وزیر محنت راجہ اشفا ق سرور کا چائلڈ لیبر کی چیکنگ کیلئے راجہ جنگ اور کمہاراں والی میں مختلف بھٹہ خشت کا اچانک دورہ
منگل 29 مارچ 2016 17:38
لاہور۔(اُردو پوائنٹ اخبارتازہ ترین - اے پی پی۔29 مارچ۔2016ء)صوبائی وزیر محنت و انسانی وسائل راجہ اشفاق سرور نے کہا کہ صوبہ بھر کے بھٹہ خشت سے چائلڈ لیبر کا خاتمہ ہر صورت یقینی بنائیں گے،بھٹہ مالکان اور مزدور چائلڈ لیبر خاتمہ مہم میں ساتھ دیں۔14 سال سے کم عمر بچوں کی مشقت کا خاتمہ اورسکولوں میں داخلہ حکومت پنجاب کا ویژن ہے۔چائلڈ لیبر آرڈنینس پر عملدرآمد اوربھٹہ مزدور بچوں کی سکول داخلہ مہم کو کامیاب بنانے کیلئے تمام وسائل بروئے کار لارہے ہیں۔
انہوں نے یہ بات قصورمیں راجہ جنگ اور کمہاراں والی کے مقام پرچائلڈ لیبر آرڈنینس پر عملدرآمد کی چیکنگ کیلئے اینٹوں کے مختلف بھٹوں کے اچانک معائنے کے موقع پر کہی۔اسسٹنٹ کمشنر قصور شاہ رخ نیازی، ڈی ایس پی صدر مرزا عارف رشید ، ڈسڑکٹ لیبر آفیسرقصور محمد ارشد تارڑ اور ضلع انتظامیہ کے دیگر اعلیٰ افسران ان کے ہمراہ تھے۔(جاری ہے)
وزیرمحنت راجہ اشفاق سرور نے رضوان برکس ، تراب برکس اور بابر برکس کے معائنہ کے دوران وہاں چائلڈ لیبر آرڈیننس پر عملدرآمد اور بھٹہ مزدوروں کے 14سال سے کم عمر تمام بچوں کی مقامی سکولوں میں انرولمنٹ پر اطمینان کا اظہار کیا۔
معائنے کے دوران کسی بھی بھٹے پر چائلڈ لیبر نہیں پائی گئی۔ انہوں نے بھٹہ مزدوروں کو یقین دلایا کے نادرا پنجاب کے تعاون سے محکمہ لیبر جلد ہی ان کے شناختی کارڈز کے اجراء کے لیے مہم جلد شروع کررہاہے۔ انہوں نے ضلع قصور کی انتظامیہ اور پولیس افسران کو ہدایت کی کہ صرف وزیراعلیٰ محمد شہبازشریف کی تشکیل کردہ انسپکشن ٹیمیں ہی بھٹوں کا معائنہ کریں اور نچلی سطح پر پولیس ملازمین بھٹہ مالکان کو بلاوجہ ہراساں نہ کریں ۔ انہوں نے اے سی اور ڈی ایس پی قصور کو ہدایت کی کہ وہ خود باقاعدگی سے بھٹہ خشت کا دور کریں۔ راجہ اشفاق سرور نے بھٹہ مزدوروں ، مالکان، اور منیجر کو تنبیہ کی کہ وہ بھٹوں پر بچوں کو کسی صورت موجود نہ رہنے دیں اور انہیں سکول بھیجیں۔وزیر محنت نے موقع پر موجود بھٹہ مزدور الدین کو یقین دلایاکہ وزیراعلیٰ محمد شہبازشریف کے خصوصی تعلیمی پیکیج کے تحت نئے تعلیمی سیشن سے ان کے سکول داخل ہونے والے بچوں کو مفت کتابیں، سٹیشنری، یونیفارم ، جوتوں اور وظائف کی فراہمی شروع کردی جائے گی۔مزید قومی خبریں
-
بیرون ملک تعلیم کے نام پر طلبہ سے فراڈ والے گینگ کا اہم رکن گرفتار
-
خیبرپختونخوا حکومت کا گاڑیوں پر روڈ یوزر چارج بل 2024 بہت جلد منظوری کیلئے پیش کیا جائے گا، مشیر خزانہ خیبرپختونخوا مزمل اسلم
-
چئیرمین سینٹ سید یوسف رضا گیلانی سے جنوبی پنجاب سیکریٹریٹ میں سابق وزیر خارجہ جلیل عباس جیلانی اور وفود کی ملاقاتیں
-
اسلام آباد، ڈرائیونگ لائسنس کی فیس میں 25فیصد اضافہ
-
پاکستان بیورو برائے شماریات کی ہفتہ وار رپورٹ جاری ،قیمتوں میں ہفتہ وار بنیادوں پر 1.39 فیصد کی نمایاں کمی
-
ڈیرہ اسماعیل خان پولیس کی کارروائی،ڈاکو گرفتار ، چھینی گئی رقم 6 لاکھ روپے برآمد
-
کامن ویلتھ یوتھ سیکرٹریٹ پاکستان میں بننے سے نوجوانوں کو 56ممالک تک رسائی ہو گی، رانا مشہود احمد
-
عدالت کا سیل کردہ تندور ڈی سیل اور گرفتارلوگوں کو رہا کرنے کا حکم
-
سپریم کورٹ،نیب ترامیم فیصلے کیخلاف اپیلوں پر سماعت کیلیے لارجربینچ تشکیل،سماعت 14مئی کوہوگی
-
اسلام آبادجیل تعمیر کا پہلا مرحلہ ریکارڈ 6 ماہ کی مدت میں مکمل کیا جائے گا،وفاقی وزیر داخلہ
-
وزیراعلیٰ پنجاب نے طلبہ کیلئے لیپ ٹاپ سکیم کی منظوری دیدی
-
شمالی وزیرستان، لڑکیوں کے نجی اسکول کو دھماکے سے اڑا دیا گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.