و گورنرز کی ایم ڈی آئی ایم ایف سے ملاقات میں شرکت
-
صدر مملکت سے ترک سفیر کی ملاقات، دو طرفہ تعاون مزید بڑھانے پر زور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.