وزیراعظم کا پاکستان اور تاجکستان کے درمیان توانائی، تجارت اور دفاع سمیت تمام شعبوں میں تعلقات پر پیشرفت پر اطمینان کا اظہار
پاکستان خطے میں امن و استحکام کی خاطر اپنے ہمسایوں کے ساتھ روابط کو فروغ دینے کا خواہاں ہے ٗ افغانستان میں امن، استحکام اور ترقی میں پاکستان کا اہم مفاد وابستہ ہے ٗنوازشریف کی تاجکستان کی مجلس نمائندگان کے چیئرمین ظہروف شکر جان سے گفتگو
بدھ 16 مارچ 2016 21:01
اسلام آباد (اُردو پوائنٹ اخبارتازہ ترین - این این آئی۔16 مارچ۔2016ء) وزیراعظم نواز شریف نے پاکستان اور تاجکستان کے درمیان توانائی، تجارت اور دفاع سمیت تمام شعبوں میں تعلقات پر پیشرفت پر اطمینان کا اظہار کرتے ہوئے کہا ہے کہ پاکستان خطے میں امن و استحکام کی خاطر اپنے ہمسایوں کے ساتھ روابط کو فروغ دینے کا خواہاں ہے ٗ افغانستان میں امن، استحکام اور ترقی میں پاکستان کا اہم مفاد وابستہ ہے۔
وہ بدھ کو تاجکستان کی مجلس نمائندگان کے چیئرمین ظہروف شکر جان سے ایوان وزیراعظم میں گفتگو کررہے تھے۔ تاجک وفد میں ارکان مجلس عزیز محمد خول محمد زادہ، جمشید مرتضیٰ ذکیوف، مسز نصیبہ صدیقہ مرزا انور احمدوف اور پاکستان میں تاجکستان کے سفیر شیرالی ایس جونو نوف شامل تھے۔(جاری ہے)
اس موقع پر اسپیکر قومی اسمبلی سردار ایاز صادق، وزیراعظم کے معاون خصوصی طارق فاطمی اور رکن قومی اسمبلی محمد طلال چوہدری بھی موجود تھے۔
وزیراعظم نے کہا کہ پاکستان اور تاجکستان کے درمیان شاندار روابط استوار ہیں جن کی جڑیں تاریخ، مذہب اور مشترکہ ثقافت میں پیوستہ ہیں۔ وزیراعظم نے اس امر پر اطمینان کا اظہار کیا کہ دونوں ممالک کے درمیان توانائی، تجارت اور دفاع سمیت تمام شعبوں میں تعلقات آگے بڑھ رہے ہیں۔ انہوں نے کہا کہ پارلیمانی روابط دونوں ممالک کے درمیان تعلقات کے فروغ میں اہم کردار کے حامل ہیں۔ صدر رحمانوف کے دورہ پاکستان کا ذکر کرتے ہوئے وزیراعظم نواز شریف نے کہا کہ دونوں ممالک کو باہمی تجارت 500 ملین ڈالر تک لانے کے لئے کوششیں کرنی چاہئیں۔ پاکستان کاسا۔1000 منصوبے پر عمل درآمد میں گہری دلچسپی رکھتا ہے۔ وزیراعظم محمد نواز شریف نے کہا کہ پاکستان خطے میں امن و استحکام کی خاطر اپنے ہمسایوں کے ساتھ روابط کو فروغ دینے کا خواہاں ہے۔ افغانستان میں امن، استحکام اور ترقی میں پاکستان کا اہم مفاد وابستہ ہے۔ ہم افغانستان میں پائیدار امن کے قیام کے پیش نظر افغان قیادت میں امن کے عمل کے ذریعے امن اور مفاہمت کے فروغ کے لئے مخلصانہ اور مسلسل کوششوں میں مصروف ہیں۔ اس موقع پر ظہروف شکرجان نے ہمسایوں کے ساتھ پرامن تعلقات کے لئے وزیراعظم کے وژن کو سراہتے ہوئے افغانستان میں امن اور مفاہمت کے فروغ کے لئے پاکستان کی مخلصانہ کوششوں کو سراہا۔ انہوں نے کہا کہ وزیراعظم نواز شریف کا موقف بہت واضح ہے اور ان کی پالیسی اور وژن قابل ستائش ہے۔مزید اہم خبریں
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
-
مریم نواز کے بعد نوازشریف کی بھی پولیس وردی میں تصویر وائرل
-
وفاقی وزیراحسن اقبال کی زیر صدرات قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ اجلاس
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
احسن اقبال کی زیرصدرات اجلاس ، قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ لیا گیا
-
حکومت کا حج پر نہ جانے والے افراد سے بھی لاکھوں روپے وصول کرنے کا فیصلہ
-
پی ڈی ایم کی جماعتیں پچھلی حکومت گرانے پر قوم سے معافی مانگیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.