ورلڈ ٹی ٹونٹی، پاکستان نے بنگال ٹائیگرزکے ارمان ٹھنڈے کردیئے

Zeeshan Mehtab ذیشان مہتاب بدھ 16 مارچ 2016 18:12

ورلڈ ٹی ٹونٹی، پاکستان نے بنگال ٹائیگرزکے ارمان ٹھنڈے کردیئے

کولکتہ(اردو پوائنٹ تازہ ترین اخبار ۔16مارچ2016ء ) ورلڈ ٹی ٹونٹی کے مین راؤنڈ میں پاکستان نے بنگلہ دیش کو 55رنز سے شکست دے دی ۔ ایڈن گارڈنز، کولکتہ میں جاری میچ میں پاکستانی اوپنرز نے ٹیم کو 26رنز کا آغاز فراہم کیا ۔شرجیل خان18رنز بناکر پوویلین لوٹے۔محمد حفیظ نے احمد شہزاد کیساتھ ملکر دوسری وکٹ کے لیے 96رنز جوڑے ، شہزاد 52رنز بنا کر پوویلین لوٹے جبکہ احمد شہزاد بھی 64رنز بنا ک آؤٹ ہوئے ۔

اس موقع پر شاہد آفریدی نے بنگالی باؤلرز پر لاٹھی چارج کرتے ہوئے 19گیندو ں پر 49رنز بنا کر پاکستان کا سکور 201تک پہنچانے میں اہم کردا ر ادا کیا ۔ بنگلہ دیش کیلئے عرفات اور سنی نے 2،2جبکہ صابر نے ایک کھلاڑی آؤٹ کیا ۔ 202رنز کے تعاقب میں بنگلہ دیش کا آغا ز اچھا نہ رہااور سومیا سرکار بغیر کوئی رن بنائے محمد عامر کی گیند پر بولڈ ہوگئے ۔

(جاری ہے)

صابر رحمان نے تمیم اقبال کیساتھ ملکر دوسری وکٹ کیلئے 43رنز جوڑے ،صابر 25رنز بنا کر آؤٹ ہوئے ۔

تمیم اقبال بھی 24رنز بنا کر پویلین لوٹے۔ محمود اللہ بھی 4رنز بنا کر آؤٹ ہوگئے ۔ مشفیق الرحیم اور شکیب الحسن نے پانچویں وکٹ کے لیے 39رنز سکور کیے ، مشفیق 18رنز بنا کر آؤٹ ہوئے ۔ محمد مٹھن بھی 2رن بنا سکے ۔شکیب الحسن کے 50 ناٹ آؤٹ رن بھی بنگلہ دیش کو بڑی شکست سے نہ بچا سکے ۔ پاکستان کی جانب سے عامر اور آفریدی نے 2،2جبکہ عرفان اور عماد نے ایک ، ایک وکٹ لی ۔