دبئی کے کوڑا دان اسپیڈ ریڈار نے نئی بحث چھیڑ دی
سمیرا فقیرحسین جمعرات 31 مارچ 2016 12:58
دبئی (اُردو پوائنٹ تازہ ترین اخبار۔31مارچ 2016ء): دبئی نے اوور اسپیڈ گاڑیوں اور دوران ڈرائیونگ موبائل فون استعمال کرنے والے ڈرائیورز کا پتہ لگانے کے لیئے کوڑا دان اسپیڈ ریڈارز متعارف کروائے جو بظاہر کوڑا دان معلوم ہوتے ہیں لیکن سڑک پر اوور اسپیڈ گاڑیاں پر خاصی نظر رکھتے ہیں۔ یہ کوڑا دان سڑک پر مقررہ حد رفتار کی خلاف ورزی کرنے والی قریباً 35 ہزار گاڑیوں کو ریکارڈ کر تا ہے۔
محض ایک اسپیڈ ریڈار ،جو کہ بظاہر ایک کوڑا دان معلوم ہوتا ہے، نے دبئی کی انٹرنیشنل سڑکوں پر گذشتہ دو ماہ کے دوران 35 ہزار کے قریب خلاف ورزیوں کی نشاندہی کی ہے۔ اس ریڈارز کی بدولت سوشل میڈیا پر ایک نئی بحث چھڑ گئی ہے جہاں صارفین متواتر خلاف ورزیوں کے چالان موصول ہونے کی شکایات کر رہے ہیں۔(جاری ہے)
دبئی پولیس آپریشن کے اسسٹنٹ کمانڈر ان چیف میجر جنرل محمد سیف نے بتایا کہ مذکورہ ریڈار 60 کلو میٹر فی گھنٹہ کی مقرر کردہ رفتار کی سڑک پر 90 کلو میٹر فی گھنٹہ یا اس سے زائد اسپیڈ سے آنے جانے والی گاڑیوں کی نشاندہی کرتا ہے۔
انہوں نے کہا کہ مقرر کردہ رفتار سے پچاس فیصد زائد رفتار پر گاڑی چلانے کا کوئی جواز نہیں ہے۔ محکمہ ٹریفک کے قائم مقام ڈائریکٹر کرنل جمال کا کہنا ہے کہ حال ہی میں یہ ریڈار دبئی العین روڈ اور شیخ زاید روڈ پر رکھے گئے ہیں۔ اس کی ساخت اور ہئیت کے حوالے سے کرنل جمال کا کہنا تھا کہ ریڈار کا سائز اور اس کی ساخت کوئی وقعت نہیں رکھتی، اس کا مقصد محض ڈارئیورز کو سڑک پر مقرر کی گئی رفتار کا پابند کرنا ہے۔ انہوں نے کہا کچھ افراد یہ سوچتے ہیں کہ وہ ریڈار کے سامنے مقرر کردہ اسپیڈ پر آ کر دھوکہ دہی کر سکتے ہیں لیکن یہ ریڈارز گاڑیوں کی اسپیڈ کو 150 کلو میٹر کے فاصلے ہی سے مانیٹر کر لیتا ہے۔ اسی دوران سوشل میڈیا پر بھی لوگ اس ریڈار کی جانب سے جرمانہ کیے جانے کی باتیں کر رہے ہیں۔ ایک سوشل میڈیا صارف نے بتایا کہ اسے 820 درہم کا جرمانہ کیا گیا ہے، جبکہ ایک اور شہری کا کہنا تھا کہ مجھے بھی جرمانہ کیا گیا ہے لیکن میرے خیال سے میں نے اسپیڈ کی کوئی خلاف ورزی نہیں کی۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.