بلاول بھٹو زرداری نے اقلیتوں کے حوالے سے آواز بلند کرکے قائداعظم کے فلسفہ کی یاددہانی کرائی ہے،ڈاکٹرنفیسہ شاہ
جمعہ 25 مارچ 2016 20:03
اسلام آباد(اُردو پوائنٹ اخبارتازہ ترین - این این آئی۔25 مارچ۔2016ء) پاکستان پیپلزپارٹی کی انسانی حقوق سیل کی کوآرڈینیٹر اور رکن قومی اسمبلی ڈاکٹر نفیسہ شاہ نے کہا ہے کہ پارٹی کے چیئرمین بلاول بھٹو زرداری نے اقلیتوں کے حوالے سے آواز بلند کرکے بانی پاکستان قائداعظم محمد علی جناح کے فلسفہ کی یاددہانی کرائی ہے۔ اپنے ایک بیان میں انہوں نے کہا کہ جن لوگوں کو چیئرمین بلاول بھٹو زرداری سے اختلاف ہے انہیں یہ یاد تک نہیں کہ قائداعظم کے ساتھی کون تھے اور کس کس نے قائداعظم کا ساتھ دیا تھا۔
انہوں نے کہا کہ پاکستان پیپلزپارٹی کے بانی قائدعوام ذوالفقار علی بھٹو نے اقلیتوں کو برابر کے حقوق دینے کی بنیاد رکھی۔ افسوس کہ آمرانہ ادوار میں اقلیتوں کے حقوق سلب کر دئیے گئے۔(جاری ہے)
ڈاکٹر نفیسہ شاہ نے کہا کہ سب کا ایک پاکستان اس وقت بن سکتا ہے جب چیئرمین بلاول بھٹو زرداری کے نقطہ نظر پر عمل کیا جائے۔انہوں نے کہا کہ قوم کو کسی آمر کا پاکستان نہیں محترمہ بینظیر بھٹو شہید کا پاکستان چاہیے جہاں ریاستی امور اور ہر شعبہ میں اقلیتوں کی بھرپور نمائندگی۔
انہوں نے کہا کہ محترمہ بینظیر بھٹو شہید نے ہمیشہ اقلیتوں کے ساتھ ہونے والے غیرمنصفانہ سلوک کے خلاف آواز بلند کی۔ انہوں نے کہا کہ سندھ میں ہولی کے تہوار پر عام تعطیل کرکے ثابت کر دیا ہے کہ سندھ سب کا ہے اور سندھ کا ہر باسی مساوی حقوق رکھتا ہے۔ انہوں نے کہا کہ چیئرمین بلاول بھٹو زرداری کی ہدایت پر جلد از جلد زبردستی مذہب تبدیل کرنے کے خلاف قانون سازی کی جائے گی تاکہ سندھ کے کسی بھی فرد کے ساتھ ناانصافی نہ ہو۔متعلقہ عنوان :
مزید اہم خبریں
-
دیامر بھاشا ڈیم کی تعمیر میں تاخیر کا خدشہ پیدا ہو گیا
-
رواں سال پاکستان کی معاشی ترقی 2 فیصد رہنے کا امکان ہے
-
آئندہ مالی سال میں پاکستان کو بیرونی فنانسنگ کیلئے 23 ارب ڈالرز کا تخمینہ لگا لیا گیا
-
جنرل اسمبلی: فلسطینی مبصر ریاست کے حقوق بڑھانے کی قرارداد بھاری اکثریت سے منظور
-
تھیلیسیمیا کا علاج اب جین تھیراپی سے ممکن
-
پنجاب حکومت نے تندوروں پر روٹی کی قیمت میں مزید کمی کا اعلان کردیا
-
عوامی سیاسی جماعت کو ”انتشاری گروہ“ کہہ کر ”معافی“ کا مطالبہ متفقہ طور پر مسترد کرتے ہیں
-
رفح سے انخلاء کے دوران یو این کا مزید امدادی راہداریاں کھولنے کا مطالبہ
-
9 مئی کے تمام قیدی اور قیدی نمبر804 اور بشریٰ بی بی پر کیسزختم کئے جائیں
-
خیبر پختونخوا کے نوجوانوں کو ہنر مند بنانے کا یورپی منصوبہ
-
جماعت اسلامی ری الیکشن نہیں چاہتی، فارم 45 پرانتخابی نتائج کی تشکیل ہمارا مطالبہ ہے
-
روزمرہ کی زندگی میں جدوجہد کرتی افغان خواتین
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.