چین میں پلاسٹک شاپرز کے استعمال پر پابندی لگا دی گئی
دوکانداروں کیخلاف کریک ڈاؤن ، ہزاروں شاپرز برآمد پلاسٹک شاپرز صحت کیلئے نقصان دہ ہیں ، محکمہ خوراک
جمعہ 18 مارچ 2016 14:41
شنگھائی (اُردو پوائنٹ اخبارتازہ ترین - آئی این پی۔18 مارچ۔2016ء) چین کے شہر شنگھائی میں پلاسٹک بیگز (شاپرز ) کے استعمال پر پابندی لگا دی گئی ہے ۔ شہری انتظامیہ نے خبردار کیا ہے کہ پلاسٹک کے شاپرز صحت کیلئے خطرناک ہو سکتے ہیں ۔محکمہ خورا ک سے تعلق رکھنے والے اہلکاروں نے مختلف دکانو ں پر چھاپے ما ر کر ہزاروں شاپرز برآمد کر لئے ، یہ کریک ڈاؤن شاپرز پر پابندی کے اعلان کے بعد کیا گیا ۔
حکومت کا کہنا ہے کہ یہ سفید آلودگی ہے جو وسیع پیمانے پر پھیل رہی ہے ، دوکاندار لوگوں کو سودا سلف ڈالنے کیلئے جو بیگز مفت فراہم کرتے ہیں ان میں ایسے جراثیم ہوتے ہیں جو صحت کیلئے نقصان دہ ہیں ،یہ پلاسٹک بیگز خورا ک محفوظ کرنے کیلئے پلاسٹک کوری سائیکل کر کے بنائے جاتے ہیں جو غیر محفوظ ہوتے ہیں ۔(جاری ہے)
انہوں نے کہا کہ ایسے استعمال شدہ شاپرز گندگی کے ڈھیروں سے اکٹھے کر کے فیکٹری میں پہنچائے جاتے ہیں جہاں سے انہیں دوبارہ استعمال کے قابل بنا کر مارکیٹ میں بیچ دیا جاتا ہے ،انہیں عام طورپر چھوٹی اور غیر قانونی دوکانیں اور ورکشاپس استعمال کرتے ہیں جو انہیں جراثیم سے پاک نہیں کرتے اور وہ انسانی صحت کیلئے مضر ہوتے ہیں ، یہ شاپرز بہت زیادہ درجہ حرارت پر تیار کئے جاتے ہیں اور ان میں محفوظ کی گئی خوراک انسانی صحت کیلئے بڑے مسائل پیدا کرتی ہے جن میں دل کی بیماریاں بھی شامل ہیں ۔
سرکاری اہلکاروں کا کہنا ہے کہ یہ شاپرز بہت باریک ہوتے ہیں اور حکومت نے ان کیلئے جو قومی معیار طے کر رکھا ہے یہ اس سے 40فیصد پتلے ہوتے ہیں ، اس لئے عوام اوردوکانداروں سے کہا گیا ہے کہ وہ اس قسم کے بیگز استعمال نہ کریں ۔مزید بین الاقوامی خبریں
-
آسٹریلیا میں مقیم پاکستانی ڈاکٹر تصور اسلم بھٹہ کی لکھی گئی کتاب ”زبان یار من ترکی“ کی تقریب رُونمائی
-
برطانیہ کا اسرائیل کو اسلحہ برآمد کرنے کا نظام امریکا جیسا نہیں ، ڈیوڈ کیمرون
-
عازمین حج میں 40 ملین آب زم زم کی بوتلیں تقسیم کی جائیں گی، الزمازمہ کمپنی
-
وطن واپس آکر بہت خوش ہوں، شہزادہ ہیری
-
بھارت کو پاکستان کی عزت کرنی چاہیے، منی شنکر ائیر
-
سابق امریکی صدر ڈونلڈ ٹرمپ کے بیٹے کی سیاست کے میدان میں قدم رکھ دیا
-
امریکی سکھ شہری پر قاتلانہ حملے کے شواہد موجود ہیں،امریکا
-
سعودی عرب میں یکم جون سے موسم گرما کا آغاز ہوگا
-
قید سے رہا ہونے والامجرم اہلیہ سے بدلہ لے کردوبارہ جیل پہنچ گیا
-
بھارت میں خاتون نے 5 بچوں کو جنم دے دیا
-
سورج میں زمین سے 15 گٴْنا بڑا طوفان .
-
شادی شدہ مسلمانوں کے ناجائز تعلقات پر بھارتی عدالت کا فیصلہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.