احتساب عدالت نے ڈی ایچ اے فراڈ کیس میں ملوث 2 ملزموں کو جوڈیشنل ریمانڈ پر جیل بجھوا دیا

Zeeshan Haider ذیشان حیدر ہفتہ 26 مارچ 2016 19:32

لاہور(اُردو پوائنٹ اخبارتازہ ترین۔26 مارچ۔2016ء ) لاہور کی احتساب عدالت نے ڈی ایچ اے فراڈ کیس میں ملوث 2 ملزموں کو جوڈیشنل ریمانڈ پر جیل بجھوا دیا۔احتساب عدالت میں نیب حکام نے دونوں ملزمان کو پیش کر کے مؤقف اختیار کیا کہ ملزم حماد ارشد اور بریگیڈیئر خالد نذیر بٹ نے ڈی ایچ اے اراضی اسکینڈل میں 16 ارب روپے کی کرپشن کی۔ ملزمان نے شہید ہونے والے فوجیوں کے لواحقین سمیت 26 ہزار شہریوں کے ساتھ فراڈ کیا۔

(جاری ہے)

ملزمان سے تفتیش کا سلسلہ جاری ہے، لہٰذا ملزمان کے جسمانی ریمانڈ میں 14 روز کی مزید توسیع کی جائے۔ملزمان کے وکلاء نے بتایا کہ الزامات جھوٹے اور بے بنیاد ہیں، انہیں انتقامی کارروائی کا نشانہ بنایا جا رہا ہے، لہٰذا جسمانی ریمانڈ میں توسیع کی درخواست مسترد کی جائے۔ عدالت نے دونوں جانب سے دلائل سننے کے بعد فیصلہ سناتے ہوئے ملزمان کا مزید جسمانی ریمانڈ دینے کی درخواست مسترد کرتے ہوئے ان کو 14 روز کے لئے جوڈیشنل ریمانڈ پر کوٹ لکھپت جیل بجھوا دیا۔

متعلقہ عنوان :