بیساکھی میلہ پر سیکیورٹی انتظامات پر کوئی سمجھوتہ نہیں کیا جائے گا،ڈی سی اواٹک
منگل 15 مارچ 2016 22:08
حسن ابدال۔ 15 مارچ (اُردو پوائنٹ اخبارتازہ ترین - اے پی پی۔15 مارچ۔2016ء) ڈسٹرکٹ پولیس آفیسر اٹک زاہد نواز مروت نے کہا کہ بیساکھی میلہ پر سکھ یاتریوں کی آمد کے موقع پر سیکیورٹی انتظامات پر کوئی سمجھوتہ نہیں کیا جائے گا تمام یاتریوں کو فول پروف سیکیورٹی فراہم کی جائے گی سکھ یاتریوں کی آمد کے موقع پر ریلوے سٹیشن سے گوردوارہ پنجہ صاحب تک تمام راستے سٹریٹ لائٹس آن ہوں گی اور دونوں اطراف میں پولیس کے جوان ڈیوٹی پر موجود ہوں گے یہ بات انھوں نے گوردوارہ پنجہ صاحب حسن ابدال میں سکھ یاتریوں کی آمد سے قبل بلائے گئے اجلاس سے خطاب کرتے ہوئے کہی اجلاس میں اے ایس پی حسن ابدال امبرین علی ،محکمہ اوقاف کے ڈپٹی ایڈمنسٹرٹیرعبداللہ اویس،ٹی ایم او حسن ابدال ساجد علی،قائمقام ڈی ایس پی ٹریفک منصب خان،چیف سیکیورٹی آفیسر نعیم خان،ایس ایچ او سٹی حسن ابدال چوہدری خالد اور ایجنسی اہلکاروں کے نمائندوں نے شرکت کی ڈی پی او نے کہا کہ محکمہ اوقاف میں بھرتی شدہ 16سیکیورٹی اہلکاروں کی تصدیق سپیشل برانچ سے کرائی جائے اور جو گیٹ مرمت ہونے کے قابل ہیں انھیں ایک ہفتہ کے اندر مکمل کیا جائے محکمہ اوقاف کے اہلکار تین شفٹوں میں کام کریں گے تمام سیکیورٹی ادارے ایس ایچ او کے ساتھ مل کر گوردوارہ پنجہ صاحب کے قریب تمام گھروں کی سرچ کریں گے انھوں نے چیف سیکیورٹی آفیسر کو ہدایت دی کہ سکھ یاتریوں کی آمد کے موقع پر سیکیورٹی کے پانچ اہلکار گوردوارہ پنجہ صاحب کے اندر اور باہر اپنے فرائض انجام دیں گے ان کے پاس سٹل کیمرے ہونے چاہیے تاکہ جہاں بھی انھیں مشکوک شخص نظر آئے فورا اسکی تصویر بنا لیں اس سے ایک تو اس مشکوک شخص اپنے مذموم مقاصد میں کامیاب بھی نہیں ہو سکے اسے معلوم ہو گا کہ میرے تصویر محفوظ ہو گئی ہے اس لئے میں پکڑا جاؤں گاانھوں نے محکمہ اوقاف کے ڈپٹی ایڈمنسٹرٹیر کو بھی ہدایت کی کہ وہ فوری طور پر سی سی ٹی وی کیمروں کی سمت درست کرائیں گوردوارہ کے باہر اور اندر سرچ لائٹس کا بندوبست کیا جائے اور جو لوگ بھی گوردوارہ پنجہ صاحب کے اندر مختلف سٹال وغیرہ لگاتے ہیں ان کے مکمل کوائف کے ساتھ چھان بین کی جائے اور ان سے شورٹی بانڈز لئے جائیں انھوں نے قائمقام ڈی ایس پی ٹریفک اٹک منصب خان کو ہدایت کی حسن ابدال میں ٹریفک کے متعلق بڑی شکایت ہیں ان کا فوری طور پر تدارک کیا جائے اور بالخصوص سکھ یاتریوں کی آمد کے وقت ٹریفک کا نظام باکل صیح سمیت میں ہونا چائیے انھوں نے ایس ایچ او کو ہدایت کی کہ وہ سکھ یاتریوں کی آمد کے موقع پرنوجوان لڑکوں پر ایک سکاؤٹس پارٹی ترتیب دیں جو پولیس کے ساتھ مل کر ان تین دنوں میں ڈیوٹی دے تاکہ ان مقامی افراد کوجن کا واحد راستہ گوردوارہ پنجہ صاحب ہی ہے کو آنے جانے دقت کا سامنا نہ کرنا پڑے انھوں نے کہا کہ تمام ادارے باہم مل جل کر اپنے فرائض احسن طریقے سے انجام دیں تاکہ کوئی ناخوشگوار واقعہ رونما نہ ہو۔
مزید قومی خبریں
-
نیپرا نے بجلی کی فی یونٹ قیمت4روپی99پیسے بڑھانے پر فیصلہ محفوظ کر لیا
-
وزیراعلیٰ پنجاب مریم نواز شریف نے فیصل آباد ویسٹ مینجمنٹ کمپنی کے ورک چارج ملازمین کی تنخواہیں جاری کرنے کی منظوری
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
-
اسلام آباد، راولپنڈی اور پشاور میں زلزلے کے جھٹکے، لوگوںمیں خوف وہراس پھیل گیا
-
نادرانے عوام کی سہولت کے لئے ارجنٹ درخواست پر شناختی کارڈ ڈلیوری کی مدت کم کرکی15دن کردی
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
الیکشن کمیشن نے خیبر پختونخوا میں سینیٹ انتخابات ملتوی کرنے کا اشارہ دیدیا
-
اٹک پولیس کی کارروائی ،بھاری مقدار میں منشیات برآمداور 7 ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.