امریکا اور کیوبا کے درمیان براہ راست ٹیلی فونک رابطے کیلئے ویری زون سے معاہدہ طے پا گیا

بدھ 16 مارچ 2016 12:46

ہوانا(اُردو پوائنٹ اخبارتازہ ترین - آن لائن۔16 مارچ۔2016ء)امریکا اور کیوبا کے درمیان براہ راست ٹیلی فونک رابطے کیلئے کیوبا کا امریکی ٹیلی مواصلات ادارے ویری زون سے معاہدہ طے پا گیا۔

(جاری ہے)

کیوبا ایک عرصہ سے امریکہ ٹیلی فونک رابطوں کیلئے تیسرے ملک کی مدد کا محتاج تھا تاہم گزشتہ سال کیوبا سے اقتصادی پابندیاں ہٹنے کے بعد یہ سلسلہ بحالی کی طرف بڑھ رہا ہے۔ گزشتہ روز کیوبن ادارے ای ٹی ای سی ایس اے اور ویری زون کے درمیان ایک معاہدہ پر دستخط ہوگئے۔اس معاہدے کے نتیجے میں کیوبا کے 11 ملین افراد مستفید ہوں گے جبکہ امریکا میں 20 لاکھ کیوبن آباد ہیں جو اپنے گھر والوں سے رابطہ ایک تیسرے ملک کے بجائے اب براہ راست کرینگے۔