ماسکو ایئرپورٹ پر محصور کراچی کے تعلق رکھنے والے 48 تاجر دبئی کے راستے کراچی پہنچ گئے
ٹریول ایجنٹ کی غفلت کی وجہ سے ہمیں یہ وقت دیکھنا پڑا ،ٹریول ایجنٹ کاجو نمائندہ ہمارے ساتھ تھا اس کو روسی زبان نہیں آتی تھی ،میڈیا سے بات چیت
جمعہ 25 مارچ 2016 12:27
کراچی(اُردو پوائنٹ اخبارتازہ ترین - این این آئی۔25 مارچ۔2016ء) ماسکو ایئرپورٹ پر محصور کراچی کے تعلق رکھنے والے 48 تاجر دبئی کے راستے کراچی پہنچ گئے ہیں۔ کاروباری سرگرمیوں کے لئے روس جانے والے تاجروں کے وفد کا وطن واپسی کا سلسلہ شروع ہو گیا۔ تاجروں کا کہنا ہے کہ ٹریول ایجنٹ کی غفلت کی وجہ سے ہمیں یہ وقت دیکھنا پڑا۔تفصیلات کے مطابق روس کے دارالحکومت ماسکو میں پھنسے84 میں سے 48 پاکستانی براستہ دبئی ایمریٹس ائیرلائن کی پرواز ای کے 604کے ذریعے کراچی پہنچ گئے۔
کراچی ایئرپورٹ پر ایف آئی اے حکام نے تاجروں کے پاسپورٹ چیک کرنے کے بعد ان کوگھرجانے کی اجازت دی۔ائیرپورٹ پہنچے والے پاکستانیوں کا ان کے اہلخانہ نے استقبال کیا۔ مسافروں کے اہل خانہ نے دعویٰ کیاہے کہ انہیں حکومت کی طرف سے کسی قسم کی سپورٹ نہیں کی گئی۔(جاری ہے)
میڈیا سے بات چیت میں تاجروں نے کہاکہ ان کی واپسی میں وزیراعظم نوازشریف اور میڈیا نے اہم کردار ادا کیا ہے جس پر ہم ان کے شکر گزار ہیں۔
انہوں نے کہاکہ ماسکوایئرپورٹ پر حکام نے کاغذات دیکھے اور آنے والوں سے تفتیش کی اور مختلف سوالات پوچھے۔ تاجروں نے بتایا کہ ٹریول ایجنٹ کی غفلت کی وجہ سے ہمیں یہ وقت دیکھنا پڑا کیونکہ ٹریول ایجنٹ کا جو نمائندہ ہمارے ساتھ تھا اس کو روسی زبان نہیں آتی تھی ۔ انہوں نے بتایاکہ سالانہ کنونشن میں شرکت کے لئے ماسکو گئے تھے ۔ مگر ہمارے ساتھ وہاں ایسا سلوک کیا گیا کہ جیسے ہم دہشت گرد ہوں ۔ ہم لوگوں کو دو دو چار چار کی تعداد میں مختلف کمروں میں محدود کر دیا گیا تھا ۔ تاجروں نے حکومت سے مطالبہ کیا کہ وہ معاملے کی شفاف انکوائری کرائے ۔ذرائع کے مطابق ایک پاکستانی کی طبعیت خراب ہونے کی وجہ سے دیگر دو پاکستانی بھی ماسکو میں رک گئے وہ بھی بہت جلد وطن واپس پہنچیں گے۔واضح رہے کہ کراچی سے ماسکو جانے والے 150 تاجروں کو انتظامیہ نے ماسکو ائیرپورٹ پر روک لیا تھا۔ محصور پاکستانی تاجروں کو نجی کمپنی کاروباری سرگرمیوں کے لئے اپنے ہمراہ لے گئی تھی جنھیں ماسکو ائیرپورٹ پر بغیر کوئی وجہ بتائے مختلف کمروں تک محدود کر دیا گیا تھا۔مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.