ایمپریس مارکیٹ اور لکی اسٹار تاریخی مقامات ہیں، انہیں پہلے جیسا بنائیں گے، صدر میں شٹل سروس چلائی جائے گی۔ گورنر سندھ
ہفتہ 26 مارچ 2016 18:43
کراچی ۔ 26 مارچ (اُردو پوائنٹ اخبارتازہ ترین - اے پی پی۔26 مارچ۔2016ء) گورنر سندھ ڈاکٹر عشرت العباد خان نے کہا ہے کہ ایمپریس مارکیٹ اور لکی اسٹار تاریخی مقامات ہیں، انہیں پہلے جیسا بنائیں گے، ترقیاتی کاموں سے صدر اور اس کے اطراف میں ٹریفک کی روانی میں بہتری آئے گی، صدر میں شٹل سروس بھی چلائی جائے گی۔ ہفتہ کو جاری کردہ اعلامیہ کے مطابق ان خیالات کا اظہار انہوں نے ایمپریس مارکیٹ تزئین و آرائش منصوبہ کے جائزہ لینے کے بعد لکی اسٹار پر گفتگو کرتے ہوئے کیا۔
اس موقع پر صوبائی وزیر بلدیات جام خان شورو، کمشنر کراچی آصف حیدر شاہ، ایڈمنسٹریٹر کراچی روشن شیخ، ایم ڈی واٹر بورڈ مصباح الدین فرید سمیت دیگر اعلیٰ حکام بھی موجود تھے۔ گورنر سندھ اپنے جائزہ دورے کے دوران پہلے لکی اسٹار گئے جہاں انہوں نے جاری ترقیاتی کاموں کا جائزہ لیا۔(جاری ہے)
اس موقع پر انہیں تفصیلی بریفنگ بھی دی گئی۔ گورنر سندھ نے متعلقہ حکام کو ہدایت کی کہ ترقیاتی کاموں کو بروقت مکمل کیا جائے۔
انہوں نے داؤد پوتہ روڈ پر جاری کاموں کا بھی جائزہ لیا اور کام کی رفتار کو مزید تیز کرنے کی ہدایت دی۔ اس موقع پر گورنر سندھ نے کہا کہ علاقہ کی مارکیٹوں میں شاپنگ کے لئے آنے والے افراد کی سہولت کے لئے شٹل سروس بھی شروع کی جائے گی جبکہ منصوبے کا مقصد ایمپریس مارکیٹ اور اس کے اطراف کے علاقوں کو اس کی اصل شکل میں بحال کرنا ہے تاکہ اس تاریخی عمار ت اور اس سے ملحقہ علاقہ کو محفوظ رکھا جا سکے۔ انہوں نے کہا کہ علاقہ کے فراہمی و نکاسی آب کے نظام کو بھی بہتر بنانے کی ہدایت کی گئی ہے تاکہ سیوریج کا پانی سڑکوں پر نہ آئے۔ واضح رہے کہ ا یمپریس مارکیٹ اور اس کے اطراف کے علاقہ کو خوبصورت بنانے اور انہیں ٹریفک کے لئے بند کرکے پیدل چلنے والوں کا علاقہ بنانے کا پہلا مرحلہ اس سال جولائی تک مکمل کر لیا جائے گا جس پر 158 ملین روپے لاگت آئے گی۔مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.