وائس چانسلرز کی تعیناتیاں آئینی معاملہ ،نظر انداز نہیں کیا جا سکتا ‘ہائیکورٹ کا ایچ ای سی کے مبہم جواب پر برہمی کا اظہار
ہائیر ایجوکیشن کمیشن کو سرچ کمیٹیاں قائم کرنے اور گائیڈ لائن دینے کا اختیار حاصل ہے یا نہیں اس حوالے سے واضح جواب جمع کرایا جائے‘عدالت
جمعرات 24 مارچ 2016 22:30
لاہور(اُردو پوائنٹ اخبارتازہ ترین - آئی این پی۔24 مارچ۔2016ء )لاہور ہائیکورٹ نے پنجاب کی چار یونیورسٹیوں کے وائس چانسلرز کی تقرریوں کیخلاف کیس کی سماعت چار اپریل تک ملتوی کردی جبکہ عدالت نے غیر واضح جواب داخل کرانے پر ڈائریکٹر جنرل ہائیر ایجوکیشن کمیشن پر برہمی کااظہار کرتے ہوئے ریمارکس دیئے کہ پبلک سیکٹر کی یونیورسٹیوں کو سب سے زیادہ مسائل کا سامنا ہے مگر اس سے متعلق کوئی پالیسی ہی نہیں بنائی گئی ۔
لاہو رہائیکورٹ کے جسٹس شاہد کریم نے کیس کی سماعت کی ۔پنجاب یونیورسٹی کے لیگل ایڈوائزر نے دوران سماعت موقف اپنایا کہ پنجاب یونیورسٹی کے وائس چانسلر ڈاکٹر مجاہد کامران کو پبلک سیکٹر یونیورسٹی ترمیمی ایکٹ کے سیکشن 14کے تحت میرٹ اور قوانین کی بنیاد پر تعیناتی دی گئی ہے ۔(جاری ہے)
درخواست گزاروں کے وکیل نے کہا کہ قوانین کے تحت وائس چانسلرز کی تعیناتی سے قبل ہائیر ایجوکیشن کمیشن سے مشاورت ضروری ہے۔
معیار طے کرنا ،،یونیورسٹیوں کو گائیڈ لائن دینا اور وائس چانسلرز کی تعیناتیوں کیلئے سرچ کمیٹیاں قائم کرنا ہائیر ایجوکیشن کمیشن کا اختیار ہے۔سماعت کے دوران ہائیر ایجوکیشن کمیشن لاہور کے ڈائریکٹر جنرل نذیر حسین نے فاضل عدالت کے رو برو جواب داخل کراتے ہوئے کہا کہ ہائیر ایجوکیشن کمیشن یونیورسٹیوں کے معاملات کو ریگولیٹ کرتا ہے،پبلک سیکٹر یونیورسٹیوں کے معاملات کو صوبائی حکومتیں قوانین کے تحت سرانجام دیتی ہیں۔فاضل عدالت نے غیر واضح جواب داخل کرانے پر ہائیر ایجوکیشن کمیشن پر سخت برہمی کا اظہار کہا کہ اس طرح کے جواب سے کام نہیں چلے گا۔وائس چانسلرز کی تعیناتیاں آئینی معاملہ ہے جسے نظر انداز نہیں کیا جا سکتا۔فاضل عدالت نے استفسار کیا کہ ہائیر ایجوکیشن کمیشن کو سرچ کمیٹیاں قائم کرنے اور گائیڈ لائن دینے کا اختیار حاصل ہے یا نہیں اس حوالے سے واضح جواب جمع کرایا جائے ۔عدالت نے سماعت 4اپریل تک ملتوی کرتے ہوئے چیئرمین ہائیر ایجوکیشن کمیشن سے جواب طلب کر لیا ۔مزید قومی خبریں
-
وزیراعظم کا یوتھ پروگرام نوجوانوں کو ضروری مہارت اور مواقع فراہم کرنے کے لئے پرعزم ہے ،رانا مشہود احمد خان
-
وفاقی وصوبائی حکومت کے ساتھ ملکر جنوبی پنجاب کےلئے ترقیاتی فنڈز کے بجٹ میں اضافے کو یقینی بنائیں گے،سید یوسف رضا گیلانی
-
ملک میں یوریا کھاد کی یکساں قیمتیں نافذ کرنا ہوں گی ، کم نہ کرنے کی صورت میں حکومت قیمتیں فکس کر دے گی ، رانا تنویر حسین
-
خواجہ سلمان رفیق کی زیر صدارت فاطمہ جناح میڈیکل یونیورسٹی کا 37واں سینڈیکیٹ اجلاس
-
وزارت مذہبی امور کے زیر انتظام 39 واں سالانہ مقابلہ حفظ قرآن و حسن قرأت شروع
-
لیسکو کی بجلی چوروں کے خلاف کارروائی ،4 بجلی چور گرفتار
-
10کلو آٹے کی قیمت میں 500سے 600روپے تک کی کمی ریکارڈ ہوئی ہے‘وزیر خوراک پنجاب
-
لاہور میں کم عمر گھریلو ملازمہ سے متعدد بار زیادتی، ملزم گرفتار
-
وزارت مذہبی امور نے پرائیویٹ حج سکیم کے عازمین کی بکنگ کا ڈیٹا ’’پاک حج ‘‘موبائل ایپ پر لوڈ کردیا
-
روٹی کی نئی قیمتوں کیخلاف درخواست، ڈی سی اسلام آباد و ایڈووکیٹ جنرل طلب
-
نائب وزیراعظم اور وزیر خارجہ سینیٹر اسحاق ڈار سے ازبک وزیر خارجہ بختیار سیدوف کی ملاقات
-
مانسہرہ پولیس کی کارروائی ، دو منشیات فروش گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.