بھارت کے قابض اور غاصب حکمران تحریک تکمیل پاکستان کا راستہ نہیں روک سکتے‘وزیراعظم آزاد کشمیر
جمعہ 25 مارچ 2016 14:37
میرپور(اُردو پوائنٹ اخبارتازہ ترین - این این آئی۔25 مارچ۔2016ء) وزیر اعظم آزادحکومت ریاست جموں وکشمیرچوہدری عبدالمجیدنے کہاہے کہ مقبوضہ کشمیرکے حریت پسند عوام کی تحریک تکمیل پاکستان کی جدوجہد کا میابیوں سے ہمکنار ہوکررہے گی۔ بھارت کے قابض اور غاصب حکمران تحریک تکمیل پاکستان کا راستہ نہیں روک سکتے۔ حریت پسند عوام نے مقبوضہ کشمیرمیں پاکستانی پرچم لہرادیا۔
اب سرینگر کے ہرگلی کوچے میں پاکستانی پرچم لہرائیں گے۔ وزیراعظم نے کہاکہ مقبوضہ کشمیرکے عوام بھارت سنگینیوں تلے پاکستانی پرچم لہرارہے ہیں اور پاکستان زندہ باد کے نعرے لگارہے ہیں۔ وزیراعظم نے کہاکہ پاکستان اہل کشمیر کی منزل ہی نہیں اہل کشمیر کے عقیدے اور نظریے کا حصہ ہے۔ کشمیری عوام پاکستانیت پرکبھی کمپرومائز نہیں کرسکتے۔(جاری ہے)
پاکستان کے استحکام اور خوشحالی کے لیے اہل کشمیرقربانیاں دے رہے ہیں۔
پاکستان کے لیے اہل کشمیرکسی قربانی سے دریغ نہیں کریں گے۔ تحریک آزادی کے بیس کیمپ کی حکومت اور عوام مقبوضہ کشمیرکے عوام کے شانہ بشانہ کھڑے ہیں۔ ہم کشمیری شہداء کے مقدس لہوکورائیگاں نہیں جانے دیں گے۔ وزیراعظم نے کہاکہ مقبوضہ کشمیرکے حریت پسند عوام کی تاریخ ساز قربانیوں نے کشمیرایشوکودنیاکافلیش پوائنٹ بنادیاہے۔ اقوام متحدہ سمیت عالمی برادری کشمیریوں کوبھارت کے غاصبانہ تسلط سے آزادی دلوائے۔ بھارت نے مقبوضہ کشمیرکوملٹری کیمپ میں تبدیل کررکھاہے اور بھارت کی پیراملٹری فورسز کالے قوانین کے ذریعے کشمیریوں کی نسل کشی کررہی ہیں۔ مہذب دنیامقبوضہ کشمیرمیں قابض بھارتی فورسز کے ہاتھوں کشمیریوں کی نسل کشی بند کروائے اور بھارت کوطاقت کے استعمال سے باز رکھے۔ مختلف وفو د سے بات چیت کرتے ہوئے وزیراعظم نے کہاکہ آزاد کشمیرحکومت انتخابات کومنصفانہ ، آزادانہ بنانے کے لیے اپنی ذمہ داریاں پوری کرے گی۔ انتخابات پرامن ماحول میں منعقد ہوں گے۔ پیپلزپارٹی یہ انتخابات کلین سویپ کرے گی۔ آزاد کشمیرکے باشعور عوام نے اپوزیشن کی منفی سیاست کومسترد کررکھاہے۔ اقتدارکے خواب دیکھنے والوں کے تمام منصوبے ناکام ہو نگے ۔ عوام پیپلزپارٹی کے ساتھ ہیں ہم عوامی حقوق کابھرپوتحفظ کریں گے۔ عوام کے حقوق پرکبھی کمپرومائز نہیں کریں گے۔ ریاستی تشخص پامال نہیں ہونے دیں گے۔ انتخابات کوہائی جیک کرنے والوں کے عزائم کامیاب نہیں ہوں گے۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.