صدارتی انتخابات میں مجھے نامزد نہ کیا گیا توفسادات پھوٹ پڑیں گے، ڈونلڈ ٹرمپ

پیر 21 مارچ 2016 12:42

واشنگٹن(اُردو پوائنٹ اخبارتازہ ترین - آن لائن۔21 مارچ۔2016ء) امریکا میں صدارتی انتخابات کے ری پبلکن خواہش مند ڈونلڈ ٹرمپ نے اپنے جلسوں میں ہونے والے پر تشدد واقعات کی مذمت کرنے سے انکار کرتے ہوئے کہا ہے کہ اگر صدارتی انتخاب میں انہیں نامزد نہ کیا گیا تو امریکا بھر میں فسادات پھوٹ پڑیں گے۔ امریکی ٹی وی سے گفتگو میں ٹرمپ کا کہنا تھا کہ وہ مخالفین پر کیے گئے حملوں اور مار پٹائی کی مذمت نہیں کریں گے۔

(جاری ہے)

ان کے جلسوں میں ہونے والے تشدد کی زیادہ ذمہ داری "ہلڑ بازی کرنے والے پیشہ ور افراد" پر عائد ہوتی ہے جو ان کے مخالفین بھیجتے ہیں۔ڈونلڈ ٹرمپ کی انتخابی ریلیوں کے دورن تشدد کے کئی واقعات رونما ہو چکے ہیں۔ ہفتے کے بعد روز ایریزونا میں ٹرمپ کی انتخابی ریلی کے د وران ایک شخص پر بد ترین تشدد کیا گیا۔ جبکہ گزشتہ ہفتے ٹرمپ کی مہم کے نگران لیوان ڈوسکی کی ایک صحافی سے بدتمیزی کا واقعہ بھی سامنے آ چکا ہے۔اس سے قبل شکاگو میں پر تشدد احتجاج کے باعث ڈونلڈ ٹرمپ کو انتخابی ریلی ہی منسوخ کرنا پڑی تھی۔

Facebook Twitter Google + Share on Whatsapp

صدارتی انتخابات میں مجھے نامزد نہ کیا گیا توفسادات پھوٹ پڑیں گے، ڈونلڈ ٹرمپ

متعلقہ عنوان :

مزید بین الاقوامی خبریں