پاکستان کی جانب سے جوہری مواد کی حفاظت کے لیے ترمیمی قرار داد کی توثیق کا فیصلہ خوش آئند ہے:امریکا

میاں محمد ندیم ہفتہ 26 مارچ 2016 11:54

واشنگٹن (ا ردو پوائنٹ اخبارتازہ ترین-انٹرنیشنل پریس ایجنسی۔26مارچ۔2016ء) امریکا نے پاکستان کے جوہری مواد کی حفاظت کے حوالے سے ترمیمی قرار داد کی توثیق کے فیصلے کو خوش آئند قرار دیا ہے۔امریکی دفتر خارجہ کے ترجمان مارک ٹونر کا ایک بریفنگ میں کا کہنا تھا کہ امریکا پاکستان کے 21 مارچ کو کئے گئے اعلان کو خوش آئند سمجھتاہے، جس میں 2005 میں ہونے والے کنونشن میں جوہری موادکی طبعی حفاظت کے فیصلے کی توثیق کی گئی ہے۔

(جاری ہے)

ان کا کہنا تھاکہ اس طرح کے اقدامات سے اگلے ہفتے ہونے والی جوہری حفاظتی کانفرنس کامیاب ہوسکتی ہے۔ ایک سوال کے جواب میں ان کا کہنا تھا،اگر پاکستان ایٹمی توانائی کی بین الاقوامی تنظیم کے ساتھ کاغذی کارروائی مکمل کرلے تو صرف8 مزید ممالک سے اس کی توثیق کرانا ہوگی جس سے یہ قرار دادعملی طور پر اپنا کام شروع کردے گی۔ایٹمی توانائی کی بین الاقوامی تنظیم میں پاکستا ن کی مستقل سفیر عائشہ ریاض نے IAEAکے ڈائریکٹر کو توثیقی کاغذات جمع کراتے ہوئے کہا کہ اس قرار داد کی توثیق اس بات کا ثبوت ہے کہ پاکستان ایک ذمہ دارایٹمی ریاست ہے، جس نے بین الاقوامی معیار کے مطابق اپنے ایٹمی اثاثوں کی حفاظت کو یقینی بنایا ہے۔

Facebook Twitter Google + Share on Whatsapp

پاکستان کی جانب سے جوہری مواد کی حفاظت کے لیے ترمیمی قرار داد کی توثیق کا فیصلہ خوش آئند ہے:امریکا

متعلقہ عنوان :

مزید اہم خبریں