وفاقی حکومت نے کراچی کے عوام کو امن کا تحفہ دیا جس کا کوئی نعم البدل نہیں، صحت کے ..
بند کریں
تازہ ترین ایڈ یشن کے لیے ابھی کلک کریں
جمعہ مارچ

مزید اہم خبریں

وقت اشاعت: 18/03/2016 - 16:56:25 وقت اشاعت: 18/03/2016 - 16:55:42 وقت اشاعت: 18/03/2016 - 16:55:42 وقت اشاعت: 18/03/2016 - 16:55:42 وقت اشاعت: 18/03/2016 - 16:49:35 وقت اشاعت: 18/03/2016 - 16:43:37 وقت اشاعت: 18/03/2016 - 16:42:58 وقت اشاعت: 18/03/2016 - 16:34:00 وقت اشاعت: 18/03/2016 - 16:34:00 وقت اشاعت: 18/03/2016 - 16:31:09 وقت اشاعت: 18/03/2016 - 16:31:07
پچھلی خبریں - مزید خبریں

کراچی

وفاقی حکومت نے کراچی کے عوام کو امن کا تحفہ دیا جس کا کوئی نعم البدل نہیں، صحت کے معیار کو بہتر بنانے کے لئے ایمبولینسز کی فراہمی پر چین کے مشکور ہیں، سائرہ افضل تارڑ

کراچی ۔ 18 مارچ (اُردو پوائنٹ اخبارتازہ ترین۔18 مارچ۔2016ء) وزیر مملکت برائے نیشنل ہیلتھ سروسز ریگولیشن اینڈ کوآرڈینیشن سائرہ افضل تارڑ نے کہا ہے کہ سیاسی جماعتوں کو اقتدار میں آنے کا شوق ہے تو انہیں پہلے عوام کی خدمت کرنا ہو گی، وفاقی حکومت نے کراچی کے عوام کو امن کا وہ تحفہ دیا ہے جس کا کوئی نعم البدل نہیں، صحت کے معیار کو بہتر بنانے کے لئے ایمبولینسز کی فراہمی پر چین کے مشکور ہیں۔

جمعہ کے روز جناح ہسپتال میں چین کی طرف سے دی جانے والی ایمبولینسز کی تقسیم کے موقع پر تقریب سے خطاب کرتے ہوئے سائرہ افضل تارڑ نے کہا کہ ملک میں وسائل کی کمی نہیں، صرف نظام کو بہتر بنانے کی ضرورت ہے۔ انہوں نے کہا کہ ملک میں جن اداروں کی کارکردگی سے لوگ مطمئن ہیں ان میں سے جناح ہسپتال ایک ہے جو عوام کو صحت کی بہتر سہولیات فراہم کر رہا ہے۔

انہوں نے مزید کہا کہ کراچی کے عوام ہمیشہ دکھ درد میں ساتھ دینے والے ہیں، جب بھی کوئی قدرتی آفت آئی ہے تو یہاں کے عوام نے دل کھول کر امداد کی ہے۔ انہوں نے کہا کہ جس شہر میں اداروں کو پرائیوٹ سپورٹ میسر ہو وہاں کام کرنا آسان ہوتا ہے۔ سائرہ افضل تارڑ نے کہا کہ ہم سب کو سیاست سے بالاتر ہو کر عوام کی خدمت کرنا چاہئے، جن سیاسی جماعتوں کو اقتدار میں آنے کا شوق ہے انہیں پہلے عوام کی خدمت کرنا ہو گی۔

انہوں نے کہا کہ 18 ویں ترمیم کے بعد صحت سمیت دیگر کئی شعبوں کا مکمل اختیار اب صوبوں کے پاس ہے اور صوبوں کو عوام کی فلاح کے لئے ٹھوس اقدامات اٹھانے چاہئیں۔ انہوں نے کہا کہ جناح ہسپتال کے انتظامی معاملات کا اختیار اب صوبائی حکومت کے پاس ہے، وفاق میں اس میں کوئی مداخلت نہیں کر رہا۔ وزیر مملکت نے کہا کہ اب ڈاکٹروں کو عبادت سمجھ کر عوام کی خدمت کرنی چاہئے، بدقسمتی سے آج ڈاکٹرز بھی سیاست دانوں کی طرح سیاست کر رہے ہیں، سرکاری ہسپتالوں کے سامنے پرائیوٹ ہسپتال بنا دیئے گئے ہیں اور ایک ہی ڈاکٹر اپنی خدمات دونوں جگہ فراہم کر رہا ہے کیونکہ آج سرکاری ملازموں کو پتہ ہے کہ جب تک اس کی نبض چلتی رہے گی اسے سرکار سے تنخواہ ملتی رہے گی۔

انہوں نے کہا کہ آج پرائیوٹ پبلک پارٹنر شپ کی طرف رجحان بڑھ رہا ہے کیونکہ عوام آج رزلٹ مانگ رہے ہیں۔

اس خبر کی تفصیل پڑھنے کیلئے یہاں پر کلک کیجئے

18/03/2016 - 16:43:37 :وقت اشاعت

:متعلقہ عنوان