فاروق ستار پر 7 خون معاف ہیں،ان کی کسی بات کا کوئی جواب نہیں دونگا،فاروق کے ساتھ جو کچھ ہونا تھا وہ الطاف حسین نے کردیا ہے، مربوط منصوبے کے ساتھ عوام کو یکجا کرنے کیلئے آئے ہیں

پاک سرزمین پارٹی کے رہنما مصطفی کمال کی میڈیا سے بات چیت

جمعرات 31 مارچ 2016 21:44

کراچی(اُردو پوائنٹ اخبارتازہ ترین - آئی این پی۔31 مارچ۔2016ء) پاک سرزمین پارٹی کے رہنما مصطفیٰ کمال نے کہاہے کہ فاروق ستار معصوم اور مظلوم انسان ہیں اس لیے ان کو 7 خون معاف ہیں،فاروق ستار کی جانب سے کی جانے والی کسی بات کا کوئی جواب نہیں دیں گے،ان کے ساتھ جو کچھ ہونا تھا ، وہ الطاف حسین نے کردیا ہے۔ وہ جمعرات کو میر پور خاص میں پاک سر زمین پارٹی کے دفتر کے افتتاح کے لیے روانگی سے قبل کراچی میں میڈیا سے بات چیت کررہے تھے۔

مصطفی کمال نے کہا ہے کہ وہ فاروق ستار کی جانب سے کی جانے والی کسی بات کا کوئی جواب نہیں دیں گے،ان کے ساتھ جو کچھ ہونا تھا ، وہ الطاف حسین نے کردیا ہے اور جو کچھ ان کے ساتھ صبح شام ہوتا ہے اس کی وجہ سے ہی وہ فاروق ستار کو مظلوم اور معصوم کہتے ہیں ، وہ آج بھی ہمارے بھائی ہیں، ان کو 7 خون بھی معاف ہیں، وہ ان کے بارے میں کوئی بھی بات کرکے ان پر بوجھ نہیں بڑھانا چاہتے۔

(جاری ہے)

مصطفیٰ کمال نے کہ ہم ایک مربوط منصوبے کے ساتھ عوام کو یکجا کرنے کے لئے پاکستان آئے ہیں۔ پاکستان میں آنے کا مقصد سیاست کرنا ہے کرکٹ کھیلنے نہیں آئے جو روز وکٹیں گرانے کی بات کی جائے، ہمیں اب مستقبل کا سوچنا ہے۔ ہمارے ساتھ چلنے والے افراد دشمن کو گلے لگائیں۔ لوگ ہماری بات کو سمجھ رہے ہیں اور ہمیں دنیا بھر سے ٹیلیفون کالز آرہی ہیں،عنقریب پاکستان کی ہر گلی میں ہمارے دفاتر ہوں گے۔

Facebook Twitter Google + Share on Whatsapp

پاک سرزمین پارٹی کے رہنما مصطفی کمال کی میڈیا سے بات چیت

متعلقہ عنوان :

مزید اہم خبریں