حکومت نے اپوزیشن کے مطالبہ پر پی آئی اے کے حوالے سے بل کو 3ہفتوں کیلئے موخر کردیا
منگل 22 مارچ 2016 14:18
اسلام آباد (اُردو پوائنٹ اخبارتازہ ترین - آئی این پی۔22 مارچ۔2016ء) حکومت نے اپوزیشن کے مطالبہ پر پی آئی اے کے حوالے سے بل کو تین ہفتوں کے لئے موخر کردیا‘ حکومت اور اپوزیشن کے درمیان پی آئی اے کو پبلک لمیٹڈ کمپنی بنانے کے حوالے سے بل پر ہونے والے مذاکرات میں فیصلہ کیا گیا ہے کہ بل پر مشاورت اور سفارشات کی تیاری کے لئے حکومت اور اپوزیشن کی دس رکنی کمیٹی تشکیل دیدی جو بل پر غور کرکے تین ہفتوں میں سفارشات پیش کرے گی اور بل کا نیا مسودہ تیار کرکے تین ہفتوں بعد جوائنٹ سیشن میں پیش کیا جائے گا‘ کمیٹی میں قومی اسمبلی کے سات اور سینٹ کے تین اراکین شامل ہونگے جبکہ اپوزیشن کے چھ اور حکومت کے چار اراکین کمیٹی میں شامل ہوں گے۔
منگل کو حکومت اور اپوزیشن کی جماعتوں کے رہنماؤں کا اجلاس سپیکر قومی اسمبلی سردار ایاز صادق کی صدارت میں کمیٹی روم نمبر چار پارلیمنٹ ہاؤس میں منعقد ہوا۔(جاری ہے)
اجلاس میں حکومت پی آئی اے کے حوالے سے بل کو تین ہفتوں کے لئے موخر کرنے پر رضامند ہوگئی اجلاس میں بل کے حوالے سے حکومت اور اپوزیشن کی دس رکنی کمیٹی تشکیل دی گئی جو بل کے حوالے سے سفارشات تیار کرے گی جس کے بعد ایک نیا مسودہ تیار کیا جائے گا اور تین ہفتوں میں پارلیمنٹ کا جوائنٹ سیشن بلا کر اس میں پیش کیا جائے گا۔
اپوزیشن نے واضح کیا تھا کہ وہ بل کو موجودہ شکل میں قبول نہیں کرے گی۔ اپوزیشن نے ملازمین اور پی آئی اے کے اثاثوں کے تحفظ کی بھی یقین دہانی مانگی تھی۔ اجلاس میں سپیکر قومی اسمبلی سردار ایاز صادق‘ اسحاق ڈار‘ خورشید شاہ‘ اعتزاز احسن‘ مولانا عطاء الرحمن‘ آفتاب شیرپاؤ‘ محمود خان اچکزئی‘ مشاہد حسین سید‘ اکرم درانی‘ راجہ ظفر الحق‘ مشاہد الله خان‘ میر حاصل بزنجو‘ اسد عمر‘ صاحبزادہ طارق الله‘ غلام احمد بلور اور میاں عتیق سمیت حکومت اور پارلیمنٹ میں موجود تمام اپوزیشن جماعتوں کے اراکین نے شرکت کی۔ حکومت اور اپوزیشن کی دس رکنی کمیٹی میں سعید غنی‘ زاہد حامد‘ شاہد خاقان عباسی‘ خرم دستگیر‘ سید نوید قمر‘ اسد عمر‘ فاروق ستار‘ مولانا فضل الرحمن‘ مشاہد الله خان‘ میر حاصل بزنجو شامل ہیں۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.