آئی سی سی ورلڈ ٹی20میں آج روایتی حریف پاکستان اور بھارت آمنے سامنے ہونگے
میاں محمد ندیم ہفتہ 19 مارچ 2016 02:50
کولکتہ(ا ردو پوائنٹ اخبارتازہ ترین-انٹرنیشنل پریس ایجنسی۔19مارچ۔2016ء) آئی سی سی ورلڈ ٹی20میں آج روایتی حریف پاکستان اور بھارت آمنے سامنے ہونگے۔پاک بھارت میچ صرف شائقین ہی نہیں بلکہ سپانسرز اور براڈ کاسٹرز کے لیے بھی کتنا منافع بخش ہے اسی لیے اب ان دونوں ٹیموں کا ایک ہی پول میں رہتے ہوئے مدمقابل ہونا عام ہوچکا ہے۔آئی سی سی ورلڈ ٹی 20 کے بڑے ایونٹ میں ان دو بڑی ٹیموں کا بڑا میچ آج ہفتہ کے روز کولکتہ کے ایڈن گارڈنز میں کھیلا جارہا ہے ۔
دونوں ٹیموں کے لیے یہ میچ انتہائی اہمیت کا حامل ہے۔ایشیا کپ میں پاکستانی ٹیم کو صرف 83 رنز پر آوٹ کرنے کے بعد انڈیای ٹیم کے حوصلے آسمان کو چھو رہے تھے لیکن اب صورتحال قدرے مختلف ہے۔ورلڈ ٹی 20 کے پہلے ہی میچ میں نیوزی لینڈ کے ہاتھوں شکست کے بعد انڈیای ٹیم کو اچھی طرح اندازہ ہے کہ وہ پاکستان کے خلاف شکست کی متحمل نہیں ہوسکتی۔(جاری ہے)
دوسری جانب پاکستانی ٹیم جو ایشیا کپ میں بکھری بکھری نظر آرہی تھی ورلڈ ٹی 20 کے پراعتماد آغاز کے بعد بلند حوصلے کے ساتھ میدان میں اترے گی۔
پہلے میچ میں اس نے نہ صرف بنگلہ دیش کو شکست دی بلکہ اس کے تین اہم کھلاڑی شاہد آفریدی، محمد حفیظ اور احمد شہزاد فارم میں واپس آئے ہیں۔ہمیشہ کی طرح اس میچ کو بھی پاکستانی بولنگ اور انڈیای بیٹنگ کا مقابلہ کہا جارہا ہے۔نیوزی لینڈ کے خلاف ناکامی سے دوچار ہونے کے باوجود انڈیای بیٹسمینوں کی لمبی قطار کسی بھی وقت کسی بھی بولنگ پر حاوی ہونے کی صلاحیت رکھتی ہے جن کے سامنے بولنگ کرنا محمد عامر، محمد عرفان اور وہاب ریاض کے لیے سخت امتحان ہوگا۔اس میچ میں پاکستانی اسپنرز کی بھی سخت آزمائش ہوگی کیونکہ انڈیای بیٹسمین سپن بولنگ کو بہت اچھا کھیلتے ہیں۔ایک اور اہم بات جو انڈیا کے حق میں جاتی ہے وہ عالمی مقابلوں میں اس کا پاکستان سے کبھی نہ ہارنا ہے۔ورلڈ کپ میں چھ کے چھ میچز جیتنے کے ساتھ ساتھ انڈیا ورلڈ ٹی 20 میں بھی پاکستان کے خلاف ناقابل شکست ہے۔اس نے چار میں سے تین میچز جیتے ہیں اور ایک میچ ٹائی ہوا ہے اور وہ بھی انڈیا ’بول آو¿ٹ‘ پر جیت گیا تھا البتہ ایڈن گارڈنز میں پاکستان کے خلاف اس کا ریکارڈ متاثرکن نہیں ہے اور اسے چاروں ون ڈے انٹرنیشنل میں شکست ہوچکی ہے جبکہ اس میدان میں کھیلے گئے سات ٹیسٹ میچز میں دونوں ٹیمیں ایک ایک میچ جیت چکی ہیں۔مزید اہم خبریں
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
ن لیگ پنجاب نے نو از شریف کو پارٹی کی قیادت دوبارہ سنبھالنے کی درخواست کر دی
-
روپیہ مستحکم رکھنے کیلئے اسٹیٹ بینک نے مارکیٹ سے 5 ارب ڈالر خریدے
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات
-
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
-
کل ہمارے یوم تاسیس پر پولیس کیک بھی اٹھا کر لے گئی تھی،بیر سٹر گوہر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.