پاکستان میں اچھی اورمعیاری فلمیں بنائی جارہی ہیں‘ اداکارہ وماڈل لیلیٰ
بند کریں
تازہ ترین ایڈ یشن کے لیے ابھی کلک کریں
منگل مارچ

مزید فن و فنکار کی خبریں

وقت اشاعت: 15/03/2016 - 12:12:28 وقت اشاعت: 15/03/2016 - 12:08:53 وقت اشاعت: 15/03/2016 - 12:08:52 وقت اشاعت: 15/03/2016 - 12:08:51 وقت اشاعت: 15/03/2016 - 12:02:00 وقت اشاعت: 15/03/2016 - 12:01:59 وقت اشاعت: 15/03/2016 - 12:01:58 وقت اشاعت: 15/03/2016 - 11:28:25 وقت اشاعت: 15/03/2016 - 11:28:24 وقت اشاعت: 15/03/2016 - 11:28:23
پچھلی خبریں -

لاہور

پاکستان میں اچھی اورمعیاری فلمیں بنائی جارہی ہیں‘ اداکارہ وماڈل لیلیٰ

لاہور(اُردو پوائنٹ اخبارتازہ ترین۔15 مارچ۔2016ء) پاکستان میں ٹیلنٹ کی کوئی کمی نہیں، نوجوانوں کو آگے آنا ہوگا، پاکستانی فلم کوانٹرنیشنل معیار تک پہنچنے کے لیے ابھی بہت سا سفرطے کرنا ہوگا، فارمولافلموں کی بجائے ایسے موضوعات کا انتخاب وقت کی اشدضرورت ہے جوشائقین کی تفریح کا سبب بن سکیں۔ گھسے پٹے موضوعات اور ایک ہی طرح کے چہرے اب سلوراسکرین پرزیادہ دیرنہیں ٹک سکتے۔

نوجوان نسل کواپنی تخلیقی صلاحیتوں کے بل پرکچھ ایسا کام کرنا ہوگاکہ جسے لوگ برسوں یادرکھیں۔ ان خیالات کا اظہارمعروف اداکارہ وماڈل لیلیٰ نے اپنے ایک انٹرویو میں کہا کہ دنیا بھرمیں فلم کا میڈیم عوام کے سب سے قریب سمجھا جاتا ہے۔ اسی لیے فنون لطیفہ کے تمام شعبوں کے مقابلے میں فلم اوراس سے وابستہ لوگوں کو خاص مقام ملتا ہے۔ ہمارے ہاں بھی فلم انڈسٹری کا ایک سنہرادورسب کے سامنے ہے۔

سپرہٹ فلمیں جب سینما گھروں کی زینت بنتیں تولوگوں کی بڑی تعداد ان کودیکھنے کے لیے اپنی فیملیز کے ہمراہ سینما کارخ کرتی۔ ایک طرف توفلم کی کہانی کا تذکرہ ہوتا تودوسری جانب فلم کا جاندارمیوزک بھی ہرطرف سنائی دیتا۔ مگراس کے بعد ایک دورایسا بھی آیا کہ فارمولا فلمیں بننے لگیں۔ایک طرف اچھے موضوعات دورہوگئے تودوسری جانب وسائل کی کمی نے بھی فلم انڈسٹری کوبحران کی طرف جانے کے لیے مجبورکردیا۔

مگراب صورتحال ایک مرتبہ پھر تبدیل ہورہی ہے۔پاکستان میں اچھی اورمعیاری فلمیں بنائی جارہی ہیں ۔ جدید طرز کے سینماگھربن رہے ہیں اوران کے معیارمیں حیرت انگیزتبدیلی دکھائی دے رہی ہے لیکن ابھی پاکستانی فلم انٹرنیشنل معیار کے مطابق نہیں بن رہی ابھی اس کے لیے ہمیں خاصا تخلیقی کام کرنا ہوگا۔اس بات کوسمجھتے ہوئے ہمارے نوجوان فلم میکرز کوذمے داری کا مظاہرہ کرنا ہوگا۔ انھوں نے کہا کہ ہمیں درست سمت پرآگے چلنے کی ضرورت ہے۔ نوجوانوں کو اپنے سینئرز کی رہنمائی کے ساتھ آگے جانا ہوگا، اگرایسا کرلیا جائے تواس کی بدولت بہت تیزی کے ساتھ انٹرنیشنل مارکیٹ کا سفرطے کیا جاسکتاہے۔

15/03/2016 - 12:01:59 :وقت اشاعت