جب تک وفاقی و صوبائی حکومتیں کاروباری طبقے کو درپیش تمام مسائل حل نہیں کرلیتیں تب تک کاروبار اور صنعت کی ترقی ممکن نہیں،فواد اسحاق
خیبر پختونخوا کی بزنس کمیونٹی کے مسائل پنجاب ،سندھ سمیت ملک کے دیگر صوبوں سے یکسر مختلف ہیں ،صوبے کا سب بڑا مسئلہ امن و امان کی ابتر صورتحال ہے،صدر خیبرپختونخوا چیمبر
پیر 21 مارچ 2016 21:29
پشاور(اُردو پوائنٹ اخبارتازہ ترین - این این آئی۔21 مارچ۔2016ء) خیبر پختونخوا چیمبر آف کامرس اینڈ انڈسٹری کے صدر ذوالفقار علی خان نے چھوٹے اور درمیانے درجے کے کاروبار اور صنعتوں کی ترقی کو امن و امان کی بحالی ٗ ٹیکس نظام میں بہتری ٗ بجلی اور گیس کی بلا تعطل فراہمی اور معاشی و تجارتی پالیسیوں میں استحکام سے مشروط کیا ہے اور کہا ہے کہ جب تک وفاقی اور صوبائی حکومتیں کاروباری طبقے کو درپیش تمام مسائل حل نہیں کرلیتیں تب تک کاروبار اور صنعت کی ترقی ممکن نہیں ۔
خیبر پختونخوا دہشت گردی سے سب سے زیادہ متاثر صوبہ ہے اس کی معاشی بحالی کیلئے وفاقی اور صوبائی حکومتوں اور ان کے ماتحت محکموں کو آگے بڑھ کر بزنس کمیونٹی کے تحفظات کو دور کرنا ہوگا اور سہولیات کی فراہمی کو یقینی بنانا ہوگا۔(جاری ہے)
ان خیالات کا اظہار انہوں نے ڈائریکٹر جنرل ڈومیسٹک کامرس ونگ اسلام آباد عتیق الرحمان سے چیمبر ہاؤس میں بات چیت کرتے ہوئے کیا ۔
اس موقع پر چیمبر کے نائب صدر شجاع محمد ٗ ٹریڈ ڈویلپمنٹ اتھارٹی پشاور کے ڈائریکٹر نعمان بشیر ٗ ڈائریکٹر جی جی آئی پی نوید مسعود ٗ ایگزیکٹو ممبران عبدالجلیل جان ٗ صادق امین ٗ راشد اقبال اور ضیاء الحق سرحدی ٗ خان گل اعوان ٗ عابد اﷲ یوسفزئی اور اکبر شیراز سمیت دیگر ممبران بھی موجود تھے ۔ خیبر پختونخوا چیمبر کے صدر ذوالفقار علی خان نے ڈی جی ڈومیسٹک کامرس ونگ کو بتایا کہ خیبر پختونخوا کی بزنس کمیونٹی کے مسائل پنجاب اور سندھ سمیت ملک کے دیگر صوبوں سے یکسر مختلف ہیں اور اس صوبے کا سب بڑا مسئلہ امن و امان کی ابتر صورتحال ہے جس کی وجہ سے یہاں کے تاجر اور سرمایہ کار اپنا سرمایہ دیگر صوبوں میں منتقل کر رہے ہیں۔ انہوں نے کہا کہ جب تک بزنس کمیونٹی کے جان و مال کو تحفظ فراہم نہیں کیا جاتا اور ٹیکس نظام میں اصلاحات ٗ ٹیکس ری فنڈز اور بجلی اور گیس کی بلا تعطل فراہمی سمیت دیگر سہولیات فراہم نہیں کی جاتیں تب تک اس صوبے کی بزنس کمیونٹی صنعت و تجارت کے شعبے کو ترقی نہیں دے سکتی ۔ انہوں نے کہا کہ پشاور میں جدید سہولیات سے آراستہ ڈرائی پورٹ ٗ ایکسپو سنٹر اور دیگر تجارتی منصوبے خیبر پختونخوا چیمبر اور یہاں کی بزنس کمیونٹی کے دیرینہ مطالبات ہیں لیکن تاحال انہیں عملی جامعہ نہیں پہنایا جاسکا ۔ انہوں نے کہا کہ سٹریٹیجک ٹریڈ پالیسی فریم ورک 2012-15ء میں ڈومیسٹک کامرس پر سٹڈی کے لئے سروے اُس وقت تک کامیاب نہیں ہوسکتا جب تک صوبوں بالخصوص خیبر پختونخوا کی بزنس کمیونٹی کے تحفظات کو دور نہیں کیا جاتا۔انہوں نے تاجروں ٗ ایکسپورٹروں اور سرمایہ کاروں کے تحفظات کا تفصیلی ذکر کیا اور کہا کہ اﷲ تعالیٰ نے اس صوبے کو قدرتی وسائل سے مالا مال کررکھا ہے تاہم جب تک لوکل بزنس کمیونٹی اور چھوٹے کاروباری طبقے کے مسائل حل نہیں کئے جاتے تب تک کسی قسم کی سفارشا ت کا کوئی فائدہ نہیں ہوگا ۔ ڈی جی ڈومیسٹک کامرس ونگ عتیق الرحمان نے خیبر پختونخوا چیمبر کے صدر ذوالفقار علی خان کے تحفظات سے اتفاق کیا اور انہیں یقین دلایا کہ وہ ان کے حل کیلئے وزارت تجارت کے ماتحت مختلف محکموں کے سامنے یہ معاملات اٹھائیں گے اور خیبر پختونخوا چیمبر کی سفارشات کو عملی جامعہ پہنایا جائے گا ۔متعلقہ عنوان :
مزید تجارتی خبریں
-
پاکستان سٹاک ایکسچینج میں تیزی کانیاریکارڈقائم،انڈیکس 619.79 پوائنٹس کے اضافہ کے بعد 70909.90 پوائنٹس پربند
-
ملکی صرافہ مارکیٹوں میں جمعہ کے روز سونا مزید مہنگا ہو گیا
-
انٹربینک میں جمعہ کو روپے کے مقابلے ڈالر سستا ہو گیا تاہم اوپن مارکیٹ میں ڈالر کی قدر بڑھ گئی
-
پاکستان میں پولٹری کے شعبہ نے تیزی سے ترقی کی ہے ،ڈاکٹرسجاد ارشد
-
ٹریکٹروں کی فروخت میں جاری مالی سال کے پہلے 9 ماہ میں سالانہ بنیادوں پر 66 فیصداضافہ
-
پاکستان سٹاک ایکسچینج میں مسلسل دوسرے روز مندی کارحجان،کے ایس ای 100 انڈیکس 43.20 پوائنٹس کی کمی کے بعد 70290.11 پوائنٹس پربند
-
لاہور:برائلر گوشت کی قیمت 699روپے فی کلو تک پہنچ گئی
-
انٹر بینک اور اوپن مارکیٹ میں روپے کے مقابلے ڈالر مہنگا
-
سونے کی قیمتوں کا کمی کا رجحان
-
اٹک سیمنٹ نے 1.27 ملین ٹن سالانہ کی نصب صلاحیت کے ساتھ ایک نئی پیداواری لائن کے اضافے کا اعلان
-
بینکوں کے ڈیپازٹس، قلیل مدت کے قرضوں اورسرمایہ کاری میں مارچ کے دوران سالانہ بنیاد پر اضافہ ہوا،سٹیٹ بینک
-
پاکستان سٹاک ایکسچینج میں تیزی،100 انڈیکس51 پوائنٹس اضافہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.