اسلامی تعلیمات امن ،سلامتی، ترقی اور اور استحکام کی ضامن ہیں،ہمارا عقیدہ کسی قسم کے انتشار کی اجازت دیتا ہے اور نہ ہماری ریاست کسی کو تخریبی سرگرمیوں کی اجازت دے سکتی ہے،
صدر مملکت ممنون حسین کا ایئر یونیورسٹی کے پانچویں کانووکیشن سے خطاب
جمعرات 31 مارچ 2016 15:05
اسلام آباد(اُردو پوائنٹ اخبارتازہ ترین - آئی این پی۔31 مارچ۔2016ء) صدر مملکت ممنون حسین نے کہا ہے کہ اسلامی تعلیمات امن ،سلامتی، ترقی اور اور استحکام کی ضامن ہیں،ہمارا عقیدہ کسی قسم کے انتشار کی اجازت دیتا ہے اور نہ ہماری ریاست کسی کو تخریبی سرگرمیوں کی اجازت دے سکتی ہے، گزشتہ چند دہائیوں کے دوران عالمی نظام بہت حد تک تبدیل ہو گیا ہے جس کے سبب سیاست پر معیشت غالب آچکی ہے تبدیلی کے اس عمل سے قوموں کی ترجیحات بھی تبدیل ہو گئی ہیں،نئے دور کے تقاضوں کے مطابق ہم چاہتے ہیں کہ ہمارے نئی نسل تعلیم، اقتصادیات اور دفاع سمیت زندگی کے ہر شعبے میں کسی کا دست نگر بننے کے بجائے اپنے عہد کی رہنمائی کی صلاحیت اپنے اندر پیدا کرے۔
وہ ایئر یونیورسٹی کے پانچویں کانووکیشن سے خطاب کررہے تھے ۔(جاری ہے)
اس موقع پر ایئر یونیورسٹی کے چانسلر و چیئرمین ہائر ایجوکیشن کمیشن ڈاکٹر مختار احمد اور بورڈ آف گورنرز کے چیئرمین ایئر چیف مارشل سہیل امان بھی موجود تھے۔ صدر مملکت نے اس موقع پر فارغ التحصیل طلبہ میں اعزازات اور ڈگریاں بھی تقسیم کیں۔ اس مقصد کے لیے قومی معیشت کا استحکام ناگزیر ہے۔
ہم یہ مقصد پاکستان میں کاروباری سرگرمیوں کے فروغ کے ذریعے حاصل کرسکتے ہیں۔ اس معاملے میں اقتصادی راہداری ہماری معاونت کرے گی۔ صدر مملکت نے کہا کہ پاک چین اقتصادی راہداری کے ثمرات سے پوری طرح فائدہ اٹھانے کے لیے ضروری ہے کہ پاکستان کو ہر لحاظ سے مضبوط اورمحفوظ بنا دیا جائے۔ اس مقصد کے لیے نیشنل ایکشن پلان کے تحت دہشت گردی کے خلاف کارروائی جاری ہے جس میں کامیابی کے لیے قوم کو یکجان ہوکر اپنی حکومت اور اداروں کا ساتھ دینا چاہئے۔ صدر مملکت نے کہا کہ پاکستانی معاشرے کے ہر طبقے کو یہ بات جان لینی چاہئے کہ غلط طریقے سے کوئی درست کام نہیں ہوسکتا۔ اس لیے اعلی مقاصد کے لیے ہمیشہ درست راستہ اختیار کرنا چاہئے اور یہ سمجھ لینا چاہئے کہ تشدد سے کوئی مقصد حاصل نہیں ہو سکتا۔ صدر مملکت نے کہا کہ گزشتہ چند دہائیوں کے دوران ملک کے ساتھ بہت ظلم کیا گیا اور قائد اعظم نے ملک کی ترقی کے لیے جو راستہ منتخب کیا تھا اسے گم کردیا گیا جس کے نتیجے میں ملک ترقی نہ کرسکا اور بدعنوانی اور بدانتظامی کو فروغ ملا۔ صدر مملکت نے کہا کہ ۱۹۹۹ ء میں پاکستان پر تین ہزار ارب قرضہ تھا جب ۲۰۱۴ ء میں نئی حکومت بنی تو اس قرضے کی مالیت چودہ ہزار آٹھ سو ارب روپے ہو چکی تھی۔ صدر مملکت نے کہا کہ جب کالا باغ ڈیم متنازع ہو گیا تھا تو کیوں ماضی کے حکمرانوں نے دوسرے آبی ذخیروں کی تعمیر پر کام نہیں کیا حالانکہ دیامر بھاشا ڈیم اور داسو ڈیموں کی فزیبیلٹلی پر بھی کام ہو چکا تھا۔انھوں نے کہا کہ مجھے اطمینان ہے کہ موجودہ حکومت کے دور میں ہر شعبے میں ترقی کی رفتار تیز ہو گئی ہے۔ انھوں نے کہا کہ ایل این جی کی درآمد اچھا اقدام ہے اور اس سے بہت سے مسائل حل ہوں گے۔ انھوں نے کہا کہ ایل این جی کی قیمت خرید پر تنقید کی جاتی ہے لیکن میں آپ کو یقین دلاتا ہوں کہ اس سے کم قیمت پر ایل این جی کی خریداری ممکن نہیں تھی جس کی تصدیق عالمی اداروں کی رپورٹوں سے بھی ہوتی ہے۔ انھوں نے کہا کہ غیر ضروری تنقید کرنے والے اللہ سے ڈریں اور ملک کو درست راستے پر چلنے دیں۔ انھوں نے واضح کیا کہ اقتصادی راہداری کے روٹ میں ایک انچ کی تبدیلی نہیں کی گئی۔ صدر مملکت نے نوجوانوں کو نصیحت کی کہ وہ اپنی تعلیم پر بھرپور توجہ دیں خاص طور بچیاں کسی رکاوٹ کے بغیر علم حاصل کریں۔ تعلیمی سفر کے دوران اگر انہیں بیرون ملک بھی جانا پڑے تو اس سے بھی گریز نہ کریں لیکن یہ خیال رکھیں کہ وہ اسلامی جمہوریہ پاکستان کی بیٹیاں ہیں اس لیے وہ اپنی دینی اور ثقافتی شناخت پر کبھی آنچ نہ آنے دیں۔اس موقع پر ائیر یونیورسٹی کے بورڈ آف گورنرز کے چئیرمین ائیر چیف مارشل سہیل امان نے صدر مملکت کو یاد گاری شیلڈ بھی پیش کی۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.